Isaya 43
43
OMWAMI niye Omununuli, yenyene
1Ne bulaano, OMWAMI owakhulonga, iwe Yakobo,
nowakhukhola, iwe Isiraeli,
aboola ari nanwa; mbu Oraria ta, shichila ndakhununuule;
ekhulanga eliiralio, oli owanje.
2Olwa obira mumatsi, embeetsangaho ninawe;
kata mumialo, ne shichilakhuyombeelela tawe;
olwa ochenda mumulilo, shiolafululukha ta;
kata tsimemu shitsilakhusamba ta.
3Okhuba nisie OMWAMI Nyasayewo,
Omutakatifu waIsiraeli, omuhoniawo;
ndahaana Misiri mbu shibe eshinunuloshio,
khandi Etiopia nende Seba mushilenjeshio.
4Okhuba washila bosi mumoni tsianje,
noli owoluyali, nasi ekhuheelanga,
niko akachila ehaana abandu mushilenjeshio,
khandi tsimbia tsiabandu khulwa obulamubwo.
5Oraria ta, okhuba endi ninawe halala;
ndalaleera olwibulolwo okhurula ebukwe,
nikhukhung'aasia okhurula mumbo;
6ndalasunjila notsi mbu Rusia;
khandi sautsi mbu Orabeekalila ta;
leera abaana banje abasiani okhurula ehale,
khandi abaana banje abakhaana okhurula khundulo weshialo;
7buli mulala oulangwa khulwa eliira lianje,
nowa ndalonga khulwa oluyali lwanje;
ndamukhola; toto, ndamulomba.
8Rusia ebulafu ababofu abali nende tsimoni,
nende abasilu abali nende amarwi.
9Amahanga kosi kakhung'aane halala,
tsimbia tsiabandu natsio tsikhung'aasibwe;
niwina mubo ounyala okhwilwatsa kano,
nakhumanyia amakhuwa akambeli?
Beetse nende abaloli babwe, mbu obulunjishi bwabwe bumanyishe;
kata mbu bahulile nibaboola bari Nakatoto.
10OMWAMI aboola mbu Inywe muli abaloli banje,
khandi omusumba wanje owa ndalobola;
mbu mumanye nimusuubila,
nimutiila khushisina mbu nisie ye;
shiyaliho Nyasaye yesi owakholwa, isie nishili okhubaho,
kata shialibaho inyuma wanje ta.
11Isie omwene, nisie OMWAMI;
ne abulaho omuhonia undi yesi ta.
12Ndayeelwatsile, khandi ndahoniye, khandi ndamanyiye,
ne yabulileho omunyasaye omucheni kwosi mwinywe;
niko akachila nimuli abaloli banje;
nolwa OMWAMI aboola.
13Isie nisie Nyasaye; okhurula olwa leelo, nisie ye;
nabulaho ounyala okhuhonia mumukhono kwanje;
isie ekhola, ne niwina owanokalukhasie?
14Kano niko aka OMWAMI, omununuliwo, Omutakatifu waIsiraeli,
aboola mbu;
Khulweenywe, ndarumaane eBabeli,
nifunaka emiyinjiilo chiosi,
mana amakhu kabaKalidayo kalakwa tsinzikhuulu.
15Nisie OMWAMI, Omutakatifu weenywe,
Omulonji waIsiraeli, Omuruchi weenywe.
16Nindio OMWAMI aboola,
oukasia injila munyanza,
khandi omuhanda mumatsi amakhongo;
17ourusinjia likaari nende ifarasi, nende lihe liobunyali;
bakona halala, shibalabuukha tawe;
basishile, basimiibwe shinga olutambi.
18Mureetsulile amakhuwa akambeli ta,
kata okhuyililisia khumakhuwa kakhale ta.
19Lole, ekhola likhuwa liyia;
bulaano limufutushila; shimulimanyile ta?
Khandi engasia injila kata mushitsiimi,
nende emialo mushitsiimi shiomuyeshe.
20Tsisolo tsinabulimo tsilambeelesia oluyali amabwe nende amahuto;
okhuba ehaananga amatsi mushitsiimi,
nende emialo mushitsiimi shiomuyeshe,
okhunyweesia abandu banje,
abalobole banje;
21abandu aba ndeekholela omwene,
balafuminiia.
22Ne iwe Yakobo, shiuhaabiile ta;
habula unjoonyeele, iwe Isiraeli.
23Shiwayandeereele ebiayo biebihaanwabio ebisambe ta;
kata shiwayambeelesiye oluyali nende emisangochio ta.
Shikhusitoheele khukebihaanwa kata okhukhuchoonyia nende obubaane ta.
24Shiwayanguliilekhwo olusi lweshing'aari namapeesako,
kata shiwanzikusiye amasinya kemisango ta;
ne wayasitoheele nende ebionoonobio,
wayanjoonyiye nende obumayaanubwo.
25Isie omwene, nisie ousiliisia obukhayibwo khulwanje omwene;
kata shindaleetsulilanga ebionoonobio ta.
26Unzitsusie; khwenesane halala;
oyaale akoko, mbu mana obulunjishibwo bumanyishe.
27Omwibuli weenywe owambeli yoonoona,
khandi abawinjaniabo bakhayile.
28Abakhulundubo boonooniye habundu wanje ahatakatifu;
kho nimukwisia Yakobo owomusilo,
khandi Isiraeli linyeko.
Currently Selected:
Isaya 43: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
