Isaya 44
44
OMWAMI niye Nyasaye, yenyene
1Ne hulila bulaano, iwe Yakobo omusumba wanje,
khandi Isiraeli owandaloboole;
2kano niko aka OMWAMI owakhulomba, nakhukhola okhurula khulubeleshelo,
owanokhukhoonye, aboola;
mbu Oraria tawe, iwe Yakobo omusumba wanje;
ninawe, Yeshuruni, owa ndaloboole.
3Shichila ndalatsushiilila amatsi khushialo eshihalaakhu,
nende emichela khwiloba eliumu;
ndalatsushiilila olwibulolwo Roho wanje,
nende ikhabi yanje khubaanabo;
4nabo balamela shinga obunyasi aha amatsi kali,
shinga tsimbaye khumilaakha.
5Oundi alasunga mbu Nisie OwOMWAMI;
oundi aleelanga khuliira liaYakobo;
oundi naye alahandiika khumukhonokwe ari OwOMWAMI;
niyeekulikha eliira mbu Isiraeli.
6Kano niko aka OMWAMI, Omuruchi waIsiraeli,
khandi Omununuliwe, OMWAMI omwene mahe, aboola;
mbu Nisie owambeli, khandi nisie owobumaliilishi;
ne abulaho Nyasaye undi yesi ta.
7Ne niwina oufwanana ninasi? Arumbule;
yeelwatse, nakalolosia imbeli wanje;
arumbule khale akali okhwitsa;
abuule ako akashili okhwikhola.
8Murarie kata okhutechela ta;
shindakhumanyia okhurula khale, nikhwilwatsila?
Neenyu muli abaloli banje.
Aliho Nyasaye undi, nindali isie, noho?
Toto mwene, lubulaho Olwanda lwosi; isie shindamanya olundi ta.
Okhwinamile ebifwanani nobusilu.
9Ababaatsa eshifwanani eshibaatse bosi nibutswa; nebienebio ebia bachamanga muno shibikaasila eshindu, kata abaloli babwe abeene shibalola kata okhumanya ta; mbu mana bafwimbwe omurwe. 10Niwina owakhola omunyasaye, kata okhwirulula eshifwanani, eshibula inganga yosi? 11Lole, abeshisango shiashio balafwimbwa omurwe; ne ababaatsi nabandu nabandu; bakhung'aane halala, nibeema; balatechela nibafwimbwa omurwe halala.
12Omwiraanyi akasia olubaatsilo, nakasia amaanda, nashikhola nende tsinyoli, nashiiraanya nende omukhonokwe kwamaani; yee, inzala yimuluma, amaanike nikeenya okhuhwa; shianywa amatsi ta, mana atora.
13Omubaatsi akhwesa olutsaha, lukololoshe; ashikhuurakhwo nende olukalamu; ashibaatsa nende tsinzube, nashikhuurakhwo nende ibikari, nashibaatsa mukhufwana khwomundu, shinga likondo liomundu olwa lili, mbu ashimenyie munzu. 14Yeeremela emisiita, nabukula omutirisa, kata omuruba, okwa yeelobolela mumisaala chiomumutsuru; araaka omutaraakwe, ifula niyikunesia 15Mana kuba tsikhwi tsiomundu; abukulakhwo, niyoora omulilo; ahambia omulilo, nateekha omukaate; akhola omunyasaye, namwinamila; akukhola eshifwanani eshibaatse, niyeekhupa hasi imbeli washio. 16Asamba eshitonye shiakwo mumulilo; yeekhoonyela eshitonye shiakwo okhulia inyama; asamba inyama, niyeekura; yee, yoora omulilo, naboola ari Eee, endunduumile omubili; enduutsi omulilo; 17ne eshitonye eshitong'a ashikhola omunyasaye, nishio eshifwananishie eshibaatse; yeekhupa hasi imbeli washio nashiinamila, nashisaayakhwo, nasunga ari Umbonie; shichila niwe nyasaye wanje!
18Shibamanyanga, kata shibayililisia ta; okhuba yabatimbiye tsimoni, mbu baleshe okhulola, nende emioyo chiabwe, mbu baleshe okhutiila khushisina ta. 19Abulaho owitsulila, kata khubulaho okhumanya kata okhutiila khushisina, okhuchila nibaboola mbu Ndasambile eshitonye shiakwo mumulilo; toto, khandi ndateeshile omukaate khumaanda kakwo; ndasambile inyama ninjiliane ekhole eshitonye eshitong'a eshiomusiloi Ndikhupe hasi imbeli weshisichili shiomusaala? 20Aliitsanga likoshe; omwoyo okwakaatibwa nikwo okwamushiamiye, naye shianyala okhwihonia kata okhusunga mbu Shibuliho obubeeyi mumukhono kwanje omusaatsa? Tawe.
OMWAMI niye Omununuli WaIsiraeli
21Yitsulila amakhuwa kano, iwe Yakobo;
khandi Isiraeli, okhuba oli omusumba wanje;
ndakhulonga; niwe omusumba wanje;
iwe Isiraeli, shindalakhwibilila ta.
22Ndasiliisiye obukhayibwo shinga linang'ong'we,
nende ebionoonobio shinga lileesi;
ungalushile; okhuba ndakhununuule.
23Iwe likulu, yimba, okhuba OMWAMI alikholile;
chinje olukhu, inywe amabanda keshialo;
rundushe munyimbo, inywe ebikulu,
nawe omutsuru, nende buli musaala okulimwo;
shichila OMWAMI anunuule Yakobo,
khandi aleenyoolela oluyali muIsiraeli.
24Kano niko aka OMWAMI omununuliwo,
ye owakhulonga okhurula khulubeleshelo, aboola; mbu
Nisie OMWAMI oukholanga ebindu biosi;
oubambulanga likulu sienyene;
ouyaala eshialo, ne niwina ouli ninasi?
25Oukayanga ebilolelo biabeelakalakanii,
nabasiluhasia abafumu;
oukalusinjia abachesi inyuma,
nakhola obumanyi bwabwe obusilu;
26outinyisinjia likhuwa liomusumbawe,
niyoosia obwibaali bwabarumebe;
ousunganga khuYerusalemu ari Lilamenywamwo;
khandi khumataala kaYuda, ari Kaloombakhwa;
ndalabuusia amakunda kako;
27ouboolelanga olusiba mbu Yuma,
khandi ndalakhamia emialochio;
28ouboolanga khuKoreshi mbu Niye omwayi wanje,
ne aliusia kosi aka enzenya;
kata okhuboola khuYerusalemu mbu Liloombakhwa;
khandi khuhekalu, mbu Omusekhwo kulakhupwa.
Currently Selected:
Isaya 44: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
