Popular Bible Verses from Isaya 43

Share

Lole, ekhola likhuwa liyia; bulaano limufutushila; shimulimanyile ta? Khandi engasia injila kata mushitsiimi, nende emialo mushitsiimi shiomuyeshe.

Olwa obira mumatsi, embeetsangaho ninawe; kata mumialo, ne shichilakhuyombeelela tawe; olwa ochenda mumulilo, shiolafululukha ta; kata tsimemu shitsilakhusamba ta.

Mureetsulile amakhuwa akambeli ta, kata okhuyililisia khumakhuwa kakhale ta.

Ne bulaano, OMWAMI owakhulonga, iwe Yakobo, nowakhukhola, iwe Isiraeli, aboola ari nanwa; mbu Oraria ta, shichila ndakhununuule; ekhulanga eliiralio, oli owanje.

Okhuba washila bosi mumoni tsianje, noli owoluyali, nasi ekhuheelanga, niko akachila ehaana abandu mushilenjeshio, khandi tsimbia tsiabandu khulwa obulamubwo.

Okhuba nisie OMWAMI Nyasayewo, Omutakatifu waIsiraeli, omuhoniawo; ndahaana Misiri mbu shibe eshinunuloshio, khandi Etiopia nende Seba mushilenjeshio.

Oraria ta, okhuba endi ninawe halala; ndalaleera olwibulolwo okhurula ebukwe, nikhukhung'aasia okhurula mumbo

Isie omwene, nisie ousiliisia obukhayibwo khulwanje omwene; kata shindaleetsulilanga ebionoonobio ta.

OMWAMI aboola mbu Inywe muli abaloli banje, khandi omusumba wanje owa ndalobola; mbu mumanye nimusuubila, nimutiila khushisina mbu nisie ye; shiyaliho Nyasaye yesi owakholwa, isie nishili okhubaho, kata shialibaho inyuma wanje ta.

Isie omwene, nisie OMWAMI; ne abulaho omuhonia undi yesi ta.

Isie nisie Nyasaye; okhurula olwa leelo, nisie ye; nabulaho ounyala okhuhonia mumukhono kwanje; isie ekhola, ne niwina owanokalukhasie?

Tsisolo tsinabulimo tsilambeelesia oluyali amabwe nende amahuto; okhuba ehaananga amatsi mushitsiimi, nende emialo mushitsiimi shiomuyeshe, okhunyweesia abandu banje, abalobole banje; abandu aba ndeekholela omwene, balafuminiia.

ndalasunjila notsi mbu Rusia; khandi sautsi mbu Orabeekalila ta; leera abaana banje abasiani okhurula ehale, khandi abaana banje abakhaana okhurula khundulo weshialo; buli mulala oulangwa khulwa eliira lianje, nowa ndalonga khulwa oluyali lwanje; ndamukhola; toto, ndamulomba.

Nindio OMWAMI aboola, oukasia injila munyanza, khandi omuhanda mumatsi amakhongo; ourusinjia likaari nende ifarasi, nende lihe liobunyali; bakona halala, shibalabuukha tawe; basishile, basimiibwe shinga olutambi.

Nisie OMWAMI, Omutakatifu weenywe, Omulonji waIsiraeli, Omuruchi weenywe.