Isaya 42
42
Omusumba wOMWAMI
1Lole, omusumba wanje ngwowuno, owa endeetelela;
omulobole wanje, ouchamisinjia omwoyo kwanje;
rdareele Roho wanje muye;
alabaleerela abamahanga obuyaasii bwatoto.
2Shialalanjilisia, kata okhuchinguula omwoyo,
kata okhuchila nikuhuliilikha khumuhanda ta.
3Shialafunaka litundu elinyaluushe,
kata okhusimia olutambi olumwemwenda tawe;
alaleera obuyaasii bwatoto munjila yahabwene.
4Shialahweelelela kata okhutoreelela ta,
okhuula olwa alaba naraachile obuyaasii bwatoto mushialo;
ne tsinguku tsilindiilila obwibaalibwe.
5Nyasaye OMWAMI, omwenoyo owalonga likulu nalibambula,
owayaala eshialo nende biosi ebirulangamwo;
ouheelesinjia abandu abamwo emiuya,
nende roho khubachendangamwo,
aboola ari nanwa, mbu
6Isie OMWAMI ndakhulanjile mubulunjishi,
nikhutiila omukhono, nikhulinda,
nikhuhaana obe indakano yabandu,
nende obulafu bwabamahanga;
7okhutimbusia tsimoni etsiabofula,
okhurusia ababohe mumbohe,
nende abo abeekhala mushiilima okhurula mundindi.
8Nisie OMWAMI; elienelo nilio eliira lianje;
ne oluyali lwanje shindalaheelesia oundi ta,
kata if uma yanje khubifwanani ebibaatse tawe.
9Lole, amakhuwa akambeli kamalile okhwikhola,
khandi emuboolela amakhuwa amayia;
emuboolelakhwo nikashili okhumufutushila.
Obwitsoomii khulwa obuhonia bwobunyali obwOMWAMI
10Mumwimbile OMWAMI olwimbo oluyia,
nende akeifumaye okhurula khundulo weshialo;
inywe abachendanga munyanza nende ebilimwo biosi,
tsinguku, nende abo abamenyangamwo.
11Eshitsiimi nende amataala akebisoma kamwo kachinje emioyo,
amataala aka abaKedari bamenyangamwo;
abamenyanga eSela beembe,
bakhupe tsingalakala khubutenje bwebikulu.
12Bamuheelesie OMWAMI oluyali,
nibamufumia khunguku.
13OMWAMI alarula shinga omululu;
alayakula itswoni shinga omutsohu owomwihe;
alalanjilisia, yee, alachinguula omwoyo;
alakholela abasukube akobululu.
14Ndaholeelile eshise eshirambi;
ndeekhaale butswa, nindisimilisia;
bulaano ndalalakaya shinga omukhasi oulumwa okhwibula;
ndalaheesela ninakulila omuuya.
15Ndalasasia tsingulu nende ebikulu,
nende okhufululusia emiani chiabwe chiosi;
khandi ndalakwisia emialo ebialo ebiumu,
nende okhukhamia amatiba.
16Ne ndalachesia ababofu khunjila eya baramanya ta;
khumihanda echia baramanya ta ndalabeemililakhwo;
ndalakhola eshiilima obulafu imbeli wabwe,
nende habundu ahashiama ndalakololosia.
Ndalakhola kano,
nindakalekha ta.
17Balakalusibwa inyuma, balafwimbwa omurwe muno,
abeesiikanga ebifwanani ebibaatse,
abasunjilanga ebifwanani bieshibia eshiasalulwa bari
Ninywe abanyasaye beefwe.
Abalsiraeli bakhaya okhuchesiha, kata olwa bakuumwa bario
18Hulile, inywe abasilu;
henje, inywe ababofu, mbu mulole.
19Niwina omubofu, habula omusumba wanje?
noho omusilu, shinga omurume owa eruma?
Niwina oubofuule shinga omwenoyo ounzahulilwa isie,
kata oubofuule shinga omusumba wOMWAMI?
20Ololanga amakhuwa amanji, ne shiorechelesinjia ta;
amarwiko keekuushe, ne shiohulilanga ta.
21Khulwa obulunjishibwe OMWAMI yachamile okhukhongoyia ameebaalo, nokhukaheelesia oluyali.
22Ne luno noluyia lwabandu abanuulwa nibayaaywa,
bahambilwe bosi mubuko,
nibabiswa mundindi;
bakwa butswa shinga eshioluyiitsi,
nabulaho ouhonia;
nibakwa butswa shinga eshiyaayo,
nabulaho ouboola mbu Kalusia.
23Niwina khwinywe oulareka amarwi khukano?
Oularechelesia nahulila aketsindaalo etsiitsanga?
24Niwina owahaana Yakobo abe eshiyaayo,
nende Isiraeli mubanuuli?
Shiyali ye OMWAMI? Ye owa khwonoonela,
khandi owa bakhaya okhuchenda khunjilatsie,
kata shibahulila ameebaaloke tawe.
25Khulwako yamusundulila obululu bwoburimabwe,
nende obutinyu bwelihe;
nibamuhambia omulilo tsimbeka tsiosi, ne shiyatiila khushisina ta;
nikumusamba, ne shiyayeetsulila mumwoyokwe tawe.
Currently Selected:
Isaya 42: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
