Okhurula 20
20
Amalako Ekhumi
(Okhuka. 5.1-21)
1Nyasaye nasunga amakhuwa kano kosi, ari
2Isie nisie OMWAMI Nyasayewo, owakhurusia mushialo shiaMisiri, okhurula munzu yobunyakhani.
3Orabeetsanga nende nyasaye undi ta, habula isie sienyene.
4Oreekholela eshifwanani eshibaatse, kata obukondo bweshindu shiosi eshili mwikulu hekulu kata eshili mushialo hasi, kata eshili mumatsi hasi weshialo; 5orabiinamilanga kata okhubikhalabanila ta; okhuba isie OMWAMI Nyasayewo endi Nyasaye weimbalikha, ningalusinjia akobumayaanu bwabakuuka babwe khubaana, okhuula khulwibulo lwakhataru nende olwakhane lwabangiya, 6nimbakholela akobuheeli oburalilu abandu ebikhumila khuba'heeIanga, nibambulila amalako kanje.
7Orarumbulanga butswa eliira liOMWAMI Nyasayewo ta; shichila OMWAMI shialachweya okhumurakhwo eshiina tawe, ourumbula butswa eliiralie.
8Yitsulilanga inyanga yeisabato, okhuchiahulanga. 9Tsindaalo tsisasaba okhalabanenje nokhola emilimochio chiosi; 10ne inyanga yomusaafu niyo isabato yOMWAMI Nyasayewo; khunyanga eyo orakholelangakhwo omulimo kwosi, iwe omwene, kata omwanawo omusiani, kata omwanawo omukhaana, kata omukholiwo oweshisaatsa, kata omukholiwo oweshikhasi, kata omurukokwo, kata omucheni ouli mwitaalalio, ta; 11shichila mundaalo tsisasaba OMWAMI yalonjeIamwo likulu nende eshialo, nende inyanza, nende biosi ebilimwo, nahuluushila khunyanga yomusaafu; niko akachila OMWAMI nachiheelesia inyanga yeisabato ikhabi, nachiahula.
12Heelesinjia so nende mawo oluyali; tsindaalotsio maua tsibe tsinyinji mushialo eshia OMWAMI Nyasayewo yakhuheele.
13Oreera omundu ta.
14Oraheya ta.
15Oreeba ta.
16Orachiikha owashio ta.
17Orakhaayilwa inzu yowashio ta, orakhaayilwa omukhasi wowashio ta kata omukholiwe oweshisaatsa, kata omukholiwe oweshikhasi, kata ing'ombeye, kata isishiliye, kata eshindu shiosi eshia owashio ali ninashio tawe.
Oburii bwabandu
18Abandu bosi nibalola akokhukukuma, nende tsimbenu, nende oluyoka lwolwika, nende eshikulu nishituuma omwosi; ne olwa abandu balola batechela, nibasinjila ehale. 19Nibamusunjila Musa bari Iwe osungane nineefwe, mana khuhulile; nebutswa Nyasaye aleshe okhusungana nineefwe; khwakhafwa. 20Musa nasunjila abandu ari Muraria ta; okhuba Nyasaye yeetsile okhumuteema, khandi mbu oburiisiibwe bube mumoni tsieenywe, muleshe okhwonoonanga.
Amalako khukebimalilo
21Abandu nabo nibasinjila ehalekhwo, naye Musa nasita ahambi khulucheka ' ewa Nyasaye yali 22OMWAMI namusunjila Musa ari Oboolele abaana baIsiraeli ori nanwa, mbu Inywe abeene mumalile okhulola shinga olwa esungaane nineenywe okhurula mwikulu. 23Murakholakhwo abanyasaye bandi okhuba halala ninasi ta; abanyasaye beifeetsa, kata abanyasaye beitsahaabu, mureebakholela abeene tawe. 24Eshimalilo shieliloba nishio eshia olakholela, ne khushieneshio olamalilangakhwo emisangochio emisambe, nende emisangochio chiokhwishia, amakondiko nende tsing'ombetsio; buli hosi aha ndalakholelanga akachila nibeetsulila eliira lianje, niho aha ndalakhwitsilanga nikhuheelesia ikhabi. 25Ne noba niukholela eshimalilo shiamachina, orashiumbashilanga amachina amabaatse ta; shichila noba noshichinguulila eshibaatsiloshio, kho oba noshionooniye. 26Kata shiolaniinila eshimalilo shianje nebiniinilo ta, eshihechenyeshio shileshe okhulolekhakhwo.
Currently Selected:
Okhurula 20: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
