Okhurula 21
21
Aka omundu akhoyile okhukholelanga abasumbabe abakula
(Okhuka. 15.12-18)
1Ne buno nibwo obul halachi obwa witsa okhura imbeli wabwe. 2Olwa okula omusumba omuHeburania akhukholele emiyika chisasaba; ne mukwomusaafu alekhuulwe atsie butswa. 3Naba niyeetsa yenyene, atsie yenyene ario; kata naba niyeetsa niyateeshia, kho atsie nende omukhasiwe. 4Omwamiwe naba niyamubashila omukhasi, naye niyeebula abaana abasiani kata abakhaana; omukhasi oyo nende abaanabe balabe abomwamiwe, ne omusumba oyo alatsie omwene yenyene. 5Nebutswa omusumba oyo naba nasunga habulafu ari Emuheelanga omwami wanje, nomukhasi wanje, nabaana banje; shinzenya okhulekhuulwa enzie tawe; 6kho mana omwamiwe amuleere imbeli waNyasaye, khandi amuleere khulwichi kata khushiyindi; mana omwamiwe amufutule eshirwi noluchela; naye alamukhalabanilanga inziayo.
7Olwa omundu akusia omwanawe omukhaana abe omukholi wemilimo, shialamale atsie shinga abakholi abasaatsa olwa bakholanga ta. 8Naba narachamisia omwamiwe ta, naye omwene olwa yali napaaranga okhumuteeshia, kho afuchiilile anunulwe; shiali nobunyali okhumukusilia abandu abasuku tawe, olwa yamukholeele akobukaatii. 9Ne naba napaaranga okhumubakha khumwanawe, amukholele shinga omwanawe omukhaana. 10Naba naleera omukhasi undi, aleshe okhuleemia inyamaye, kata tsingubotsie, kata obusanji ninaye. 11Ne naba naramukholela amakhuwa ako kataru ta, kho mana omukhasi oyo aruleho butswa, harali okhununulwa namapeesa ta.
Amalako khukebikhole biamahababa
12Oukhupa omundu nafwa, okhuula yeerwe. 13Ne naba naramukonesheele ta, nebutswa Nyasaye yamuhaanile mumukhonokwe, kho ndalakhulaka habundu aha veelushila. 14Ne omundu naba namwitsila owashie chiminiyai, okhumwira munjila yobukaatii, kho omuyinie khushimalilo shianje, mbu afwe.
15Naye oukhupa samwana kata nyina, okhuula yeerwe.
16Naye owiba omundu namukusia, kata naba nanyoolekha nali mumukhonokwe, okhuula yeerwe.
17Naye oufwola samwana kata nyina, okhuula yeerwe.
18Khandi abandu nibaba nibasoolana, mulala nakhupa oundi nelichina kata neshifuusi, narafwa ta, habula okhukona khwiseelo; 19ne naba namala nabuukha, niyeechesachesia elwanyi nomutiichilo, kho owamuupa abula eshiina; habula amurunjile tsindaalo etsia yeekhala butswa, namulwasia okhuula olwa alaba nahoniile elala.
20Khandi olwa omundu akhupa omusumbawe kata omukholiwe omukula weshikhasi nende indabushi, nafwila habwenaho mumukhonokwe, okhuula akuumwe. 21Nebutswa, naba nabaho mwoyo inyanga ndala kata tsibili, aleshe okhukuumwa; okhuba ye namapeesake.
22Khandi olwa abandu baba nibakhupana, nibasaalisia omukhasi ouli inda, nibachila nahuusa omwana, amatinyu kandi nikaralondakhwo ta; kho okhuula akhalakwe ifwaini, shinga omusaatsa womukhasi oyo olwa yeenya; narunga shinga abakhalachi olwa bakhalaka. 23Nebutswa amatinyu kandi nikaba nikalondakhwo, kho ohaane obulamu khulvra obulamu, 24imoni khumoni, eliino khuliino, omukhono khumukhono, eshilenje khushilenje, 25okhuyia khukhuyia, lifumire khwifumire, likhupache khwikhupache.
26Khandi olwa omundu aba nakhupa omusumbawe kata omukholiwe omukula oweshikhasi imoni, nachisasia; kho amulekhuule atsie khulwa imoniye. 27Kata naba namuupa omusumbawe kata omukholiwe omukula oweshikhasi eliino, nalio nilikhuulikha, kho amulekhuule atsie khulwa eliinolie.
Amalako khukemiruko nabeene chio
28Khandi olwa ing'ombe yiba niyifumira omundu omusaatsa kata omukhasi nolwika, nafwa, ing'ombe eyo okhuula yilaswe namachina, inyama yayo niyiraliibwa ta; ne omwene ng'ombe eyo abula eshiina. 29Nebutswa ing'ombe eyo niyiba niyalinji niyifumiranga abandu netsinzika khale, omweneyo naye niyeekaanwa, narachiboha ta, mana niyiira omundu omusaatsa kata omukhasi; kho ing'ombe yilaswe namachina, khandi omweneyo naye yeerwe. 30Naba nareebwakhwo eshinunulo, kho ahaane eshieneshio eshiareebwa khuye shibe eshinunula obulamubwe. 31Kata niyifumira omwana womundu, omusiani kata omukhaana, akholelwe obukhalachi buno shinga olwa buli. 32Ne ing'ombe eyo niyiba niyifumira omukholi omusaatsa kata oweshikhasi, kho aheelesie omwami wabwe ifeetsa eyichelwa tsishekeli amakhumi kataru, ne ing'ombe yilaswe namachina.
33Khandi omundu olwa aba nafuunula obwina, kata omundu olwa aba nayaba obwina narabufuunikha ta, mana ing'ombe kata isishili niyikwamwo, 34kho omwene bwina obwo arunje; aheelesie omwene muruko okwo amapeesa tsana, mana omuruko okufwile kulabe okukwe.
35Khandi olwa ing'ombe yomundu yiba niyifumira eyoundi, kho bakusie ing'ombe eyo inamu nibakabana obuhlsi bvvayo; khandi eyifwile nayo, bachikabane. 36Ne nikaba nikamanyikha mbu ing'ombe eyo yalinji niyifumiranga khale, omweneyo naye narachibohanga ta; okhuula arunje ing'ombe khung'ombe; evifwile nayo yibe eyiye.
Currently Selected:
Okhurula 21: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
