Popular Bible Verses from Okhurula 20

Share

Isie nisie OMWAMI Nyasayewo, owakhurusia mushialo shiaMisiri, okhurula munzu yobunyakhani. Orabeetsanga nende nyasaye undi ta, habula isie sienyene.

Oreekholela eshifwanani eshibaatse, kata obukondo bweshindu shiosi eshili mwikulu hekulu kata eshili mushialo hasi, kata eshili mumatsi hasi weshialo; orabiinamilanga kata okhubikhalabanila ta; okhuba isie OMWAMI Nyasayewo endi Nyasaye weimbalikha, ningalusinjia akobumayaanu bwabakuuka babwe khubaana, okhuula khulwibulo lwakhataru nende olwakhane lwabangiya

Heelesinjia so nende mawo oluyali; tsindaalotsio maua tsibe tsinyinji mushialo eshia OMWAMI Nyasayewo yakhuheele.

Yitsulilanga inyanga yeisabato, okhuchiahulanga.

Orarumbulanga butswa eliira liOMWAMI Nyasayewo ta; shichila OMWAMI shialachweya okhumurakhwo eshiina tawe, ourumbula butswa eliiralie.

Tsindaalo tsisasaba okhalabanenje nokhola emilimochio chiosi; ne inyanga yomusaafu niyo isabato yOMWAMI Nyasayewo; khunyanga eyo orakholelangakhwo omulimo kwosi, iwe omwene, kata omwanawo omusiani, kata omwanawo omukhaana, kata omukholiwo oweshisaatsa, kata omukholiwo oweshikhasi, kata omurukokwo, kata omucheni ouli mwitaalalio, ta

Orakhaayilwa inzu yowashio ta, orakhaayilwa omukhasi wowashio ta kata omukholiwe oweshisaatsa, kata omukholiwe oweshikhasi, kata ing'ombeye, kata isishiliye, kata eshindu shiosi eshia owashio ali ninashio tawe.

Orachiikha owashio ta.

Oraheya ta.

Oreera omundu ta.

Oreeba ta.