Okhurula 19
19
AbaIsiraeli enashikulu shiaSinai
1Olwa omwesi kwalaba okwakhataru okhurula olwa abaana baIsiraeli bali nibarulile mushialo shiaMisiri, khunyanga yeneyo boola mushitsiimi shiaSinai. 2Ne olwa bali nibarulile eRefidimu, nibamalile okhuula mushitsiimi shiaSinai, bakhoma ikambi yabwe mushitsiimi; ebweneyo abaIsiraeli nibakhoma ikambi yabwe imbeli weshikulu. 3Mana Musa yatikulukha ewaNyasaye, OMWAMI namulanjisia okhurula mushikulu, ari Kano niko aka olasunjile inzu yaYakobo, noboolela abaana baIsiraeli; mbu 4Muluutsi aka ndabakholela abaMisiri, khandi shinga olwa ndamuchinga khumbaha tsietsinditsu nimuleera ewanje. 5Kho bulaano, nimuba nimuhulila amakhuwa kanje toto, nimulinda indakano yanje, kho mulabeetsanga khwisie omwandu kwolukoosi, mumbia tsiosi tsiabandu; okhuba eshialo shiosi pe neshianje; 6neenyu mulabeetsanga abakuhani aboburuchi bwanje, lihanga litakatifu. Kano niko amakhuwa aka olaboolela abaana baIsiraeli.
7Kho Musa yatsia narumana okhulanga abakofu babandu, nara imbeli wabwe amakhuwa ako kosi aka OMWAMI yali namulachile. 8Abandu nabo nibakalusia bosi halala, bari Kosi aka OMWAMI asunjile, khulakakhola. Naye Musa nayilila OMWAMI amakhuwa kabandu abo. 9OMWAMI namusunjila Musa mbu Lola, ekhwitsila mwileesi lisiro, mbu abandu bahulilenje olwa emboolana ninawe, khandi mbu bakhusuubilile inziayo. Musa naboolela OMWAMI amakhuwa kabandu abo. 10OMWAMI namusunjila Musa ari Otsie ewa abandu bali, obaahule leelo nende mukamba, nabo boosie Lsingubo tsiabwe, 11beerecheshele inyanga yPkhataru; shichila khunyanga yakhataru OMWAMI yakheeshe mumoni tsiabandu bosi khushikulu shiaSinai. 12Nawe osirile abandu tsinzakho tsimbeka tsiosi, nosunga mbu Mwilinde, muleshe okhuniina mushikulu, kata okhutiilakhwo khundulo washio ta; omundu yesi outiilakhwo khushikulu okhuula yeerwe; 13omukhono kwomundu yesi kuleshe okhumutiilakhwo, ne okhuula alaswe namachina kata nebisele; omundu oyo aleshe okhutong'a mwoyo, kata omuruko nakwo kurio; olwika olwa lukhupwa, nilutsiililila, basite ahambi khushikulu. 14Kho Musa yeekha okhurula mushikulu, okhuula ewa abandu bali, niyaahula abandu; nabo niboesia tsingubo tsiabwe. 15Khandi yasunjila abandu ari Mube nimwirechesheele inyanga yakhataru; murasita ahambi nomukhasi yesi ta.
16Mana khunyanga yakhataru, nibushieele, okhukukuma khwaliho, nende tsimbenu nende lileesi lisiro khushikulu, nende oluyoka Iwolwika, olukhongo muno; abandu bosi abali mukambi nibatechela. 17Mana Musa yarusia abandu mukambi okhumwakaanila Nyasaye; nabo nibasinjila mundaalilal weshikulu. 18Ne eshikulu shiaSinai shiatuuma omwosi, okhuba OMWAMI yeeshela khushio mumulilo; omwosi kwashio nakwo nikutuumuukha shinga omwosi kwelirumbi, eshikulu shiosi nishirenga muno. 19Ne olwa oluyoka Iwolwika Iweemeeta nilutsiililila, Musa yali naboolanga, khandi Nyasaye yali nakalusinjia nomwoyo. 20OMWAMI niyeeshela khushikulu shiaSinai, khubutenjel bweshkulu; mana OMWAMI nalanga Musa aniine khubutenje bweshikulu; naye Musa naniina. 21OMWAMI namusunjila Musa ari Yikha, obasiomele abandu, baleshe okhumaala boole ewOMw okhurangaala; abanji khubo bakhafwa. 22Khandi abakuhani nabo, abasitanga ahambi nende OMWAMI, beeyahule, OMWAMI aleshe okhubarulilakhwo. 23Musa nasunjila OMWAMI ari Abandu shibanyala okhutikulushila khushikulu shiaSinai ta; okhuba okhusiomeele, ori Sirila eshikulu tsinzakho tsimbeka tsiosi, noshiahula. 24OMWAMI namusinjila ari Tsia, wishe, khandi olaniine, halala nende Harunine abandu nende abakuhani, bo baramaala okhutikulukha ewOMWAMI ta; yakhabarulilakhwo 25Kho Musa yeekha ewa abandu bali, nababoolela ario.
Currently Selected:
Okhurula 19: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
