Omwilwatsi 2
2
1Ndasunga mumwoyo kwanje mbu Kho bulaano endeeme akemienya; esangaalile amalayi. Ne lola, ako nako kali butswa amakhaya. 2Ndasunga khuketsinzekho mbu Nakamalalu; nokhumienya, mbu Kakhola shi? 3Ndakhaaba mumwoyo kwanje shinga olwa ndakhatsatsahasia omubili kwanje neidivai, omwoyo kwanje nikushinzimilila nobuchesi; khandi shinga olwa ndakhahamba akobusilu, okhuula olwa ndakhalola akali amalayi khubaana babandu mbu bakholenje hasi welikulu mundaalo tsiobulamu bwabwe, kata olwa tsili tsinduutu. 4Ndeekholela emilimo emikhongo; ndeeyumbashila tsinzu; ndeeraachila emikunda chiemitsabibu; 5ndeekasilia ebilundu nende emikunda, niraakamwo emisaala chiebiamo bietsimbia tsiosi; 6ndeekasilia amatiba kamatsi, akokhunyoolelamwo amatsi akokhunyisia emitsuru chiemisaala emiraache. 7Ndakula abakholi abasaatsa nabakhaana, nimba nabasumba abeebulilwa mwitaala lianje; khandi ndali nemiruko eminji, ebiayo nende tsing'ombe, okhushila abo bosi abaranjilila muYerusalemu. 8Ndeekhung'aasilia ifeetsa neitsahaabu, namabiikho kabaruchi naketsingongo; ndeenyoolela abeembi abeshisaatsa nabeshikhasi, nende abasuria abanji muno, aba abasaatsa basangaalilanga.
9Kho nimba endio omukhongo, nimeetekha muno okhushila bosi abaranjilila muYerusalemu; nabwo obuchesi bwanje nibushili mwisie. 10Aka tsimoni tsianje tsieekomba, shindakeekalila ta; kata shindayinjila omwoyo kwanje khumwikhoyo kwosi ta, okhuba omwoyo kwanje kweekhoyela emilimo chianje chiosi; okwo kwali omukabo kwanje okwarula mumilimo chianje chiosi. 11Mana nihenga ebikhole biosi ebia amakhono kanje kali nikakholile, nende emilimo chiosi echia ndali ninyakhaane okhukhola; ne lola, kosi namakhaya, nokhulonda butswa omuyeka; kata shiyiliho inganga yosi hasi weliuba ta. 12Kho nishiukhana okhuhenga obuchesi, nende amalalu nobusilu; okhuba nishiina eshia omundu oulonda khumuruchi anyala okhukhola? Mbula, akeenako akamala okhukholwa. 13Mana nindola mbu obuchesi buyomba obusilu shinga omubasu olwa buyomba eshiilima. 14Tsimoni Uiomuchesi tsiliho mumurwekwe; ne oweshiyingwa ye achenda mushiilima; nebutswa ndalola mbu liliho likhuwa elala elibakwilanga bosi. 15Nimboola mumwoyo kwanje mbu Shinga olwa kamukwila oweshiyingwa, nolwa kalangwila nasi siesi; kho mbushiina nimba omuchesi muno? Mana nimboola mumwoyo kwanje mbu ako kosi kali butswa amakhaya. 16Okhuba khumuchesi nokhuweshiyingwa bombi, bubulaho obwitsulilwi inziayo ta; shichila mundaalo etsili okhwitsa kosi kaliba nikamalile okhwibililwa. Makowe, omuchesi afwitsanga shinga oweshiyingwa olwa afwa! 17Kho ningiya obulamu; shichila ebikhole ebikholungwa hasi weliuba biasinya; okhuba kosi namakhaya, nokhulonda butswa omuyeka.
18Ningiya nende emilimo chiosi echia ndanyakhanila hasi weliuba; shichila ekhoyile okhuchileshela omundu oulinondakhwo. 19Ne ali heena oumanyile naba naliba omuchesi nohomba omusilu? Nebutswa aliba nobunyali khumilimo chianje chiosi echia ndanyakhanila, nechia ndalolosiliamwo obuchesi hasi weliuba. Ako nako namakhaya. 20Ne niko akachila nindihaana okhufwa omwoyo, khulwa emilimo chiosi echia ndanyakhanila hasi weliuba. 21Okhuba haundi omundu owa emilimochie chiakholungwa nende obuchesi nobumanyi nobusitsa amalanga namulaamila omundu ouranyakhanakhwo ta, chibe omukabokwe. Ako nako namakhaya, khandi nobubii muno. 22Okhuba kario omundu aba nende shiina okhurula mumilimochie chiosi, nobunyakhani bwomwoyo, obwa anyakhananga hasi weliuba? 23Okhuba tsindaalotsie tsiosi tsili butswa amasila, okhutiikakhwe nikhuba eshibeela; toto, kata mushilo omwoyokwe shikuhuluukha ta. Ako nako namakhaya.
24Libulaho lilayi khumundu elishila lino, mbu okhuliitsanga nokhunywa nokhusangaalila emilimochie. Ndalola mbu ako nako karula mumukhono kwaNyasaye. 25Okhuba ali heena owakhanyala okhulia, kata okhuhulila obulayi, aharali ye ta? 26Okhuba khumundu oyo oumuchamisia, Nyasaye amuheelesinjia obuchesi, nobumanyi, nende okhwikhoya; ne khumwonooni amuheelesinjia okhutiika, okhukhung'aasia nokhubunjikha, mbu ye aheelesia ulia oumuchamisia Nyasaye. Ako nako namakhaya, nokhulonda butswa omuyeka.
Currently Selected:
Omwilwatsi 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
