Omwilwatsi 1
1
Kosi namakhaya kuru
1Amakhuwa kOmwilwatsi, omwana waDaudi,
owali omuruchi eYerusalemu, ngakano.
2Kosi namakhaya kuru, Omwilwatsi aboola;
namakhaya kuru; kosi kali butswa amakhaya.
3Emilimo chiosi echia omundu akhola hasi weliuba chili neinganga shi?
4Olwibulo lulala luhwaho, olwibulo lundi nilwitsa,
nebutswa eshialo shimenya inziayo.
5Eliuba nalio lifwinda, eliuba niliyeela,
nilianguha okhuula habundu aha lifwindilanga.
6Omuyeka kuchooma ebukwe,
nikushiukhana nikuchooma mumbo;
kushiukhashiukhanilanga obushia khunjila yakwo;
mana omuyeka nikukalukha khukhubotokhana khwakwo.
7Emialo chiosi chibukanga munyanza,
nebutswa inyanza shiyiitsulanga ta;
habundu ewa emialo chibukanga,
chimalanga chibucheyo khandi.
8Amakhuwa kosi keetsulangamwo okhuchoonya;
kata omundu shianyala okhukaboola ta;
imoni shiyiikuranga obuloli,
kata eshirwi okhunyalikha obuhulili ta.
9Akalinjiho niko akalabeetsangaho;
akakholwa niko akalakholwa;
libulaho likhuwa liosi liyia hasi weliuba.
10Shiliho eshindu eshia abandu baboolakhwo mbu
Lole,shino neshiyia, noho?
Mbula, shiamala okhubaho mubisoni ebiakhuranjilila.
11Bubulaho obwitsulilwi bwamakhuwa kakhale,
kata shibulabaho obwitsulilwi bwamakhuwa akolunyuma, akali okhwitsa,
khubeenabo abali okhwitsa, ta.
Aka Omwilwatsi yalola namanya
12Isie Omwilwatsi ndali omuruchi waIsiraeli muYerusalemu. 13Ndarakhwo omwoyo muno okhukhaaba nokhurunilisia nobuchesi kosi akeekholanga hasi welikulu; nikhwo okhutiika okhubii okhwa Nyasaye yaheelesia abaana babandu okhunyakhanila. 14Ndaluutsi ebikhole biosi ebikholungwa hasi weliuba; ne lola, kosi namakhaya; nokhulonda butswa omuyeka.
15Eshili eshiikotu shishinyala okhukololosibwa ta;
eshio eshienyekha shishibalikha ta.
16Ndasunga mumwoyo kwanje mbu Lola, enyoolile obuchesi obunji, okhushila abo bosi abaruka Yerusalemu imbeli wanje; omwoyo kwanje kunalile muno akobuchesi nobumanyi. 17Ndarakhwo omwoyo okhumanya akobuchesi, khandi okhumanya akamalalu nakobusilu; nindola mbu ako nako kali butswa okhulonda omuyeka.
18Okhuba mubuchesi obunji mulimwo amasila amanji;
oumeetakhwo obumanyi, ameeta ario eshibeela.
Currently Selected:
Omwilwatsi 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
