Popular Bible Verses from Omwilwatsi 2

Share

Okhuba khumundu oyo oumuchamisia, Nyasaye amuheelesinjia obuchesi, nobumanyi, nende okhwikhoya; ne khumwonooni amuheelesinjia okhutiika, okhukhung'aasia nokhubunjikha, mbu ye aheelesia ulia oumuchamisia Nyasaye. Ako nako namakhaya, nokhulonda butswa omuyeka.

Libulaho lilayi khumundu elishila lino, mbu okhuliitsanga nokhunywa nokhusangaalila emilimochie. Ndalola mbu ako nako karula mumukhono kwaNyasaye. Okhuba ali heena owakhanyala okhulia, kata okhuhulila obulayi, aharali ye ta?

Mana nihenga ebikhole biosi ebia amakhono kanje kali nikakholile, nende emilimo chiosi echia ndali ninyakhaane okhukhola; ne lola, kosi namakhaya, nokhulonda butswa omuyeka; kata shiyiliho inganga yosi hasi weliuba ta.

Aka tsimoni tsianje tsieekomba, shindakeekalila ta; kata shindayinjila omwoyo kwanje khumwikhoyo kwosi ta, okhuba omwoyo kwanje kweekhoyela emilimo chianje chiosi; okwo kwali omukabo kwanje okwarula mumilimo chianje chiosi.

Mana nindola mbu obuchesi buyomba obusilu shinga omubasu olwa buyomba eshiilima.

Tsimoni Uiomuchesi tsiliho mumurwekwe; ne oweshiyingwa ye achenda mushiilima; nebutswa ndalola mbu liliho likhuwa elala elibakwilanga bosi.

Okhuba haundi omundu owa emilimochie chiakholungwa nende obuchesi nobumanyi nobusitsa amalanga namulaamila omundu ouranyakhanakhwo ta, chibe omukabokwe. Ako nako namakhaya, khandi nobubii muno.