Tsinjelo 31
31
Obuchesiyii khumuruchi
1Amakhuwa kaLemweli, omuruchi waMasa aka nyina yamwechesia.
2Nishiina, omwana wanje? ne nishiina, O omwana womunda yanje?
Ne nishiina, O omwana webiitsubo bianje?
3Oraheelesia abakhasi tsingufutsio ta,
kata okhwihaana khubo aboonooninjia abaruchi.
4Shikakhoyeele abaruchi, O Lemweli, shikakhoyeele abaruchi okhunywa idivai ta;
kata abakhulundu okhureeba bari Amalwa kali heena?
5Bakhanywa, nibeebilila amalako;
nibashiukhasia obukhalachi bwomundu yesi oukhupanga khushibii.
6Heelesia oyo ouli ahambi okhutiba amalwa,
nende idivai khu oyo oubiiyile omwoyo.
7Anywe, yeebilile obumananibwe,
nareetsulila obusitohubwe khandi ta.
8Boolakhwo khulwa abasilu abaranyala okhuboola ta,
mushiina shia abo bosi abalekhwa eshisoma.
9Boolakhwo, okhalache nobulunjishi,
nobatelelal abamanani nabatakha.
Akokhufumia omukhayi omulayi
10Omukhaye omulayi, niwina ounyala okhumunyoola?
Okhuba eshicheloshie shishilile muno tsinyuma tsinzakhanyu.
11Omwoyo kwomusaatsawe kumwisiikanga,
naye shialatakha inganga ta.
12Amukholelanga omusaatsawe obulayi,
nobubii ta, tsindnalo tsiosi.
13Akhaabanga obwoya bwamakondi nende ikitani,
nakholanga namakhonoke nobutsatsahafu.
14Yeengana tsimeli tsiabakhala;
asumanga ebiliibwa okhurula ehale.
15Ahachilanga okhubuukha, nakabulila abomunzuye ebiliibwn,
nende abakhaana abakholibe, emilimo chiabwe.
16Ahenganga omukunda, mana akula;
asimikhanga omukunda kwemitsabibu neinganga eya anyoolile namakhonoke.
17Yeebohanga olukhoba lwetsingufu mushishienje,
ne atinyisinjia amakhonoke.
18Alolanga mbu obukhalabwe bulimwo inganga;
itahaye shiyisimanga eshilo tawe.
19Akololosinjia amakhonoke aokhusiira obuusi,
nikatiila eshisiililo.
20Ahaanilanga abamanani namakhonoke;
yee, anyiililanga abatakha amakhono.
21Shirariitsanga itsaluchi khubomunzuye ta;
okhuba abomunzuye bosi bafwalilwe tsingubo tsinzakhanyu.
22Akholanga ebiokhwifwimba ebilayi;
ebiifwalobie bili ebieikitani indorotoro nende iranzayi.
23Omusaatsawe wamanyikha khuluyia,
olwa yeekhalanga nabakofu beshialo.
24Anabanga tsingubo tsieikitani natsikusia;
khandi ayililanga abakhala emishiipi.
25Tsingufu nende oluyali nibio ebiifwalobie,
nebutswa atseshela butswa tsindaalo etsiitsanga.
26Aboolanga akobuchesi;
ne ameebaalo keshisa kali khululimilwe.
27Ahenjelesinjia bulayi tsinjila tsiobomunzuye,
ne shialiitsanga ebiliibwa biobukara ta.
28Abaanabe basinjilanga, nibamulaha mbu noweikhabi;
omusaatsawe yesi amwitsoominjia, naboola ari
29Abakhasi abanji bakholile bulayi,
nebutswa iwe obashilile bosi.
30Omuteka nobukaatii, kata eshiiso nibutswa;
ne omukhasi ouriitsanga OMWAMI, niye ouleetsoomibungwa.
31Muhe khubiamo biamakhonoke;
emilimochie nachio chimwitsoomie muluyia.
Currently Selected:
Tsinjelo 31: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
