Popular Bible Verses from Omwilwatsi 1

Share

Okhuba mubuchesi obunji mulimwo amasila amanji; oumeetakhwo obumanyi, ameeta ario eshibeela.

Akalinjiho niko akalabeetsangaho; akakholwa niko akalakholwa; libulaho likhuwa liosi liyia hasi weliuba.

Amakhuwa kosi keetsulangamwo okhuchoonya; kata omundu shianyala okhukaboola ta; imoni shiyiikuranga obuloli, kata eshirwi okhunyalikha obuhulili ta.

Kosi namakhaya kuru, Omwilwatsi aboola; namakhaya kuru; kosi kali butswa amakhaya. Emilimo chiosi echia omundu akhola hasi weliuba chili neinganga shi?

Ndaluutsi ebikhole biosi ebikholungwa hasi weliuba; ne lola, kosi namakhaya; nokhulonda butswa omuyeka.

Olwibulo lulala luhwaho, olwibulo lundi nilwitsa, nebutswa eshialo shimenya inziayo.

Bubulaho obwitsulilwi bwamakhuwa kakhale, kata shibulabaho obwitsulilwi bwamakhuwa akolunyuma, akali okhwitsa, khubeenabo abali okhwitsa, ta.

Ndarakhwo omwoyo okhumanya akobuchesi, khandi okhumanya akamalalu nakobusilu; nindola mbu ako nako kali butswa okhulonda omuyeka.