Okhukalushila 5
5
Amalako ekhumi
1Mana Musa nalanga abaIsiraeli bosi, nabasunjila ari Iwe Isiraeli, hulila ako akalachilisibwa nende akobukhalachi kosi aka enzitsa okhuboola mumarwi keenywe inyanga yino, mbu mukeeche nimwitsulila okhukakholanga. 2OMWAMI Nyasaye weefwe yalakana nineefwe indakano eHorebu; 3OMWAMI shiyalakana indakano eyo nabakuuka beefwe ta, habula nineefwe, ifwe abeene, abaliho fwesi nikhuli mwoyo leelo. 4OMWAMI yasungana nineenywe mumoni khumoni mushikulu, okhurula mumulilo hakari, 5olwa ndasinjila hakari w nineenywe khunyanga eyo, okhumumanyia likhuwa liOMWAMI; okhuba mwaria khulwa omulilo, nimuraniina mushikulu ta. Niyasunga mbu:
6Isie nisie OMWAMI Nyasayewo, owakhurusia mushialo shiaMisiri, okhurula munzu yobunyakhani.
7Orabeetsanga nende nyasaye oundi ta, habula isie sienyene.
8Oreekholela eshifwanani eshibaatse, obukondo bweshindu shiosi eshili mwikulu hekulu kata eshili mushialo hasi, kata eshili mumatsi hasi weshialo; 9orabiinamilanga kata okhubikhalabanila ta; okhuba isie OMWAMI Nyasayewo endi Nyasaye weimbalikha, ningalusinjia akobumayaanu bwabakuuka babwe khubaana, okhuula khulwibulo lwakhataru nende olwakhane lwabangiya; 10nimbabeela obuheeli oburalilu abandu ebikhumila, khuba'heelanga, nibambulila amalako kanje.
11Orarumbulanga butswa eliira liOMWAMI Nyasayewo ta; shichila OMWAMI shialachweya okhumurakhwo eshiina tawe, ourumbula butswa eliiralie.
12Yitsulilanga inyanga yeisabato, okhuchiahulanga, shinga OMWAMI Nyasayewo olwa yakhulaka. 13Tsindaalo tsisasaba okhalabanenje nokhola emilimochio chiosi; 14ne inyanga yomusaafu niyo isabato yOMWAMI Nyasayewo; khunyanga eyo orakholelangakhwo omulimo kwosi, iwe omwene, kata omwanawo omusiani, kata omwanawo omukhaana, kata omukheliwo oweshisaatsa, kata omukholiwo oweshikhssi, kata ing'ombeyo kata isishiliyo, kata omurukokwo kwosi, kata omucheni ouli mwitaalalio ta; mbu omukholiwo oweshisaatsa nomukholiwo oweshikhasi bosi bahuluushe shinga iwe. 15Khandi witsulilenje shinga olwa wali omukholi mushibala shiaMisiri, ne OMWAMI Nyasayewo yakhurusiamwo khulwa omukhono kwamaani, nomukhono okunyiililwe okhuhonia. Niko akachila OMWAMI Nyasayewo yakhulaka okhulindanga inyanga yeisabato.
16Heelesinjia so nende mawo oluyali, shinga OMWAMI Nyasayewo olwa yakhulaka; tsindaa-lotsio mana tsibe tsinyinji, nawe okaase, mushialo eshia OMWAMI Nyasayewo yakhuheele.
17Oreera omundu ta.
18Kata oraheya ta.
19Kata oreeba ta.
20Kata orachiikha owashio ta.
21Kata orakhaayilwa omukhasi wowashio ta; kata oreekomba inzu yowashio, kata omukundalkwe, kata omukholiwe oweshisaatsa kata omukholiwe oweshikilasi, ing'ombeye kata isishiliye, kata eshindu shiosi eshia owashio ali ninashio tawe.
Abandu baria
22Amakhuwa ako OMWAMI yaboolela libukaana lieenywe liosi mushikulu okhurula murmulilo hakari, nomwileesi, nomulucheka, nende omwoyo omukhongo; ne narameeta akand ta. Ne yakahandiika khurubaho rubili rwamachina, narumbeelesia. 23Mana olwa mwahulila omwoyo okwo nikurula mushiilima hakari, olwa eshikulu shiali nishiyiitsanga omulilo, mwasita khwo ahambi, abeemilisi bosi betsimbia tsieenywe, nabakofu beenywe; 24nimusunga mbu Lola, OMWAMI Nyasaye weefwe akhumanyiye oluyalilwe nobukhongobwe, neefu khuhuliile omwoyokwe okhurula mumulilo hakari. Leelo khuluutsi mbu OMWAMI asungananga nomundu, naye nabaho mwoyo. 25Kho bulaano nishiina eshiakhachila khwafwa? Okhuba omulilo kuno omukhongo kulakhusamba; nikhuba nikhuhulila omwoyo kwOMWAMI Nyasaye weefwe khandi, khulafwa. 26Okhuba ali heena, khubandu bosi, owahulilakhwo omwoyo kwaNyasaye oubeetsangaho mwoyo, naboolanga mumulilo hakari, shinga ifwe olwa khuhuliile, nabaho mwoyo? 27Iwe osite ahambi, ohulile kosi aka OMWAMI Nyasaye weefwe alakhuboolela; neefu khulakahulila, nikhukakhola.
28Ne OMWAMI yahulila amakhuwa aka mwa-boola, okva mwasungana ninasi; OMWAMI niyasunjila ari Embuliile amakhuwa aka abandu bano baboolile, aka bakhusunjiile iwe; bateechile, mukosi aka basunjile. 29Shiakhuha baba nomwoyo okufwana kurio tsindaalo tsiosi, okhuriitsanga nokhulinda amalako kanje kosi, mbu bakaasenje, nende abaana babwe, obushia nobushia! 30Tsia obaboolele mbu Kalushe mumaheema keenywe. 31Nebutswa iwe, sinjila hano ninasi, mana ndalakhuboolela amalako kosi, nakalachilisibwa, nobukhalachi, akeene aka olabeechesia, mbu bakakholenje mushialo eshia emuheelesia shibe eshieenywe. 32Kho mwitsulilenje okhu-khola shinga OMWAMI Nyasaye weenywe olwa yaznulaka; mureebera khumukhono musaatsa kata omukhasi ta. 33Muekendenje khunjila yosi eya OMWAMI Nyasaye weenywe yamulaka, mbu mube mwoyo, khandi mbu mukaase, tsindaalo tsieenywe nitsimeetekha mushialo eshiliba eshieenywe.
Currently Selected:
Okhukalushila 5: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
