Popular Bible Verses from Okhukalushila 5

Share

Heelesinjia so nende mawo oluyali, shinga OMWAMI Nyasayewo olwa yakhulaka; tsindaa-lotsio mana tsibe tsinyinji, nawe okaase, mushialo eshia OMWAMI Nyasayewo yakhuheele.

Muekendenje khunjila yosi eya OMWAMI Nyasaye weenywe yamulaka, mbu mube mwoyo, khandi mbu mukaase, tsindaalo tsieenywe nitsimeetekha mushialo eshiliba eshieenywe.

orabiinamilanga kata okhubikhalabanila ta; okhuba isie OMWAMI Nyasayewo endi Nyasaye weimbalikha, ningalusinjia akobumayaanu bwabakuuka babwe khubaana, okhuula khulwibulo lwakhataru nende olwakhane lwabangiya; nimbabeela obuheeli oburalilu abandu ebikhumila, khuba'heelanga, nibambulila amalako kanje.

Oreekholela eshifwanani eshibaatse, obukondo bweshindu shiosi eshili mwikulu hekulu kata eshili mushialo hasi, kata eshili mumatsi hasi weshialo

Orabeetsanga nende nyasaye oundi ta, habula isie sienyene.

Orarumbulanga butswa eliira liOMWAMI Nyasayewo ta; shichila OMWAMI shialachweya okhumurakhwo eshiina tawe, ourumbula butswa eliiralie.

Shiakhuha baba nomwoyo okufwana kurio tsindaalo tsiosi, okhuriitsanga nokhulinda amalako kanje kosi, mbu bakaasenje, nende abaana babwe, obushia nobushia!

Yitsulilanga inyanga yeisabato, okhuchiahulanga, shinga OMWAMI Nyasayewo olwa yakhulaka.

Kata orakhaayilwa omukhasi wowashio ta; kata oreekomba inzu yowashio, kata omukundalkwe, kata omukholiwe oweshisaatsa kata omukholiwe oweshikilasi, ing'ombeye kata isishiliye, kata eshindu shiosi eshia owashio ali ninashio tawe.

Kata oraheya ta.

Kata orachiikha owashio ta.

Oreera omundu ta.

Kata oreeba ta.

Khandi witsulilenje shinga olwa wali omukholi mushibala shiaMisiri, ne OMWAMI Nyasayewo yakhurusiamwo khulwa omukhono kwamaani, nomukhono okunyiililwe okhuhonia. Niko akachila OMWAMI Nyasayewo yakhulaka okhulindanga inyanga yeisabato.

Tsindaalo tsisasaba okhalabanenje nokhola emilimochio chiosi; ne inyanga yomusaafu niyo isabato yOMWAMI Nyasayewo; khunyanga eyo orakholelangakhwo omulimo kwosi, iwe omwene, kata omwanawo omusiani, kata omwanawo omukhaana, kata omukheliwo oweshisaatsa, kata omukholiwo oweshikhssi, kata ing'ombeyo kata isishiliyo, kata omurukokwo kwosi, kata omucheni ouli mwitaalalio ta; mbu omukholiwo oweshisaatsa nomukholiwo oweshikhasi bosi bahuluushe shinga iwe.

Isie nisie OMWAMI Nyasayewo, owakhurusia mushialo shiaMisiri, okhurula munzu yobunyakhani.