Abakolosai 3
3
1Kho olwa mwalamusibwa halala nende Kristo, choomenje khukali ikulu, ewa Kristo ali, niyeekhaale khumukhono musaatsa kwaNyasaye. 2Rekhwo omwoyo khukali ikulu, ne khukali mushialo ta. 3Okhuba mwafwa, obulamu bweenywe nabwo bwabiswa halala nende Kristo muNyasaye. 4Ne Kristo ouli obulamu bweefwe olwa alibisukha, kho nineenwe mwesi mulibisulwa halala ninaye muluyali.
Obulamu bwakhale, nobulamu obuyia
5Khulwako mufwisie ebiungo bieenywe ebili mushialo; mbiebmo, mbu obuheyi, akeshifwabwi, obwilaasi, obwikombi ooubii, nende likhalikhali, nilio okhwinamila ebifwanani biabutswa. 6Akeenako niko akachilanga oburima bwaNyasaye nibwitsa khubobukhayi; 7ne niko aka mwachendangamwo khale, olwa mwali nimumenyanga muko. 8Ne bulaano mwinaabule nende kano kosi, mbu obusinyishi, oburima, likhobo, obuchiishi, nende amanyeko akarulanga muminwa chieenywe. 9Murabeehelananga ta, okhuba mumalile okhwifwalula imela yakhale, nobukholi bwayo, 10nimwifwala imela imbia, eyikalulungwa imbia okhuula khubumanyi mukhufwana khwelikondo lia oyo owachilonga. 11Ne muyeneyo abulamwo omuYunani kata omuYahudi omushebe kata omusinde, omurende kata omuyobo, omusumba kata omwibule; ne Kristo niye kosi, khandi ali mubosi.
12Kho shinga olwa muli abalobole baNyasaye, abatakatifu khandi abaheelwa, mwifwale omwoyo kwetsimbabasi, neshisa, nobwongoli, nobuholo, nobwifwili 13nimwisimilisanilinjia nokhuleshelana, omundu yesi naba nali nelikhuwa khuwashie; shinga Omwami olwa yamuleshela inywe, nineenywe mwesmukholenje murio. 14Nokhushila ako kosi, mwifwale obuheeli, nibwo eshibohelo shiobulamba. 15Omulembe kwaKristo kuruchenje mumioyo chieenywe; ne nikwo okwa mwalanjilwa mumubili mulala; nimukhupanga orio. 16Likhuwa liaKristo nalio limenyenje mwinywe obunji bwalio, mubuchesi bwosi; nimwechesania nimuchesihania netsitsabuli netsinyimbo nokhutselela khweshiroho, nimwimbila Nyasaye mumioyo chieenywe mukari nende okhwishua. 17Ne liosi liosi elia mukhola, kata mwikhuwa kata mushikhole shiene, kholenje kosi muliira liOmwami Yesu, nimukhupila Nyasaye Seefwe orio khululwe.
Okhuchenda okhukhoyeele mubulamu obuyia
18Inywe abakhasi, hulilenje abasaatsa bee-nywe shinga olwa kakhoyeele muMwami. 19Neenyu abasaatsa, heelenje abakhasi beenywe, nimuraba abalulu khubo ta. 20Inywe abaana, muhulilenje abeebuli beenywe mumakhuwa kosi, shichila muMwami elo neliokhuchamisia. 21Neenyu abasamwana, murabasinyisia abaana beenywe ta, baleshe okhufwa omwoyo. 22Inywe abasumba, mumakhuwa kosi mubahulilenje abo abali abaami beenywe mukomubili; buraba obukhalabani obulolwa bulolwa butswa, shingana abeenya okhuchamisia abandu tawe; habula mushiilongoole eshiomumwoyo, nimuriitsanga Omwami. 23Ne liosi liosi elia mukhola, kholenje nimureelekhwo omwoyo, shinga abakholela Omwami, abandu butswa tawe; 24nimumanyile mbu mulanyoola okhurula khuMwami omurungo kwobulaame; muli abasumba bOmwami Kristo; 25okhuba omukholi wobubii alarungwa obubii.
Currently Selected:
Abakolosai 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
