Abakolosai 2
2
1Kholelanga mwisie nobunyali. Okhuba enzenya mbu mumanye obulwani bwanje shinga olwa buli obukhongo khulweenywe, khandi khulwabo abali eLaodikia, kata khulwabo bosi abarashiandolakhwo mumoni tawe; 2mbu batinyisibwe mumwoyo, olwa baliimaasiibwe mubuheeli; khandi mbu boole khubuyinda bwosi bwobumanyilisii oburula muburechelefu, mbu bamanye libiso liaNyasaye, nilio Kristo, 3omwa amabiikho kosi kobuchesi nobumanyi kabisilwa muye. 4Emboola endio, mbu omundu yesi aleshe okhumukaasia mumakhuwa amakhaya. 5Okhuba kata olwa emba nimbulaho mumubili, nebutswa embeetsangaho nineenywe muroho, nindikhoya nindola obwiyanzi bweenywe, nende obutinyilifu bwobusuubili bweenywe muKristo.
6Kho shinga olwa mwamwinjisia Kristo Yesu Omwami, nilwo olwa mukhoyile okhuchendanga muye; 7muyile emisi chieenywe muye; muumbakhwe muye; muralisibwe khulwa obusuubili bweenywe, shinga olwa mweechesibwa; mushilaasinjie okhuupanga orio.
Obulamu obulamba muKristo
8Mwirecheshe, omundu yesi aleshe okhumuyila mumbambe khulwa amachesike, kata obukaatii obukhaya, khumakhuwa keene aka mwechesibwa nabandu nende khumakhuwa koburanjilili komushialo, nibirarula khuKristo ta. 9Okhuba muye nimwo omwa obulamba bwosi bwObunyasaye bumenyanga eshinamubili, 10khandi muye nimwo omwa mwakholelelwamwo abalamba. Niye omurwe kwoburuchi bwosi nobunyali bwosi. 11Khandi muye nimwo omwa mwashebelwa, eshishebo eshirakholwa namakhono ta, mbu okhwinaabula imela yomubili, eshishebo shiaKristo shinga olwa shili. 12Mwayabilwa ninaye halala mububatisibwi, omwa mwalamusilibwa ninaye halala olwa mwasuubilila obukholi bwaNyasaye, owamulamusia okhurula mukhufwa. 13Neenyu, olwa mwali abafu khulwa obukhayi bweenywe nende oburashebwa bwemibili chieenywe ta, yamulamusia inywe halala ninaye, nakhulesheele obukhayi bweefwe bwosi. 14Yasiliisia ibarwa eyahandiikwa yamakhuwa aka khwasitaachilwa, eyakhufukula; nachiyiniaho, nachikhoma khumusalaba; 15nanaabula aboburuchi nabobunyali abo, nabalolosia ebulafu shinga olwa bali, niyeekhoyela okhuhulakhwe olwa yabahula ninakhwo.
Choomenje khukali ikulu
16Kho murafuchiilila omundu yesi amukhalachile eshiina khubiokhulia, kata ebiokhunywa, kata mwikhuwa lielisabo, kata eliomwesi omutoro, kata eliomuhongo ta. 17Bienebio neshiinini butswa shiebindu ebili okhwitsa; ne omubili kwene nokwaKristo. 18Murafuchiilila omundu yesi amukwisie mukhulekwa khulwa okhwiyitsoomilia obwongoli nokhwinamila abamalaika ta olwa yeenjilanga muka yalola, niyeechinjimisiye khulwa amayililisioke komubili; 19kata shiahandanga khumurwe kwene ta; ne nokhurula khukwo okhwa omubili kwosi, nikukhoonywa nikuliimaasibwa khulwa ebiunjilo nende emisi, kukhulanga nende obukhusii bwaNyasaye.
20Olwa mwafwa khumakhuwa koburanjilili komushialo halala nende Kristo, mbushiina nimurukungwa nende ameebaalo, shinga abali mwoyo mukeshialo, 21mbu Murakanza ta; murakoonyelela ta; muratiilakhwo ta; 22nebutswa biosi nebindu ebiikhoonyelungwa nibihwaho? Okhwo nokhulonda amalako nameechesio kabandu. 23Okhulolekha ako kosi kalolekhanga shinga akobuchesi, mudini eya abeene bakasia, nomubwongoli, nomukhuruka omubili nobululu; nebutswa kabula inganga okhuyinjila obwikombi bwomubili.
Currently Selected:
Abakolosai 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
