Abakolosai 4
4
1Obwa akholanga aharali ebiela ta. Neenyu abaami, mubakholelenje abasumba beenywe akali habwene, akakhoyeele; nimumanyile mbu nineenyu mwesi muli nOmwami weenywe ouli mwikulu.
2Lumililenje mukhusaaya, nimuba meeso mukhwo halala nokhuupanga orio; 3nahalala nende ako, mukhusaayile fwesi, mbu Nyasaye akhwikulile omuliango khulwa likhuwa, mbu khuboole akelibiso liaKristo, elia endi omubohe khulwalio; 4khandi mbu endibakale ebulafu, shinga olwa ekhoyile okhuboola. 5Muchende buchesi khubali elwanyi, nimwikhoonyela bulayi obwiyangu obuliho. 6Aka musunga kabeetsenje nobukoosia tsindaalo tsiosi, akalunjiilwe omuunyu mbu mumanye shinga olwa mukhoyile okhukalusia buli mundu.
Amashiesio akahelelesia
7Amakhuwa kanje kosi Tikiko yakhamumanyie; niye omwana weefwe omuheelwa, nomukhalabani omwisiikwa, omusumba owashianje muMwami. 8Ndamurumile khwinywe khulwa likhuwa lienelo, mbu mumanye akeefwe shinga olwa kali, khandi mbu amutinyisie emioyo chieenywe; 9halala nende Onesimo, omwana weefwe omwisiikwa omuheelwa, ouli mulala khwinywe. Bakhamutoonyele amakhuwa kosi akayino.
10Arisitariko, omubohe owashianje, amushiesiye, nende Mariko, omwana wabwe Baranaba; ne omwenoyo mumalile okhulachilisibwa khukeke; naba namala woole ewa muli, mumwinjisie bulayi; 11khandi nende Yesu, oulangwa mbu Yusito; abo nabeshishebo; ne nibo bonyene abali abakholi abashianje mukobwami bwaNyasaye; nabasaatsa abanemiyenje omwoyo muno. 12Epafura, ouli mulala khwinywe, omusumba waKristo Yesu, amushiesiye; amulwanilanga obushia mukhusaayakhwe, mbu musinjile nimuli abalamba nimuralila mukosi aka Nyasaye yeenya. 13Okhuba endi omuloliwe, shinga olwa ali mubunyakhani obunji khulweenywe, nende khulwabo baLaodikia, nende khulwabo baHierapoli. 14Luka, omuheelwa weefwe, omusilishi, nende Dema bamushiesiye. 15Shiesie abaana beefwe abali eLaodikia, nende Nimifa, neikanisa eyili munzuye. 16Ne olwa ibarwa yino yiba niyimalile okhusoomwa mwinywe, muchinyalile okhusoomelwa nende mukanisa yabaLaodikia; khandi mbu inywe mwesi musoome ibarwa eyirula eLaodikia. 17Boolele Arikipo, mbu Wirecheshe khubukhalabani obwa waheebwa muMwami, mbu wusie habwene.
18Kho emushiesia nomukhono kwanje omwenenisie Paulo. Yitsulilenje ebibohelo bianje. Obukoosia bube nineenywe.
Currently Selected:
Abakolosai 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
