Popular Bible Verses from Abakolosai 3

Share

nimwisimilisanilinjia nokhuleshelana, omundu yesi naba nali nelikhuwa khuwashie; shinga Omwami olwa yamuleshela inywe, nineenywe mwesmukholenje murio.

Rekhwo omwoyo khukali ikulu, ne khukali mushialo ta.

Ne liosi liosi elia mukhola, kholenje nimureelekhwo omwoyo, shinga abakholela Omwami, abandu butswa tawe

Kho shinga olwa muli abalobole baNyasaye, abatakatifu khandi abaheelwa, mwifwale omwoyo kwetsimbabasi, neshisa, nobwongoli, nobuholo, nobwifwili

Likhuwa liaKristo nalio limenyenje mwinywe obunji bwalio, mubuchesi bwosi; nimwechesania nimuchesihania netsitsabuli netsinyimbo nokhutselela khweshiroho, nimwimbila Nyasaye mumioyo chieenywe mukari nende okhwishua. Ne liosi liosi elia mukhola, kata mwikhuwa kata mushikhole shiene, kholenje kosi muliira liOmwami Yesu, nimukhupila Nyasaye Seefwe orio khululwe.

Nokhushila ako kosi, mwifwale obuheeli, nibwo eshibohelo shiobulamba.

Kho olwa mwalamusibwa halala nende Kristo, choomenje khukali ikulu, ewa Kristo ali, niyeekhaale khumukhono musaatsa kwaNyasaye.

Omulembe kwaKristo kuruchenje mumioyo chieenywe; ne nikwo okwa mwalanjilwa mumubili mulala; nimukhupanga orio.

Khulwako mufwisie ebiungo bieenywe ebili mushialo; mbiebmo, mbu obuheyi, akeshifwabwi, obwilaasi, obwikombi ooubii, nende likhalikhali, nilio okhwinamila ebifwanani biabutswa.

Okhuba mwafwa, obulamu bweenywe nabwo bwabiswa halala nende Kristo muNyasaye.

Ne bulaano mwinaabule nende kano kosi, mbu obusinyishi, oburima, likhobo, obuchiishi, nende amanyeko akarulanga muminwa chieenywe.

Murabeehelananga ta, okhuba mumalile okhwifwalula imela yakhale, nobukholi bwayo, nimwifwala imela imbia, eyikalulungwa imbia okhuula khubumanyi mukhufwana khwelikondo lia oyo owachilonga.

Neenyu abasaatsa, heelenje abakhasi beenywe, nimuraba abalulu khubo ta.

Inywe abaana, muhulilenje abeebuli beenywe mumakhuwa kosi, shichila muMwami elo neliokhuchamisia.

Inywe abakhasi, hulilenje abasaatsa bee-nywe shinga olwa kakhoyeele muMwami.