Popular Bible Verses from Abakolosai 2

Share

Kho shinga olwa mwamwinjisia Kristo Yesu Omwami, nilwo olwa mukhoyile okhuchendanga muye; muyile emisi chieenywe muye; muumbakhwe muye; muralisibwe khulwa obusuubili bweenywe, shinga olwa mweechesibwa; mushilaasinjie okhuupanga orio.

Mwirecheshe, omundu yesi aleshe okhumuyila mumbambe khulwa amachesike, kata obukaatii obukhaya, khumakhuwa keene aka mwechesibwa nabandu nende khumakhuwa koburanjilili komushialo, nibirarula khuKristo ta.

Neenyu, olwa mwali abafu khulwa obukhayi bweenywe nende oburashebwa bwemibili chieenywe ta, yamulamusia inywe halala ninaye, nakhulesheele obukhayi bweefwe bwosi. Yasiliisia ibarwa eyahandiikwa yamakhuwa aka khwasitaachilwa, eyakhufukula; nachiyiniaho, nachikhoma khumusalaba

Okhuba muye nimwo omwa obulamba bwosi bwObunyasaye bumenyanga eshinamubili, khandi muye nimwo omwa mwakholelelwamwo abalamba. Niye omurwe kwoburuchi bwosi nobunyali bwosi.

Kho murafuchiilila omundu yesi amukhalachile eshiina khubiokhulia, kata ebiokhunywa, kata mwikhuwa lielisabo, kata eliomwesi omutoro, kata eliomuhongo ta. Bienebio neshiinini butswa shiebindu ebili okhwitsa; ne omubili kwene nokwaKristo.