1 Petero 5
5
Mwaye lituuli liaNyasaye
1Kho abakofu abali mwinywe, isie ouli omukofu owashieenywe, khandi omuloli wobusaalili bwaKristo, khandi omusanjilani muluyali olwitsa okhufwimbulwa, emuchesiyia 2mbu Mwayenje lituuli liaNyasaye elia muli ninalio; ne murakhola murio khulwa okhuluunyibwa ta, habula nimwihaanile, shinga Nyasaye olwa yeenya; kata murakholela inganga yeshifwabwi ta, habula khulwa okhuchama khwomwoyo. 3Kata muraamiha khubeenabo aba mwakabilwa okhulinda ta, habula mbu mwikhole abeene okhuba ebilolelo khubelituuli elo. 4Ne olwa Omwayi omukhulundu mwene alilolekha ebulafu, mulaheebwa olusimbi olwo Iwoluyali oluraniala tawe.
5Kata inywe abasaatsa bandi abashilikhwo, neenyu mwesi murio muhulilenje abamushila obukofu. Kata mwibohekhwo obwituutuyi shinga eshiifwalo, okhukhalabanilana; okhuba Nyasaye afukulanga abeechinjimisii ne abakoosinjia abeetuutuyii obukoosia. 6Kho mwituutuyie abeene hasi womukhono kwobunyali kwaNyasaye, mbu ye amuchinguule induukho olwa yiliula; 7nimufuuba obuhendi bweenywe bwosi khuye, shichila ye areetsangakhwo omwoyo khumakhuwa keenywe.
8Mwiruchenje, nimuba meeso; shichila omusuku weenywe, Setani, achendanga shinga itaIanyi eyihoola, nakhaaba owa alia. 9Ne mumufukule, nimuraliile murio mubusuubili, nimwitsulila mbu abaana beenywe abali mushialo basaalisibungwa obusaalili obufwana burio. 10Ne olwa muliba nimusaaliile eshisekhwo, Nyasaye owobukoosia bwosi, owamulanga okhwinjila muluyalilwe Iwobumeli muKristo, omwene alamukasia habwene, namuralisia, namutinyisia khumuse omulayi. 11Obunyali bube obubwe ebisoni nebisoni. Amina.
Amashiesio akahelelesia
12Emuhandiichiile mubwimbichiti mumukhono kwaSiliwano, owa endolanga mbu nomwana weefwe omusuubilwa, nimuchesiyia, nimurumbulila mbu buno nibwo obukoosia obwatoto bwaNyasaye; musimbiilemwo.
13Oyo ouli hano eBabeli, omuloboole halala nineenywe, amushiesiye; khandi omwana wanje Mariko yesi ario. 14Mushiesanie nende okhutsunzuunana khwobuheeli.
Omulembe kube khwinywe mwesi abali muKristo.
Currently Selected:
1 Petero 5: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
