2 Petero 1
1
Lishiesio
1Eyirula khuSimoni Petero, omusumba khandi omurume waYesu Kristo; yule khubeenabo abanyoola nineefwe halala obusuubili bwolukoosi obuhelana nobweefwe, mubulunjishi bwaNyasaye weefwe khandi Omuhonia weefwe, Yesu Kristo. 2Obukoosia nomulembe bimeeteshenje khwinywe mubumanyi bwaNyasaye nende obwaYesu Omwami weefwe.
Obulangwi nobulobolwi bweenywe
3Obunyali bwobuNyasayebwe bwakhuheelesia amalayi kosi akeenyekha khulwa obulamu neidini, munjila yokhumumanya oyo owakhuIanga khulwa oluyalilwe nende obulayibwe. 4Ne munjila yoluyalilwe nobulayibwe tsana yakhusuubisia obusuubisiebwe obukoosi, obushila obukhongo; mbu khulwabwo musanjilane khuburulanda bwobuNyasaye, nimwihonokooshe mubusasishi obuli mushialo khulwa obwikombi.
5Ne niko akachila mukhoyile okhurakhwo omwoyo okhutasa obulayi khubusuubili bweenywe; obulayi bweenywe nabwo bube nobumanyi; 6obumanyi bweenywe bube nobwiruchi; obwiruchi bweenywe bube nobwisimilisii; obwisimilisii bweenywe bube nokhuria Nyasaye; 7okhuria Nyasaye khweenywe khube nobwenyani nabaana beefwe; obwenyani nabaana beefwe bube nobuheeli.
8Shichila ako kosi nikaba nikali akeenywe, nikashilaananga, kamukhola mbu muraba abatofu kata ababula okhwama ebiamo ta, mubumanyi bwOmwami weefwe Yesu Kristo. 9Okhuba oubula ako nomubofu, ne alolanga akali ahambi konyene, niyeebiliile shinga olwa yasiiywa khubionoonobie biakhale. 10Niko akachila, baana beefwe, rekhwo omwoyo muno okhutinyisia obuIangwi bweenywe nobulobolwi bweenywe; shichila nimuba nimukakholanga, shimulakwa nahatuutu ta; 11khandi murio mulaheebwa buha obwinjisibwi mubwami bwobumeli bwOmwami weefwe khandi Omuhonia weefwe Yesu Kristo.
12Niko akachila ndalabeetsanga nindirecheeshe tsindaalo tsiosi okhumwitsusmjia khumakhuwa ako, kata olwa mukamanyile nimuralisiibwe mubwatoto obwa muli ninabwo. 13Khandi enduutsi mbu nobulayi, olwa emba nishiliho mwitili lino, okhumubuusia nimwitsusinjia endio; 14nimanyile mbu obwinaabuli bwelitili lianje buulanga bwangu, shinga Omwami weefwe Yesu Kristo olwa yamanyia. 15Ereetsangakhwo omwoyo muno, mbu buli lwosi munyalilwe okhukeetsulila, olunyuma Iwokhwinyokha khwanje.
Abaloli bobukhulundu bwaKristo
16Shikhwali nikhulondanga tsingano butswa etsiakunzwa nobuchesichesi ta, olwa khwamumanyia akobunyali bwOmwami weefwe Yesu Kristo nende akokhwitsakhwe; nebutswa ifwe khwali abaloli bobukhulundubwe. 17Shichila yanyoola okhurula khuNyasaye Samwana iruma noluyali, olwa omwoyo okwo kwamwitsila okhurula muluyali olukhulundu olwo, mbu Uno niye Omwana wanje omuheelwa; muye nimwo omwa enjamisilibungwa muno. 18Khandi omwoyo okwo ifwe abeene khwakuhulila nikurula mwikulu, olwa khwali nikhuli ninaye mushikulu eshitakatifu.
19Kho khwatinyisilibwa khurio likhuwa liobulakusi; neenyu, bwakhaba bulayi nimuliirechelesia, shinga khutaha eyakhanga hashiilima, okhuula ebukwe olwa busheba, eyasulwe niyifwinda mumioyo chieenywe.
20Ne mumanye likhuwa lino mbeli, mbu mumahandiiko libulaho likhuwa liosi liobulakusi elirimbululwa shinga omundu mulala olwa yakhaba niyeenya ta. 21Olchuba bubulaho obulakusi bwosi obweetsa khulwa okhwenya khwomundu ta; habula abandu baboola akarula khuNyasaye, shinga olwa beemililwa nende Roho Omutakatifu.
Currently Selected:
2 Petero 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
