Popular Bible Verses from 1 Petero 5

Share

nimufuuba obuhendi bweenywe bwosi khuye, shichila ye areetsangakhwo omwoyo khumakhuwa keenywe.

Ne olwa muliba nimusaaliile eshisekhwo, Nyasaye owobukoosia bwosi, owamulanga okhwinjila muluyalilwe Iwobumeli muKristo, omwene alamukasia habwene, namuralisia, namutinyisia khumuse omulayi.

Mwiruchenje, nimuba meeso; shichila omusuku weenywe, Setani, achendanga shinga itaIanyi eyihoola, nakhaaba owa alia. Ne mumufukule, nimuraliile murio mubusuubili, nimwitsulila mbu abaana beenywe abali mushialo basaalisibungwa obusaalili obufwana burio.

Kho mwituutuyie abeene hasi womukhono kwobunyali kwaNyasaye, mbu ye amuchinguule induukho olwa yiliula

Kata inywe abasaatsa bandi abashilikhwo, neenyu mwesi murio muhulilenje abamushila obukofu. Kata mwibohekhwo obwituutuyi shinga eshiifwalo, okhukhalabanilana; okhuba Nyasaye afukulanga abeechinjimisii ne abakoosinjia abeetuutuyii obukoosia.