1 Yohana 5
5
Obusuubili buhulanga eshialo
1Omundu yesi ousuubila mbu Yesu niye Kristo watsana, yeebulwa nende Nyasaye; kata oyo yesi ouheela omwibuli aheela nende omwanawe yesi. 2Mwikhuwa lino nimwo omwa khumanyiile shinga olwa khuheelanga abaana baNyasaye, mbu olwa khumuheela Nyasaye nikhukhola aka alaka. 3Shichila obuheeli bwaNyasaye mbwobuno, mbu okhuhulilanga amalakoke; nako amalakoke shikakhusitohela ta, 4shichila eshiibulwa nende Nyasaye shihulanga eshialo; ne buno nibwo obuhuli obwahula eshialo, mbu obusuubili bweefwe. 5Kata ouhula eshialo niwina, narali oyo ousuubila mbu Yesu niye Omwana waNyasaye?
Ourumbulanga akobuloli khukOmwana
6Oweetsa khulwa amatsi nende amabanga ngwowuno, mbu Yesu Kristo; shiyayeetsa khulwa amatsi konyene ta, habula khulwa amatsi khandi khulwa amabanga. 7Ne Roho niye ourumbulanga akobuloli, okhuba Roho niye obwatoto. 8Shichila biliho bitaru ebirumbula akobuloli, mbu Roho namatsi nende amabanga; nebio bitaru bifuchilisania mubulala. 9Nikhuba nikhufuchiilila oburumbusi bwobuloli bwabandu, oburumbusi bwaNyasaye bubushila; shichila oburumbusi bwaNyasaye mbwobuno, mbu yarumbula akobuloli khukOmwanawe. 10Ousuubilila Omwana waNyasaye ali noburumbusi bwobuloli tsana mumwoyo kukwe omwene. Ouramusuubila Nyasaye ta wamukholile omubeeyi, shichila shiasuubiile oburumbusi obwa Nyasaye yarumbula khukOmwanawe ta. 11Noburumbusi tsana mbwobuno, mbu Nyasaye yakhuheelesia obulamu bwobumeli; nabwo obulamu obwo buli muMwanawe. 12Ouli nende Omwana ali nende obulamu tsana; ne ourali nOmwana oyo ta, shialikhwo nende obulamu tsana tawe.
Okhumanya mbu khuli nobulamu bwobumeli
13Amakhuwa kano emuhandiichiile inywe abasuubililanga khuliira liOmwana waNyasaye, mbu mumanye shinga olwa muli ninabwo obulamu bwobumeli. 14Ne lino nilio elichila nikhuuma ikholo imbeli waNyasaye, mbu nikhuba nikhusaba likhuwa liosi eliwinjana nende aka ye yeenya, akhuhulilanga. 15Ne nikhuba nikhumanyile mbu ahulilanga buli elia khusaba liosi, kho khumanye mbu khumalile okhunyoola akeenako aka khumusabile.
16Omundu yesi naba nalola omwana wabwe nakhola eshionoono eshiramuyila mukhufwa ta, alasaaya, mana Nyasaye alamuheelesia obulamueshisina mbu khubeenabo abarakhola eshionoono eshimuyila omundu mukhufwa ta. Shiliho eshionoono eshiyilanga omundu mukhufwa; ne shimboola mbu mukhoyile okhusaayanga khukashieneshio ta. 17Kosi akarali amalunjishi ta nobwonooni; ne shiliho eshionoono eshirayila omundu mukhufwa tawe.
18Khumanyile mbu oweebulwa nende Nyasaye shiyoonoonanga ta; habula Omwana waNyasaye amulindanga, kata omubii ulia shiamutiilakhwo ta.
19Khumanyile mbu ifwe khuli baNyasaye, khandi mbu eshialo shiosi shimenyanga mubunyali bwomubii oyo.
20Khandi khumanyile mbu Omwana waNyasaye wamala okhwitsa, khandi wakhuheelesia obuchesi mbu khumumanye oyo ouli owatoto. Neefu khuli mumwenoyo ouli owatoto, niye Omwanawe Yesu Kristo. Naye niye Nyasaye owatoto, khandi niye obulamu bwobumeli. 21Rwana rwanje, mwilinde khukebifwanani ebiinamilungwa.
Currently Selected:
1 Yohana 5: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
