Popular Bible Verses from 1 Yohana 5

Share

Ne lino nilio elichila nikhuuma ikholo imbeli waNyasaye, mbu nikhuba nikhusaba likhuwa liosi eliwinjana nende aka ye yeenya, akhuhulilanga.

Ne nikhuba nikhumanyile mbu ahulilanga buli elia khusaba liosi, kho khumanye mbu khumalile okhunyoola akeenako aka khumusabile.

Shichila obuheeli bwaNyasaye mbwobuno, mbu okhuhulilanga amalakoke; nako amalakoke shikakhusitohela ta, shichila eshiibulwa nende Nyasaye shihulanga eshialo; ne buno nibwo obuhuli obwahula eshialo, mbu obusuubili bweefwe.

Ouli nende Omwana ali nende obulamu tsana; ne ourali nOmwana oyo ta, shialikhwo nende obulamu tsana tawe.

Amakhuwa kano emuhandiichiile inywe abasuubililanga khuliira liOmwana waNyasaye, mbu mumanye shinga olwa muli ninabwo obulamu bwobumeli.

Khumanyile mbu oweebulwa nende Nyasaye shiyoonoonanga ta; habula Omwana waNyasaye amulindanga, kata omubii ulia shiamutiilakhwo ta.