ᓂᕼᐃᒤᐊᐅᑉ ᐊᒡᓚᖏᑦ 9
9
ᐃᓄᐃᑦ ᐊᔪᕐᓂᕐᒥᖕᓂᒃ ᖃᕿᐊᓕᕐᓂᖏᑦ
1ᐅᓪᓗᑦ 24ᒋᓕᕐᑕᖓᓂ ᑕᖅᑭᒥ ᑕᕝᕙᓂᑦᓮᓐᓇᖅ ᐃᓴᕆᐊᓕᒥᐅᑦ ᐃᓄᖏᑦ ᑲᑎᓚᐅᕐᐳᑦ ᓂᕆᑦᑍᓕᔭᕐᑐᕐᓗᑎᒃ, ᐊᓐᓄᕌᕐᓗᑎᒃ ᐊᕐᔭᓕᓂᕐᓂᒡᓗ ᐳᔪᕋᕐᓂᒡᓗ ᓂᐊᖁᕐᒥᓅᕐᓯᓚᐅᕐᐳᑦ ᓇᓗᓁᕐᓯᓪᓗᑎᒃ ᕿᒃᓵᖕᓂᕐᒥᖕᓂᒃ. 2ᕿᒃᓵᖕᓂᑎᒃ ᐊᔪᕐᑐᓕᓂᕐᒥᖕᓂᒃ ᐱᑦᔪᑎᒋᓪᓗᒍ ᐃᒻᒥᒍᑦ ᐃᓛᒃᑰᓕᕐᑎᓚᐅᕐᐳᑦ ᓄᓇᖅᑲᑎᒃᓴᔭᕆᓐᖏᑕᓕᒫᒥᖕᓂᑦ; ᑍᒫᒡᓗ ᓂᑯᕕᓪᓗᑎᒃ ᐊᔪᕐᑐᓕᓂᕐᒥᖕᓂᒃ ᓯᕗᓕᕕᓂᖏᑕᓗ ᐊᔪᕐᑐᓕᓂᕆᓚᐅᕐᑕᖏᓐᓂᒃ ᐅᖅᑲᕆᒃᓴᐅᑦᔨᓚᐅᕐᐳᑦ ᖃᕿᐊᓕᕐᓗᑎᒃ. 3ᓇᖏᓚᐅᕐᐳᑦ ᓇᔪᕐᑕᒥᖕᓂ ᐊᑐᐊᕐᓯᓪᓗᑎᒃ ᐊᒡᓚᖕᓂᒃ ᐊᑕᓂᐅᑉ ᐱᖁᔭᓕᐊᕕᓂᖏᓐᓂᒃ ᑖᒃᑯᐊ ᒎᑎᖓᑦᑕ ᐃᑲᕐᕋᓂᒃ ᐱᖓᓱᓂᒃ, ᐊᒻᒪ ᑭᖑᓂᐊᒍᑦ ᓱᓕ ᐃᑲᕐᕋᓂᒃ ᐱᖓᓱᓂᒃ ᐊᔪᕐᓂᕐᒥᖕᓂᒃ ᐅᖃᕆᒃᓴᐅᑦᔨᓚᐅᕐᐳᑦ ᖃᕿᐊᓕᕐᓗᑎᒃ ᑐᒃᓯᐊᕐᓗᑎᒡᓗ ᐊᑕᓂᕐᒧᑦ ᒎᑎᒥᖕᓄᑦ.
4ᓇᑎᖃᓚᐅᕐᐳᖅ ᐳᕐᑐᓯᖏᐊᕐᓯᒪᔪᒥᒃ, ᑕᕝᕙᓂᓗ ᓕᕔᑎᑦ ᓇᖏᓚᐅᕐᐳᑦ ᐅᑯᐊ: ᔩᓱᐊ, ᐸᓂ, ᑲᑦᒤ-ᓕ, ᓯᐸᓁᐊ, ᐳᓐᓂ, ᓯᕆᐰᐊ, ᐹᓂ, ᓯᓇᓁᓗ, ᕾᒐᓛᕐᓗᑎᒃ ᑐᒃᓯᐊᓚᐅᕐᐳᑦ ᐊᑕᓂᕐᒧᑦ ᒎᑎᒥᖕᓄᑦ.
5ᐅᑯᐊ ᓕᕔᑎᑦ ᑐᒃᓯᐊᕐᑎᑦᓯᓚᐅᕐᐳᑦ: ᔩᓱᐊ, ᑲᑦᒤ-ᓕ, ᐹᓂ, ᕼᐊᓴᑉᓂᐊ, ᓯᕆᐰᐊ, ᕼᐅᑍᐊ, ᓯᐸᓁᐊ, ᐱᑕᕼᐂᐊᓗ, ᐅᖃᕐᓗᑎᒃ:
“ᓂᑯᕕᓪᓗᓯ ᐊᑕᓂᖅ ᓂᕐᑐᕐᓯᐅᒃ ᒎᑎᑦᓯ
ᓂᕐᑐᕐᓯᐅᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ!
ᐃᓘᓐᓇᓯ ᐊᑎᖓᑕ ᓂᕐᑐᕐᓇᕐᓂᖓ ᓂᕐᑐᕐᓯᐅᒃ,
ᑕᒤᓐᓂᑦᓯᐊᖅ ᐊᖏᓂᕐᐸᐅᔪᖅ
ᓂᕐᑐᕐᓇᕐᑎᑕᐅᓕ ᓂᕐᑐᕐᑕᐅᓗᓂᓗ!”
ᑐᒃᓯᐊᕐᓂᖅ ᖃᕿᐊᓕᕐᓂᕐᒧᑦ
6“ᐃᕝᕕᑦ ᑭᓯᕕᑦ ᐊᑕᓂᑑᕗᑎᑦ;
ᕿᓚᖕᒥᒃ ᓴᓇᓚᐅᕐᐳᑎᑦ,
ᕿᓔᓪᓗ ᕿᓚᖏᓐᓂᒃ,
ᕿᓚᖕᒦᑦᑐᓕᒫᓂᓪᓗ,
ᓄᓇᒥᒃ ᓄᓇᒥᐅᑕᓕᒫᓂᒡᓗ,
ᐃᒪᕕᒡᓗ ᐃᓘᓐᓇᑎᒡᓗ ᐃᒪᐅᑉ ᐃᓗᐊᓃᑦᑐᑦ ᓴᓇᓚᐅᕐᐸᑎᑦ;
ᐃᓅᓯᕐᒥᒃ ᐃᓘᓁᓐᓄᑦ ᑐᓂᓯᕗᑎᑦ,
ᕿᓚᖕᒥᐅᑕᓕᒫᑦᓯᐊᑦ ᐃᓕᖕᓄᑦ ᐅᑯᕗᑦ ᑐᒃᓯᐊᕐᓗᑎᒡᓗ.
7 #
ᒨᓯᓯ ᓯᕗᓪᓖᑦ 11:31; 12:1;
ᒨᓯᓯ ᓯᕗᓪᓖᑦ 17:5. ᐃᕝᕕᑦ, ᐊᑕᓃᖅ ᒎᑎᐅᕗᑎᑦ,
ᓂᕈᐊᓚᐅᕐᐳᑎᑦ ᐂᑉᕋᒻᒥᒃ,
ᑕᓯᐅᓚᐅᕐᐸᓪᓗ ᓄᓇᒥᑦ ᐅᕐᒥᑦ ᑲᐅᓪᑎᐊᒦᑦᑐᒥᑦ;
ᐊᑎᖓᓗ ᐊᓯᑦᔨᓚᐅᕐᐸᑦ ᐂᑉᕋᕼᐋᒻᒥᒃ.
8 #
ᒨᓯᓯ ᓯᕗᓪᓖᑦ 15:18-21. ᓇᒡᕚᓚᐅᕐᐸᑦ ᐆᒻᒪᑎᒥᒍᑦ ᐅᒃᐱᕐᓂᖓ ᑲᔪᓯᓂᖃᕐᑎᓪᓗᒍ ᐃᓕᖕᓄᑦ,
ᐊᖏᖃᑎᒌᓚᐅᕐᐳᓯᒡᓗ ᓄᓇᒥᒃ ᑬᓇᓂᒥᒃ ᑐᓂᓂᐊᕐᓂᕋᕐᓗᒍ,
ᐅᑯᐊ ᓄᓇᖁᑎᖓᓐᓂᑦ, ᕼᐃᑍᑎᒃᑯᑦ, ᐊᒧᕅᑎᑯᓪᓗ, ᐱᕆᔧᑎᒃᑯᓪᓗ,
ᔨᐳᓮᑎᒃᑯᓪᓗ, ᒋᕐᒐᓮᑎᒃᑯᓪᓗ, ᓄᓇᒋᔭᐅᖁᓪᓗᒋᑦ ᑭᖑᕚᖏᓐᓄᑦ.
ᐊᖏᕐᓂᕆᓚᐅᕐᑍᑦ ᑲᔪᓯᑎᓚᐅᕐᐸᑦ, ᐅᒃᐱᕐᓇᑦᓯᐊᕋᕕᑦ.
9 #
ᒨᓯᓯ ᐂᑉᐸᖏᑦ 3:7;
ᒨᓯᓯ ᐂᑉᐸᖏᑦ 14:10-12. ᓯᕗᓕᕗᑦ ᐅᖁᒤᒃᓴᕐᑎᓪᓗᒋᑦ ᑕᑯᓚᐅᕐᐸᑎᑦ ᐄᑦᔨᑉᑎᒥ;
ᐃᑲᔪᕐᑕᐅᔪᒪᓂᖏᓐᓂᒡᓗ ᑐᓴᓚᐅᕐᐸᑎᑦ ᐃᒪᕐᒥ ᐊᐅᐸᓗᒃᑕᒥ.
10 #
ᒨᓯᓯ ᐂᑉᐸᖏᑦ 7:8—12:32. ᓇᓗᓁᒃᑯᑕᓂᒃ ᑲᒪᓇᕐᑐᓂᒡᓗ ᐱᓇᓱᐊᓚᐅᕐᐳᑎᑦ ᐊᖓᔪᖅᑳᕐᔪᐊᕐᒧᑦ ᐰᕉᒧᑦ,
ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖏᓐᓄᑦ ᐃᓄᖏᓐᓄᓪᓗ ᓄᓇᖓᓐᓃᑦᑐᓕᒫᓄᑦ.
ᖃᐅᔨᒪᓚᐅᕋᕕᑦ ᑖᒃᑯᓄᖓ ᐃᓄᖁᑎᕕᑦ ᐅᖁᒤᒃᓴᕐᑎᑕᐅᓂᖏᓐᓂᒃ.
ᑍᒤᒻᒪᑦ ᓵᓚᖃᓚᐅᕐᐳᑎᑦ, ᖃᐅᔨᒪᔭᐅᑦᓯᐊᕐᓃᓪᓗ ᐅᓪᓗᒥ ᓱᓕ ᐱᒋᕙᑦ.
11 #
ᒨᓯᓯ ᐂᑉᐸᖏᑦ 14:21-29;
ᒨᓯᓯ ᐂᑉᐸᖏᑦ 15:4,5. ᐃᒪᖅ ᐊᕕᒃᑎᓪᓗᒍ ᐃᓄᖁᑎᑎᑦ ᐊᖅᑯᓯᓚᐅᕐᐸᑎᑦ,
ᐃᒪᐅᓚᐅᕐᑐᒃᑯᑦ ᑕᓯᐅᓚᐅᕐᐸᑎᑦ ᓄᓇᒃᑯᑦ ᐸᓂᕐᑐᒃᑯᑦ;
ᑍᒃᑯᐊᓗ ᐊᑭᕋᕐᑐᕐᑐᑦ ᐃᐱᓚᐅᕐᐳᑦ ᐃᒫᓂ,
ᐅᔭᕋᒃᑎᑐᑦ ᑭᕕᓚᐅᕐᐳᑦ ᐃᒪᕐᔪᐊᕐᒥ.
12 #
ᒨᓯᓯ ᐂᑉᐸᖏᑦ 13:21,22. ᓄᕗᔭᒧᓪᓗ ᖁᒻᒧᖓᔪᒧᑦ ᑕᓯᐅᓚᐅᕐᐸᑎᑦ ᐅᓪᓘᑎᓪᓗᒍ,
ᐅᓐᓄᒃᑯᓪᓗ ᖃᐅᒪᑎᓚᐅᕐᐸᑎᑦ ᐃᑯᒪᒧᑦ ᖁᒻᒧᖓᔪᒧᑦ
ᐊᖅᑯᑎᖏᓐᓂ ᖃᐅᒻᒥᔮᖁᓪᓗᒋᑦ ᐃᖏᕐᕋᕕᒋᔭᒥᒃᑎᒍᑦ.
13 #
ᒨᓯᓯ ᐂᑉᐸᖏᑦ 19:18—23:33. ᓮᓁᑉ ᖃᖅᑲᖓᓄᑦ ᐊᖅᑲᓚᐅᕐᐳᑎᑦ ᕿᓚᖕᒥᑦ,
ᐃᓄᖁᑎᑎᓪᓗ ᐅᖃᕐᕕᒋᓚᐅᕐᐸᑎᑦ ᕿᓚᖕᒥᑦ,
ᐱᖁᔭᓂᒡᓗ ᑐᓂᓯᕕᒋᓚᐅᕐᐸᑎᑦ ᐊᑐᒐᒃᓴᑦᓯᐊᓂᒃ,
ᐃᓕᓐᓂᐊᕐᑎᓚᐅᕐᐸᑎᓪᓗ ᐱᐅᔪᓂᒃ ᐱᖁᔭᓂᒃ.
14ᐃᓕᓴᑎᓚᐅᕐᐸᑎᓪᓗ ᓴᐸᑎ ᐃᑦᔪᕐᓁᑎᑕᐅᖁᓪᓗᒍ,
ᐱᖁᔨᓚᐅᕐᐳᑎᓪᓗ ᐊᑐᒐᒃᓴᐅᖁᔭᕐᓂᒃ ᒪᓕᒃᑕᐅᖁᔭᕐᓂᒡᓗ ᒪᓕᖁᓪᓗᒋᑦ,
ᐱᔨᒃᑯᑦ ᒨᓯᓯᒃᑯᑦ ᐱᖁᔭᓂᒃ ᑐᓂᓯᕕᒋᓚᐅᕐᐸᑎᑦ.
15 #
ᒨᓯᓯ ᐂᑉᐸᖏᑦ 16:4-15;
ᒨᓯᓯ ᐂᑉᐸᖏᑦ 17:1-7;
ᒨᓯᓯ ᑕᓪᓕᒪᖏᑦ 1:21. ᑳᓕᕐᑎᓪᓗᒋᓪᓗ, ᓂᐊᖁᔭᒥᒃ ᑐᓂᓯᕕᒋᓚᐅᕐᐸᑎᑦ ᕿᓚᖕᒥᑦ,
ᐃᒥᕐᑎᓚᐅᕐᐸᑎᓪᓗ ᕾᕐᓱᒥᑦ ᐃᒥᕈᓱᓕᕐᑎᓪᓗᒋᑦ.
ᓄᓇᒥᒃ ᓄᓇᑖᖁᓪᓗᒋᑦ ᐅᖃᐅᑎᓚᐅᕐᐸᑎᑦ,
ᐊᖏᕈᑎᒋᓚᐅᕐᑕᕐᓂᒃ ᑐᓂᓂᐊᕐᓂᕋᕐᓗᒋᑦ.
16 #
ᒨᓯᓯ ᓯᑕᒪᖏᑦ 14:1-4; ᒨᓯᓯ ᑕᓪᓕᒪᖏᑦ 1:26-33. ᓯᕗᓕᕕᓂᕗᓪᓕ ᐱᐅᔪᕆᓕᓚᐅᕐᐳᑦ ᓯᑎᔫᓕᕐᓗᑎᒡᓗ
ᐱᖁᔭᕐᓂᒡᓗ ᓈᓚᒍᒪᔪᓐᓁᓚᐅᕐᐳᑦ.
17 #
ᒨᓯᓯ ᐂᑉᐸᖏᑦ 34:6; ᒨᓯᓯ ᓯᑕᒪᖏᑦ 14:18. ᐱᖁᔭᕐᓂᒃ ᓈᓚᒍᒪᔪᓐᓁᓚᐅᕐᐳᑦ ᐳᐃᒍᕐᓗᑎᒡᓗ ᐱᓂᐊᕐᓂᕆᓚᐅᕐᑕᕐᓂᒃ,
ᑲᒪᓇᕐᑐᓕᓂᕆᓚᐅᕐᑕᕐᓂᒡᓗ,
ᐱᐅᔪᕆᓂᕐᒥᖕᓄᑦ ᓯᕗᓕᕐᑎᒃᓴᒥᖕᓂᒃ ᓂᕈᐊᓚᐅᕐᐳᑦ
ᐅᑎᖁᓪᓗᒋᑦ ᓯᐊᓛᖑᓂᕐᒧᑦ ᕿᓚᒃᑕᐅᓯᒪᓂᕆᓚᐅᕐᑕᒥᖕᓄᑦ.
ᐃᕝᕕᓪᓕ ᒎᑎᐅᕗᑎᑦ ᐃᓱᒪᒋᔪᓐᓁᕐᓯᓲᖑᓪᓗᑎᑦ,
ᐱᑦᓯᐊᕐᑐᑎᑦ ᓂᑲᒍᓱᒃᑐᑎᓪᓗ, ᓂᓐᖓᒃᓴᕅᖏᑦᑐᑎᑦ,
ᓈᒃᑭᒍᓱᖕᓃᑦ ᐊᖏᔫᖕᒪᑦ, ᑖᒃᑯᐊ ᕿᒪᓚᐅᓐᖏᓚᑎᑦ.
18 #
ᒨᓯᓯ ᐂᑉᐸᖏᑦ 32:1-4. ᒎᑎᓐᖑᐊᓕᐅᕋᓗᐊᕐᒪᑕᓗ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓᓂᒃ,
ᐅᖃᕐᓗᑎᒡᓗ, ‘ᐅᓇ ᑕᕝᕙ ᒎᑎᓯ ᑕᓯᐅᕐᓯᓚᐅᕐᑐᖅ ᐄᑦᔨᑉᑎᒥᑦ!’
ᐅᖃᕐᓂᕐᓘᑎᖃᒻᒪᕆᓚᐅᕐᐳᓪᓗ ᐃᓕᖕᓂᒃ ᐊᑕᓃᖅ!
19 #
ᒨᓯᓯ ᑕᓪᓕᒪᖏᑦ 8:2-4. ᑭᓯᐊᓂᓕ ᕿᒪᓚᐅᓐᖏᓚᑎᑦ ᐃᓄᖃᖏᑦᑐᒥ,
ᓈᒃᑭᒍᓱᖕᓃᑦ ᐊᖏᔫᖕᒪᑦ,
ᓄᕗᔭ ᓇᐸᔪᖅ ᐅᓪᓗᕐᓯᐅᑎ ᐲᓚᐅᖏᓐᓇᕕᐅᒃ
ᑕᓯᐅᕐᓯᖃᑦᑕᓚᐅᕐᑐᖅ ᐊᖅᑯᑎᒃᓴᖓᓐᓂᒃ;
ᐃᑯᒪᓗ ᓇᐸᔪᖅ ᐅᓐᓄᒃᓯᐅᑎ ᐲᓚᐅᖏᓐᓇᕕᐅᒃ
ᖃᐅᒪᑎᑦᓯᖃᑦᑕᓚᐅᕐᑐᖅ ᑖᒃᑯᓂᖓ,
ᓇᓗᓁᕐᓯᓯᒪᖁᓪᓗᒋᑦ ᐊᖅᑯᑎᒃᓴᖏᓐᓂᒃ.
20ᐊᓂᕐᓂᕐᐱᓪᓗ ᐱᐅᓂᖓᓄᑦ ᑕᓯᐅᖃᑦᑕᓚᐅᕐᐸᑎᑦ,
ᐅᖃᐅᑎᓪᓗᒋᑦ ᖃᓄᐃᓕᐅᕐᑐᒃᓴᐅᓂᖏᓐᓂᒃ;
ᓂᕆᑎᓚᐅᕐᐸᑎᑦ ᒫᓇᒥᒃ, ᐃᒥᕐᑎᓚᐅᕋᕕᒋᓪᓗ ᐃᒥᕈᓕᕐᑎᓪᓗᒋᑦ.
21ᐊᕐᕌᒍᓂᒃ 40ᓂᒃ ᐃᓄᖃᖏᑦᑐᒥ ᐱᔭᕆᐊᓕᖏᓐᓂᒃ ᑐᓂᓯᕕᒋᓚᐅᕋᕕᒋᑦ;
ᐊᓐᓄᕌᖏᓪᓗ ᓄᑕᐅᔪᓐᓃᕐᐸᓪᓕᐊᓚᐅᓐᖏᓚᑦ,
ᐃᑎᒐᖏᓪᓗ ᐳᓪᓕᓕᓚᐅᕋᑎᒃ ᐋᓐᓂᐊᓕᓚᐅᓐᖏᓚᑦ.
22 #
ᒨᓯᓯ ᓯᑕᒪᖏᑦ 21:21-35. ᐃᓅᖃᑎᒌᓂᒡᓗ ᐊᑕᓂᐅᕕᖕᓂᒡᓗ ᐅᓇᑕᕐᑎᓚᐅᕐᐸᑎᑦ ᓵᓚᖃᕐᑎᓪᓗᒋᓪᓗ,
ᓄᓇᑖᕐᑎᓚᐅᕐᐸᑎᓪᓗ ᓇᖕᒥᓂᒃᓴᖏᓐᓂᒃ, ᓵᓚᖃᕐᓂᒃᑯᑦ ᓄᓇᑖᓚᐅᕐᐳᑦ
ᕼᐃᓴᐸᓂᒥᒃ, ᓮᕼᐆᓂᐅᑉ ᐊᐅᓚᑦᓯᕕᖓᓂᒃ, ᐹᓴᓂᐅᓪᓗ ᓄᓇᖓᓂᒃ,
ᐋᒡᓗ ᐊᖓᔪᖅᑳᕐᔪᐊᒃᑯᕕᖓᓂᒃ.
23 #
ᒨᓯᓯ ᓯᕗᓪᓖᑦ 15:5; 22:17;
ᔮᓱᐊ 3:14-17. ᕿᑐᕐᖓᕐᑖᕐᑎᓚᐅᕐᐸᑎᓪᓗ ᐅᓄᕐᑐᐊᓗᖕᓂᒃ ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ,
ᓄᓇᑖᕐᑎᓚᐅᕐᐸᑎᓪᓗ ᐊᖏᕐᕋᒃᓴᖏᓐᓂᒃ ᓯᕗᓪᓕᖏᓐᓄᑦ
ᐊᖏᕈᑎᒋᓚᐅᕐᑕᕐᓂᒃ ᑐᓂᓂᐊᕐᓂᕋᕐᓗᒋᑦ.
24 #
ᔮᓱᐊ 11:23. ᓵᓚᖃᕐᓂᒃᑯᑦ ᓄᓇᑖᓚᐅᕐᐳᑦ ᑬᓇᓂᐅᑉ ᓄᓇᖓᓂᒃ;
ᐃᓄᐃᓪᓗ ᓄᓇᓖᑦ ᓯᖏᑕᐅᑎᓚᐅᕐᐸᑎᑦ,
ᐃᓄᖁᑎᑎᑦ ᐱᔪᓐᓇᕐᓂᕐᒥᒃ ᑐᓂᓯᕕᒋᓚᐅᕐᐸᑎᑦ ᐃᓱᒤᓐᓇᕐᕆᖁᓪᓗᒋᑦ
ᐃᓄᖕᓂᒃ ᐊᖓᔪᖅᑳᕐᔪᐊᓂᒡᓗ ᑬᓇᓂᒥ.
25 #
ᒨᓯᓯ ᑕᓪᓕᒪᖏᑦ 6:10,11. ᐃᓄᖁᑎᑎᓪᓗ ᐃᒡᓗᒐᓴᖕᓂᒃ ᓴᐴᓗᑕᕐᔪᐊᓕᖕᓂᒃ ᓵᓚᖃᓚᐅᕐᐳᑦ,
ᓄᓇᒥᒡᓗ ᐱᕈᕐᑐᓕᖕᒥᒃ, ᐃᒡᓗᓂᒡᓗ ᐊᔪᕐᓴᖏᑦᔪᑎᒃᓴᖃᕐᑐᓂᒃ,
ᐃᒥᕐᑕᕐᕖᓪᓗ ᐃᑎᕐᓴᓕᐅᕇᕐᓯᒪᔪᑦ, ᓇᐹᕐᑐᓂᒡᓗ ᐅᕐᓱᒃᓴᓕᖕᓂᒃ,
ᐱᕈᕐᑐᓕᖕᓂᒡᓗ, ᕔᓂᒃᓴᓕᖕᓂᒡᓗ ᑐᓂᓚᐅᕐᐸᑎᑦ,
ᓂᕆᔪᒪᔭᓕᒫᒥᓂᒡᓗ ᓂᕆᓚᐅᕐᐳᑦ ᖁᐃᒃᓯᓪᓗᑎᒡᓗ;
ᖁᕕᐊᓲᑎᖃᓚᐅᕐᐳᓪᓗ ᐱᐅᔪᓂᒃ ᑐᓂᔭᕐᓂᒃ ᑖᒃᑯᓄᖓ.
26 #
ᐃᓗᐊᕐᓮᔩᑦ 2:11-16. ᑍᒤᒃᑲᓗᐊᕐᒪᑦ ᐃᓄᖁᑎᑎᑦ ᐊᑭᕋᕐᑐᓕᓚᐅᕐᐳᑦ
ᓈᓚᒍᓐᓃᕐᓗᑎᒡᓗ ᐃᓕᖕᓂᒃ, ᐱᖁᔭᕐᓂᒡᓗ ᑐᓄᑦᓯᓚᐅᕐᐳᑦ,
ᐅᖃᕐᑎᖕᓂᒡᓗ ᑐᖁᑦᓯᓚᐅᕐᐳᑦ ᐃᓂᕐᑎᕆᔪᓂᒃ,
ᐃᓕᖕᓄᑦ ᐅᑎᖁᔨᓪᓗᑎᒃ ᐅᖃᓪᓚᓚᐅᕐᑐᓂᒃ,
ᐃᓕᖕᓂᒡᓗ ᐅᖃᕐᓂᕐᓘᑎᖃᖃᑦᑕᓚᐅᕐᐳᑦ ᑍᒪᓐᖓᑦ.
27ᑍᒤᒻᒪᑦ ᐊᑭᕋᕐᑐᕐᑎᖏᓐᓄᑦ ᓵᓚᐅᑎᓚᐅᕐᐸᑎᑦ ᐊᐅᓚᑕᐅᓕᕐᑎᓪᓗᒋᓪᓗ,
ᑖᒃᑯᓄᖓ ᐊᒃᓱᕈᕐᑎᑕᐅᓕᕋᒥᒃ, ᐃᓕᖕᓄᑦ ᐃᑲᔪᕐᑕᐅᔪᒪᓕᓚᐅᕐᐳᖅ,
ᐃᕝᕕᓪᓗ ᑭᐅᓚᐅᕐᐸᑎᑦ ᕿᓚᖕᒥᑦ;
ᓈᒃᑭᒍᓱᖕᓂᕐᔪᐊᕐᓄᑦ ᑎᓕᓯᓚᐅᕐᐳᑎᑦ ᑕᓯᐅᕐᓯᓂᐊᕐᑐᓂᒃ
ᓴᐳᑦᔭᐅᖁᓪᓗᒋᑦ ᐅᖁᒤᒃᓴᕐᑎᑕᐅᓂᖏᓐᓂᑦ ᐊᑭᕋᒥᖕᓄᑦ.
28ᒥᕐᖑᐃᕐᓯᓚᐅᕐᑎᓪᓗᒋᑦ ᑕᒪᓐᓇ ᐊᓂᒍᕐᒪᑦ,
ᐊᔪᕐᑐᓕᓕᓚᐅᕆᕗᑦ ᐃᓕᖕᓄᑦ.
ᑍᒤᒻᒪᑦ ᐊᑭᕋᖏᓐᓄᑦ ᑐᓂᓪᓗᒋᑦ ᓵᓚᒋᔭᐅᓯᒪᑎᓕᓚᐅᕐᐸᑎᑦ.
ᖃᕿᐊᓕᕐᒪᑕᓗ ᐱᐅᓕᔭᐅᔪᒪᓕᕐᓗᑎᒡᓗ ᐃᓕᖕᓄᑦ,
ᕿᓚᖕᒥᑦ ᑐᓴᓚᐅᕐᐸᑎᑦ;
ᑍᒪᓐᖓᓪᓗ ᐅᓄᕐᑐᐊᕐᓱᕐᓗᒋᑦ ᐱᐅᓕᖃᑦᑕᓚᐅᕐᐸᑎᑦ ᓈᒃᑭᒍᓱᖕᓂᕐᔪᐊᕐᓄᑦ.
29 #
ᒨᓯᓯ ᐱᖓᔪᖏᑦ 18:5. ᐃᓂᕐᑎᓚᐅᕐᐸᑎᓪᓗ ᓈᓚᑦᓯᐊᖁᓪᓗᒋᑦ ᐃᓕᓐᓂᐊᕐᑎᑦᓯᒍᑎᖕᓂᒃ,
ᑭᓯᐊᓂᓕ ᐱᐅᔪᕆᓂᕐᒥᖕᓄᑦ ᓈᓚᒍᒪᓚᐅᓐᖏᓚᑦ ᐱᖁᔭᕐᓂᒃ,
ᐱᖁᔭᕐᓂᒃ ᒪᓕᖕᓂᒃ ᐃᓅᓯᐅᒐᓗᐊᕐᑎᓪᓗᒍ,
ᑭᓯᐊᓂᓕ ᓯᑎᔫᓚᐅᕐᐳᑦ ᐊᐅᓚᑕᒃᓴᐅᓇᑎᒃ ᓈᓚᒍᒪᓇᑎᒡᓗ.
30 #
ᐊᑕᓃᑦ ᐂᑉᐸᖏᑦ 17:13-18; ᑯᕉᓂᑲ ᐂᑉᐸᖏᑦ 36:15,16. ᐊᕐᕌᒍᓂᒃ ᐅᓄᕐᑐᓂᒃ ᕿᓄᐃᓵᕐᓗᑎᑦ ᐃᓂᕐᑎᖃᑦᑕᓚᐅᕐᐸᑎᑦ,
ᐅᖃᕐᑎᑎᓪᓗ ᐊᓂᕐᓂᒃᑯᑦ ᐅᖃᕈᒪᔪᓐᓇᕐᑎᓚᐅᕐᐸᑎᑦ,
ᐃᓄᖁᑎᑎᓪᓕ ᓱᓕ ᑐᓵᓐᖏᓴᓚᐅᕐᐳᑦ;
ᑍᒤᒻᒪᑦ ᓵᓚᐅᑎᓚᐅᕐᐸᑎᑦ ᐃᓅᖃᑎᒌᒡᔪᐊᓄᑦ.
31ᑍᒤᒃᑲᓗᐊᕐᑎᓪᓗᒍ, ᓈᒃᑭᒍᓱᖕᓂᕐᔪᐊᕐᓄᑦ
ᓇᕐᕈᒋᓕᓚᐅᓐᖏᓚᑎᑦ ᐊᓯᕈᓚᐅᕐᓇᒋᓪᓗ,
ᐱᑦᓯᐊᕐᓗᑎᑦ ᓈᒃᑭᒍᓱᒡᓗᑎᓪᓗ ᒎᑎᐅᒐᕕᑦ.
32 #
ᐊᑕᓃᑦ ᐂᑉᐸᖏᑦ 15:19,29; 17:3-6; ᐄᓱᕋ 4:2,10. ᒎᑏᒃ, ᒎᑎᕗᑦ ᐊᖏᔪᕐᔪᐊᖑᕗᑎᑦ ᐊᔪᒐᖃᖏᑦᑐᕐᔪᐊᖑᓪᓗᑎᓪᓗ!
ᑲᑉᐱᐊᓇᕐᑐᐊᓘᓪᓗᑎᑦ, ᐱᔪᓐᓇᕐᓂᕐᔪᐊᖃᕐᐳᑎᑦ!
ᓇᒡᓕᒍᓱᖕᓂᕐᔪᐊᕐᓄᑦ ᐊᖏᖃᑎᒌᒍᑎᒋᓚᐅᕐᑍᑦ ᑲᔪᓯᑎᒃᑲᕕᐅᒃ:
ᑍᑦᓱᒪᓐᖓᒥᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖏᑕ
ᐅᖁᒤᒃᓴᕐᑎᓚᐅᕐᒪᑎᒍᑦ ᒫᓐᓇᒧᑦ ᐊᒡᓛᑦ ᐊᒃᓱᕈᕐᐳᒍᑦ.
ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᑦ, ᑐᓂᕐᕈᓯᕐᑎᑦᓯᔨᕗᑦ, ᐅᖃᕐᑎᕗᓪᓗ,
ᓯᕗᓕᕗᓪᓗ, ᐃᓅᖃᑎᓕᒫᕗᓪᓗ ᐊᒃᓱᕈᕐᑎᑕᐅᓯᒪᕗᑦ,
ᐃᖅᑲᐅᒪᓚᐅᕆᑦ ᐊᒃᓱᕈᕐᑎᑕᐅᓯᒪᓂᑦᑎᓐᓂᒃ ᑕᒪᓐᓇᓗ ᒥᑭᔫᑎᑦᑍᓕᓗᒍ!
33ᓈᒻᒪᒃᑐᒥᒃ ᐱᓇᓱᐊᕐᓯᒪᕗᑎᑦ ᓱᒋᐊᕐᓗᑕ;
ᓱᖁᓯᔪᐃᑦᑑᓪᓗᑎᑦ ᑲᔪᓯᑦᓯᐊᕐᓯᒪᕗᑎᑦ, ᐅᕙᒍᓪᓕ ᐊᔪᕐᑐᓕᓯᒪᕗᒍᑦ.
34ᐊᒡᓛᑦ ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᓪᓗ,
ᑐᓂᕐᕈᓯᕐᑎᑦᓯᔨᕗᑦ ᓯᕗᓕᕗᓪᓗ,
ᐱᖁᔭᕐᓂᒃ ᒪᓖᓐᓇᕐᓯᒪᖏᒻᒪᑕ,
ᓈᓚᓚᐅᖏᒻᒪᑕ ᐱᖁᔭᕐᓂᒃ ᐃᓂᕐᑎᕆᐅᑎᒋᔭᕐᓂᒡᓗ,
ᓇᓗᓁᕐᓯᓕᓚᐅᕐᐳᑎᑦ ᓈᒻᒪᒃᓴᖏᓐᓂᕐᓂᒃ ᑖᒃᑯᓂᖓ.
35ᓮᒻᒪᕐᑎᑦᓯᓂᕐᓄᑦ, ᐊᖓᔪᖅᑳᕐᔪᐊᑦ ᐊᐅᓚᑦᓯᓚᐅᕐᐳᑦ ᐃᓄᖁᑎᖕᓂᒃ
ᓄᓇᖃᑦᓯᐊᕐᓂᖏᓐᓂ ᐱᕕᑐᔪᒥ, ᐱᕈᕐᑐᖃᑦᓯᐊᕐᑐᒥᒡᓗ ᓄᓇᒥᒃ ᑐᓂᓚᐅᕐᐸᑎᑦ;
ᑭᓯᐊᓂᓕ ᐊᔪᕐᑐᓕᓂᕐᒥᖕᓂᒃ ᕿᒤᓚᐅᓐᖏᓚᑦ, ᐱᔨᑦᓯᓚᐅᕋᑎᒡᓗ ᐃᓕᖕᓂᒃ.
36ᒫᓐᓇᓗ ᓯᐊᓛᖑᕗᒍᑦ ᐊᔪᓕᕐᓗᑕ ᓄᓇᒥ ᑐᓂᓚᐅᕐᑕᕐᓂ,
ᐱᕈᕐᑐᓕᖕᒥᒡᓗ ᓄᓇᒥᒃ ᓂᕿᒃᓴᓕᖕᒥᒡᓗ ᓯᐊᓛᖑᑐᐃᓐᓇᓕᕐᐳᒍᑦ!
37ᓄᓇᐅᓪᓗ ᐱᕈᕐᑎᑕᖏᑦ ᐊᖓᔪᖅᑳᕐᔪᐊᓄᐊᕐᑕᐅᕗᑦ
ᐅᕙᑦᑎᓐᓂᒃ ᐊᐅᓚᑦᓯᔪᓂᒃ ᐊᔪᕐᑐᓕᓂᕗᑦ ᐱᓪᓗᒋᑦ,
ᐊᑐᕈᒪᔭᒥᖕᓂᒡᓗ ᐊᑐᕐᐳᑦ ᐅᕙᑦᑎᓐᓂᑦ ᐆᒪᔪᖁᑎᑦᑎᓐᓂᒡᓗ,
ᐅᕙᒍᓪᓗ ᐊᔪᓕᕐᓯᒪᓕᕐᐳᒍᑦ ᐃᑎᔪᒥᒃ!”
ᐃᓄᐃᑦ ᐊᖏᖃᑎᒌᒍᑎᒥᒃ ᐊᑎᓕᐅᖃᑎᒌᖕᓂᖓᑦ
38ᑕᒪᒃᑯᐊ ᖃᓄᐃᓕᐅᕐᓂᐅᓚᐅᕐᑐᑦ ᐱᑦᔪᑎᒋᓪᓗᒋᑦ ᐊᖏᖃᑎᒌᖕᓂᖃᕐᑎᑦᓯᓚᐅᕐᐳᒍᑦ ᓴᖑᑎᑕᐅᓂᐊᖏᑦᑐᒥᒃ ᑎᑎᕋᕐᓗᒋᓪᓗ; ᐊᖓᔪᖅᑳᕗᑦ, ᓕᕔᑎᓪᓗ, ᑐᓂᕐᕈᓯᕐᑎᑦᓯᔨᖁᑎᕗᓪᓗ ᑖᒃᑯᐊ ᓇᕿᑦᔪᓯᕐᓯᓚᐅᕐᐳᑦ ᓇᓗᓁᒃᑯᑕᐅᓂᐊᕐᑐᓂᒃ.
Currently Selected:
ᓂᕼᐃᒤᐊᐅᑉ ᐊᒡᓚᖏᑦ 9: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
