ᑭᓯᐊᓂᓕ ᕿᒪᓚᐅᓐᖏᓚᑎᑦ ᐃᓄᖃᖏᑦᑐᒥ,
ᓈᒃᑭᒍᓱᖕᓃᑦ ᐊᖏᔫᖕᒪᑦ,
ᓄᕗᔭ ᓇᐸᔪᖅ ᐅᓪᓗᕐᓯᐅᑎ ᐲᓚᐅᖏᓐᓇᕕᐅᒃ
ᑕᓯᐅᕐᓯᖃᑦᑕᓚᐅᕐᑐᖅ ᐊᖅᑯᑎᒃᓴᖓᓐᓂᒃ;
ᐃᑯᒪᓗ ᓇᐸᔪᖅ ᐅᓐᓄᒃᓯᐅᑎ ᐲᓚᐅᖏᓐᓇᕕᐅᒃ
ᖃᐅᒪᑎᑦᓯᖃᑦᑕᓚᐅᕐᑐᖅ ᑖᒃᑯᓂᖓ,
ᓇᓗᓁᕐᓯᓯᒪᖁᓪᓗᒋᑦ ᐊᖅᑯᑎᒃᓴᖏᓐᓂᒃ.
ᐊᓂᕐᓂᕐᐱᓪᓗ ᐱᐅᓂᖓᓄᑦ ᑕᓯᐅᖃᑦᑕᓚᐅᕐᐸᑎᑦ,
ᐅᖃᐅᑎᓪᓗᒋᑦ ᖃᓄᐃᓕᐅᕐᑐᒃᓴᐅᓂᖏᓐᓂᒃ;
ᓂᕆᑎᓚᐅᕐᐸᑎᑦ ᒫᓇᒥᒃ, ᐃᒥᕐᑎᓚᐅᕋᕕᒋᓪᓗ ᐃᒥᕈᓕᕐᑎᓪᓗᒋᑦ.
ᐊᕐᕌᒍᓂᒃ 40ᓂᒃ ᐃᓄᖃᖏᑦᑐᒥ ᐱᔭᕆᐊᓕᖏᓐᓂᒃ ᑐᓂᓯᕕᒋᓚᐅᕋᕕᒋᑦ;
ᐊᓐᓄᕌᖏᓪᓗ ᓄᑕᐅᔪᓐᓃᕐᐸᓪᓕᐊᓚᐅᓐᖏᓚᑦ,
ᐃᑎᒐᖏᓪᓗ ᐳᓪᓕᓕᓚᐅᕋᑎᒃ ᐋᓐᓂᐊᓕᓚᐅᓐᖏᓚᑦ.