ᓂᕼᐃᒤᐊᐅᑉ ᐊᒡᓚᖏᑦ 10
10
1ᐅᑯᐊ ᑕᕝᕙ ᓇᕿᑦᔪᓯᕐᓯᓚᐅᕐᑐᑦ ᓇᓗᓁᒃᑯᑕᐅᓂᐊᕐᑐᓂᒃ ᐱᖁᔭᕆᔭᐅᓂᐊᓕᕐᑐᓂᒡᓗ ᐅᑯᐊᖑᓚᐅᕐᐳᑦ:
ᓂᕼᐃᒤᐊ ᐊᐅᓚᑦᓯᔨᐅᔪᖅ, ᕼᐊᑲᓔᐊᐅᑉ ᐃᕐᓂᖓ, ᔨᑎᑬᐊᓗ,
2ᓯᕅᐊ, ᐊᔭᕅᐊ, ᔨᕆᒤᐊ,
3ᐸᓱᕼᐅᕆ, ᐊᒪᕅᐊ, ᒪᓪᑬᔭ,
4ᕼᐊᑑᓯ, ᓯᐸᓁᐊ, ᒪᓘᑭ,
5ᕼᐊᕆᒻ, ᒥᕆᒫᑎ, ᐅᐸᑍᐊ,
6ᑖᓂᐊᓕ, ᔨᓂᑐᐃ, ᐹᕈᒃ,
7ᒥᓱᓚᒻ, ᐊᐰᔭ, ᒤᔭᒥᓐ,
8ᒫ-ᐊᔧᐊ, ᐱᐅᓪᒊ, ᓯᒤᐊᓗ.
ᑖᒃᑯᐊ ᑕᕝᕙ ᑐᓂᕐᕈᓯᕐᑎᑦᓯᔨᐅᓚᐅᕐᑐᑦ.
9ᐅᑯᐊ ᓕᕔᑎᐅᔪᑦ: ᔩᓱᐊ ᐊᔭᓁᐊᐅᑉ ᐃᕐᓂᖓ
ᐱᓄᐃ ᕼᐃᓇᑕᐅᑉ ᐃᕐᓂᖓ, ᑲᑦᒤ-ᓕᓗ.
10ᖃᑕᓐᖑᑎᖏᓪᓗ: ᓯᐸᓁᐊ, ᕼᐅᑍᐊ, ᑭᓔᑕ,
ᐱᓔᐊ, ᕼᐊᓇᓐ,
11ᒤᑲ, ᕅᕼᐊᑉ, ᕼᐊᓴᐰᐊ,
12ᔭᑯᕆ, ᓯᕆᐰᐊ, ᓯᐸᓁᐊ,
13ᕼᐅᑍᐊ, ᐹᓂ, ᐱᓂᓅᓗ.
14ᐃᓄᐃᑦ ᐊᖓᔪᖅᑳᖏᑦ: ᐸᕉᓯ, ᐸᕼᐊᑕ-ᒧᐊᐱ,
ᐃᓛᒻ, ᔭᑑ, ᐹᓂ,
15ᐳᓐᓂ, ᐊᔾᒑᑦ, ᐱᐰ,
16ᐊᑐᓁᔭ, ᐱᒡᕔ, ᐊᑎᓐ,
17ᐊᑕᕆ, ᕼᐃᓯᑬᐊ, ᐊᔾᔪᕆ,
18ᕼᐅᑍᐊ, ᕼᐊᓲᒻ, ᐱᑦᔧ,
19ᕼᐊᕆᐸ, ᐊᓇᑑᑎ, ᓂᐰ,
20ᒪᒡᐱᐊᔅ, ᒥᓱᓚᒻ, ᕼᐃᔨᕆ,
21ᒥᓯᔭᐱᐅᓪ, ᔭᑑᒃ, ᔭᑐ-ᐊ,
22ᐱᓚᑍᐊ, ᕼᐊᓇᓐ, ᐊᓁᐊ,
23ᕼᐆᓯᐊ, ᕼᐊᓇᓁᐊ, ᕼᐊᓱᑉ,
24ᕼᐊᓗᕼᐃᓴ, ᐰᓚ, ᓲᐱᒃ,
25ᕆᕼᐆᒥ, ᕼᐊᓴᑉᓇ, ᒫᓯᐊ,
26ᐊᕼᐂᔭ, ᕼᐊᓇᓐ, ᐊᓇᓐ,
27ᒪᓘᒃ, ᕼᐊᕆᒻ, ᐹᓇ.
ᐊᖏᖃᑎᒌᒍᑎᐅᔪᑦ ᓇᕿᑦᔪᓯᕐᑕᐅᓚᐅᕐᑐᑦ
28ᒫᓐᓇ ᐃᓄᐃᑦ ᐃᓴᕆᐊᓕᒥᐅᑦ ᑐᓂᕐᕈᓯᕐᑎᑦᓯᔩᑦ, ᓕᕔᑏᓪᓗ, ᐃᑎᕐᑕᕐᕕᖕᒥᓗ ᑲᒪᔩᑦ, ᐃᓐᖏᕐᑏᓪᓗ, ᑐᒃᓯᐊᕐᕕᒡᔪᐊᕐᒥᓗ ᐱᔩᑦ, ᓂᑎᓂᒦᑦ, ᐃᒻᒥᖕᓂᒡᓗ ᑐᓂᓯᒪᔪᑦ ᔫᑎᐅᖏᑦᑐᓂᑦ ᑕᒫᓂ ᓄᓇᓕᖕᓂᑦ ᒎᑎᐅᑉ ᐱᖁᔭᖏᓐᓂᒃ ᐱᓇᓱᐊᕐᑎᐅᔪᒪᓪᓗᑎᒃ, ᓄᓕᐊᖏᓪᓗ, ᐃᕐᓂᖏᓪᓗ, ᐸᓂᖏᓪᓗ, ᓱᖅᑯᐃᓱᒃᑐᓕᒫᑦ ᑐᑭᓯᔪᓐᓇᕐᑐᓕᒫᓪᓗ, 29ᐃᓚᖃᕐᓗᑎᒃ ᖃᑕᓐᖑᑎᒥᖕᓂᒃ, ᐱᓪᓚᕆᖁᑕᐅᔪᓂᒡᓗ, ᓴᖑᑎᓐᓂᐊᓐᖏᑕᒥᖕᓂᒃ ᐊᖏᒻᒪᕆᒍᑎᖃᓚᐅᕐᐳᑦ ᒎᑎᐅᑉ ᐱᖁᔭᖏᓐᓂᒃ ᒪᓕᒍᒪᓪᓗᑎᒃ ᒨᓯᓯᒃᑯᑦ ᑐᓂᔭᐅᓚᐅᕐᑐᓂᒃ ᒎᑎᐅᑉ ᐱᔨᖓᒍᑦ, ᓈᓚᒍᒪᓪᓗᑎᒃ ᒪᓕᒍᒪᓪᓗᑎᒡᓗ ᐊᑕᓂᐅᑉ ᐊᑕᓂᑦᑕ ᐱᖁᔭᖏᓐᓂᒃ, ᐃᓱᐊᕆᔭᖏᓐᓂᒡᓗ ᐃᓕᖅᑯᓯᐅᖁᔭᖏᓐᓂᒡᓗ.
30 #
ᒨᓯᓯ ᐂᑉᐸᖏᑦ 34:16; ᒨᓯᓯ ᑕᓪᓕᒪᖏᑦ 7:3. ᐸᓂᕗᑦ ᑐᓂᓂᐊᓐᖏᓚᕗᑦ ᔫᑎᐅᖏᑦᑐᓄᑦ ᑕᒫᓂ ᓄᓇᓕᖕᓄᑦ ᐅᕝᕙᓗ ᑖᒃᑯᐊ ᐸᓂᖏᓐᓂᒃ ᐃᕐᓂᕗᑦ ᑎᒍᓯᑎᓐᓂᐊᓐᖏᓚᕗᑦ.
31 #
ᒨᓯᓯ ᐂᑉᐸᖏᑦ 23:10,11; ᒨᓯᓯ ᐱᖓᔪᖏᑦ 25:1-7;
ᒨᓯᓯ ᑕᓪᓕᒪᖏᑦ 15:1,2. ᔫᑎᐅᖏᑦᑐᓪᓗ ᑕᒫᓂ ᓄᓇᓖᑦ ᓱᓇᑐᐃᓐᓇᕐᓂᒃ ᕾᑦᓯᒃᐸᑕ ᐱᕈᕐᑐᕕᓂᕐᓂᒡᓘᓐᓃᑦ ᓴᐸᑎᐅᑎᓪᓗᒍ ᓂᐅᕐᕈᑎᖃᕈᒪᓗᑎᒃ, ᓂᐅᕕᕐᓂᐊᓐᖏᓚᒍᑦ ᓴᐸᑎᐅᑎᓪᓗᒍ ᐅᕝᕙᓘᓐᓃᑦ ᐅᓪᓗᐃᑦ ᐊᓯᖏᓐᓂ ᐃᑦᔪᕐᓁᑦᑑᓂᕋᕐᑕᑦᑎᓐᓂ; ᐱᒋᐊᕐᓂᖓᓂᑦ ᐊᕐᕌᒎᑉ 7ᒋᓕᕐᑕᖓᓂ ᐱᕈᕐᑎᑕᕕᓂᕐᓂᒃ ᐱᓂᐊᓐᖏᓚᒍᑦ ᐊᑭᓕᒃᓴᕆᔭᐅᔪᓕᒫᓪᓗ ᐊᑭᓕᕋᒃᓴᐅᔪᓐᓁᕐᑎᖃᑦᑕᕐᓂᐊᕐᐸᕗᑦ.
32 #
ᒨᓯᓯ ᐂᑉᐸᖏᑦ 30:11-16. ᐅᕙᒍᑦᑕᐅᖅ ᓇᖕᒥᓂᖅ ᒪᓕᒐᒃᓴᖃᕐᓂᐊᕆᕗᒍᑦ ᐊᕐᕌᒍᑕᒫᑦ ᑐᓂᓯᖃᑦᑕᖁᓪᓗᑕ ᒎᑎᐅᑉ ᐃᒡᓗᖁᑎᖓᓂ ᐊᑐᕐᑕᐅᔪᒃᓴᐅᖁᓪᓗᒋᑦ ᓯᐅᓪᕕᕆᐅᑉ ᐱᖓᓲᓕᓗᓂ ᐊᕕᒐᔭᕐᓂᖓᑕ ᐱᖓᔪᖓᓐᓂᒃ.
33ᒪᑯᐊᑦᑕᐅᖅ ᑐᒃᓯᐊᕐᕕᒡᔪᐊᕐᒥ ᐊᑐᕐᑕᐅᔪᒃᓴᑦ ᑐᓂᖃᑦᑕᕐᓂᐊᕐᐸᕗᑦ: ᓂᐊᖂᔧᑦ ᐃᑦᔪᕐᓁᑎᑕᐅᓯᒪᔪᑦ, ᐱᕈᕐᑐᕕᓃᓪᓗ ᖃᐅᑕᒫᑦ ᐊᑐᕐᑕᐅᔪᒃᓴᑦ, ᖃᐅᑕᒫᓪᓗ ᑐᓂᕐᕈᓯᕈᑎᒃᓴᑦ ᐆᑕᒃᓮᑦ, ᓴᐸᑎᒥᓗ ᑐᓂᔭᒃᓮᑦ, ᑕᖅᑭᓂᕋᑖᒥ ᓇᓪᓕᐅᓐᓂᕐᓯᐅᕈᑎᒃᓴᑦ, ᐊᓯᖏᓐᓄᓪᓗ ᓇᓪᓕᐅᓐᓂᕐᓯᐅᕈᑎᒃᓴᑦ, ᑐᓂᕐᕈᑎᒃᓴᓪᓗ ᐃᑦᔪᕐᓁᑦᑐᑦ, ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᓐᓄᑦ ᐃᓱᒪᒋᔪᓐᓁᕐᑕᐅᑦᔪᑎᒃᓴᓄᑦ ᑐᓂᕐᕈᓯᕈᑎᒃᓴᑦ, ᒎᑎᐅᓪᓗ ᐃᒡᓗᖁᑎᖓᓂ ᐱᓇᓱᐊᕈᑎᒃᓴᓕᒫᓂᒃ ᑐᓂᓯᖃᑦᑕᕐᓂᐊᕐᐳᒍᑦ.
34ᐅᕙᒍᓪᓗ ᐃᓅᔪᒍᑦ, ᑐᓂᕐᕈᓯᕐᑎᑦᓯᔩᓪᓗ, ᓕᕔᑏᓪᓗ, ᓇᓚᐅᑦᑖᕈᑎᓂᒃ ᐊᑐᕐᓗᑕ ᐊᕐᕌᒍᑕᒫᑦ ᓇᓚᐅᑦᑖᖃᑦᑕᕐᓂᐊᕐᐳᒍᑦ ᓇᓪᓕᐊᑦ ᑭᖑᕚᕇᑦ ᐊᕐᕌᒍᒥ ᑐᓂᕐᕈᓯᕈᑎᒃᓴᓂᒃ ᒎᑎᐅᑉ ᐃᒡᓗᖁᑎᖓᓂ ᕿᔪᒃᓴᓂᒃ ᑐᓂᓯᖃᑦᑕᕐᓂᐊᕐᒪᖔᑕ ᓇᓗᓁᕐᓯᒪᔪᖃᖃᑦᑕᖁᓪᓗᒍ, ᓯᕗᓕᕕᓂᑦᑕ ᑭᖑᕚᕇᖑᓂᖏᑕ ᐋᖅᑭᒃᓯᒪᓂᖏᑦ ᒪᓕᒡᓗᒋᑦ, ᐊᕐᕌᒍᑕᒫᑦ ᓇᓪᓕᐅᑎᕙᒃᑐᑦ ᓇᓗᓁᕐᓯᒪᓂᖏᑦ ᒪᓕᒡᓗᒋᑦ, ᑐᓂᕐᕈᓯᕐᕕᖕᒥ ᑐᓂᕐᕈᓯᖃᑦᑕᖁᓪᓗᒋᑦ ᐊᑕᓂᑦᑎᓐᓄᑦ ᒎᑎᑦᑎᓐᓄᑦ ᐱᖁᔭᓂ ᒪᓕᒐᒃᓴᐅᖁᔭᐅᔪᑦ ᑎᑎᕋᕐᓯᒪᓂᖏᑦ ᒪᓕᒡᓗᒋᑦ.
35 #
ᒨᓯᓯ ᐂᑉᐸᖏᑦ 23:19; 34:26; ᒨᓯᓯ ᑕᓪᓕᒪᖏᑦ 26:2. ᐊᒻᒪ ᒪᓕᒐᒃᓴᓕᐅᕆᕗᒍᑦ ᓄᓇᖁᑎᑦᑕ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ ᓇᐹᕐᑐᐃᓪᓗ ᐸᐅᕐᖓᖏᑕ ᓯᕗᓪᓕᕐᐹᒥᒃ ᐱᕈᕐᑎᑕᓕᒫᖏᑦ, ᐊᕐᕌᒍᑕᒫᑦ, ᑐᓂᖃᑦᑕᕈᒪᓪᓗᑎᒍ ᐊᑕᓂᐅᑉ ᐃᒡᓗᖓᓄᑦ.
36 #
ᒨᓯᓯ ᐂᑉᐸᖏᑦ 13:2. ᐊᒻᒪ ᒎᑎᐅᑉ ᐃᒡᓗᖓᓄᑦ ᐂᑎᑦᓯᖃᑦᑕᕐᓂᐊᕐᐳᒍᑦ, ᓯᕗᓪᓕᕐᐹᒥᒃ ᐃᕐᓂᕐᑖᕆᔭᑦᑎᓐᓂᒃ ᑐᓂᕐᕈᓯᕐᑎᑦᓯᔨᓄᑦ ᑐᒃᓯᐊᕐᕕᒡᔪᐊᕐᒦᑦᑐᓄᑦ ᒎᑎᒧᑦ ᑐᓂᕐᕈᑎᒋᓗᒋᑦ, ᑍᒫᒃ ᐱᖁᔭᑦᑎᓐᓂ ᐱᖁᔭᐅᓂᕗᑦ ᒪᓕᒡᓗᒍ, ᐃᒻᒧᒃᓯᐅᒐᖁᑎᑦᑕᓗ ᓰᐱᖁᑎᑦᑕᓗ ᒎᑦᓯᖁᑎᑦᑕᓗ ᓯᕗᓪᓕᕐᐹᒥᒃ ᐃᕐᓂᐊᕆᖅᑳᕐᑕᖏᓐᓂᒃ ᑐᓂᕐᕈᑎᖃᖃᑦᑕᕈᒪᓪᓗᑕ, ᒎᑎᑦᑕ ᐃᒡᓗᖓᓄᑦ.
37 #
ᒨᓯᓯ ᓯᑕᒪᖏᑦ 18:21. ᓂᐊᖂᔭᒃᓴᖁᑎᑦᑕᓗ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ, ᑐᓂᕐᕈᑎᒋᖃᑦᑕᕐᓂᐊᕐᐸᕗᑦ, ᓇᐹᕐᑐᐃᓪᓗ ᖃᓄᐃᑦᑐᑐᐃᓐᓁᑦ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ, ᓯᕗᓪᓕᕐᐹᒥᒡᓗ ᕔᓂᓐᖑᕐᑐᓂᒃ ᐅᕐᓱᒃᓴᓂᒡᓗ, ᑐᓂᕐᕈᓯᕐᑎᑦᓯᔨᓄᑦ ᑐᓂᓗᒋᑦ, ᒎᑎᑦᑕ ᐃᒡᓗᖓᑕ ᓱᓇᑐᐃᓐᓇᖃᐅᑎᖓᓄᑦ ᐃᓕᔭᐅᖁᓪᓗᒋᑦ.
ᓄᓇᖁᑎᑦᑕᓗ ᑕᓪᓕᒪᐅᔪᖏᑦ ᑐᓂᓂᐊᕐᐸᕗᑦ ᓕᕔᑎᓄᑦ, ᓕᕔᑎᓪᓗ ᑎᒍᓯᖁᓪᓗᒋᑦ ᐱᕈᕐᓰᕕᖁᑎᑦᑕ ᐱᕈᕐᑎᑕᖏᑕ ᑕᓪᓕᒪᐅᔪᓕᒫᖏᓐᓂᒃ. 38#ᒨᓯᓯ ᓯᑕᒪᖏᑦ 18:26.ᑐᓂᕐᕈᓯᕐᑎᑦᓯᔨᕗᓪᓗ, ᐂᕉᓂᐅᑉ ᑭᖑᕚᖏᑦ, ᓕᕔᑎᓃᖃᑦᑕᕐᓂᐊᕐᐳᑦ ᓕᕔᑎᒃᑯᑦ ᑕᓪᓕᒪᐅᔪᐃᕈᑕᐅᔪᓂᒃ ᑐᓂᔭᐅᓕᕐᑎᓪᓗᒋᑦ; ᑖᒃᑯᐊ ᓕᕔᑏᑦ ᑐᓂᕐᕈᓯᐊᕆᔭᖏᑕ ᑕᓪᓕᒪᐅᔪᖏᓐᓂᒃ ᑐᓂᓯᖁᓪᓗᒋᑦ ᒎᑎᑦᑕ ᐃᒡᓗᖓᓄᑦ, ᑕᕝᕗᖓ ᓱᓇᑐᐃᓐᓇᖃᐅᑎᖓᓄᑦ. 39ᐃᓴᕆᐊᓕᒃᑯᑦ ᐃᓄᖏᑦ ᓕᕔᑎᒃᑯᓪᓗ ᑭᖑᕚᖏᑦ ᑐᓂᓯᖃᑦᑕᕐᑐᒃᓴᐅᕗᑦ ᓂᐊᖂᔭᒃᓴᓂᒃ, ᕔᓂᓂᒃ, ᓇᓂᕈᐊᓪᓗ ᐅᕐᓱᒃᓴᖏᓐᓂᒃ, ᐃᑦᔪᕐᓁᑦᑐᕕᖕᒥ ᓇᓂᕈᐊᖃᕐᕖᑦ, ᑐᓂᕐᕈᓯᕐᑎᑦᓯᔩᓪᓗ ᑕᕝᕙᓂ ᐱᓇᓱᐊᕐᑐᑦ, ᐃᑎᕐᑕᕐᕖᓪᓗ ᑲᒪᔨᖏᑕ ᐃᓐᖏᕐᑏᓪᓗ ᐊᑐᒐᒃᓴᖏᓐᓂᒃ.
ᒎᑎᑦᑕ ᐃᒡᓗᖓᓂᒃ ᑲᒪᑦᓯᐊᕈᓐᓁᖁᓇᑕ.
Currently Selected:
ᓂᕼᐃᒤᐊᐅᑉ ᐊᒡᓚᖏᑦ 10: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
