ᐂᓮᐊᓯᐅᑉ ᐊᒡᓚᖏᑦ 41
41
ᒎᑎᐅᑉ ᓱᖏᕐᑐᐃᓂᖓ ᐃᓴᕆᐊᓕᒥᐅᓂᒃ
1“ᓵᓐᓂ ᓂᐰᕆᑦᓯ ᐃᓕᑦᓯ ᐃᒪᐅᑉ ᓯᓈᓂᒥᐅᖑᔪᓯ, ᐃᓄᐃᑦ ᐱᔪᓐᓇᕐᓂᖏᑦ ᓄᑖᓐᖑᕐᑎᑕᐅᓕᕐᓕᑦ; ᖃᒡᓕᒋᐊᕐᓗᑎᒡᓗ, ᐅᖃᓚᐅᕐᓕᑦ, ‘ᐊᑕᐅᑦᓯᒃᑯᑦ ᖃᒡᓕᒋᐊᓚᐅᕐᑕ ᐃᖅᑲᕐᑐᐃᕕᖕᒧᑦ.’ 2ᑭᐊ ᑎᑭᑎᓚᐅᕐᐸᐅᒃ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᖅ ᓵᓚᖃᕆᐊᕐᑐᕐᑐᖅ, ᓇᒧᑐᐃᓐᓇᕐᓗ ᐂᕕᒋᔭᓂ ᓵᓚᒌᓐᓇᕈᓐᓇᓚᐅᕐᐰᑦ? ᑖᑦᓱᒪ ᓵᓚᒃᓴᕐᑎᖃᑦᑕᓚᐅᕐᐹ ᐃᓅᖃᑎᒌᒡᔪᐊᓂᒃ, ᐊᖓᔪᖅᑳᕐᔪᐊᓪᓗ ᓵᓚᒋᓪᓗᒋᑦ ᐊᐅᓚᑦᓯᖃᑦᑕᓚᐅᕐᐳᖅ, ᓴᕕᒡᔪᐊᖓᑕ ᐱᒋᐊᕐᑕᕐᓂᖓᓄᑦ ᓱᓇᐅᑎᓚᐅᓐᖏᓔᑦ ᐳᔪᕋᕐᑎᑐᑦ, ᖃᕐᔪᖏᓪᓗ ᓯᐊᒻᒪᒃᑎᑎᕆᓚᐅᕐᐳᑦ ᐃᕕᒐᕐᑎᑐᑦ ᐊᓄᕆᒧᑦ ᑎᒃᑕᐅᕋᕐᑐᑎᑐᑦ. 3ᒪᓕᒃᓴᕌᖓᒥᒋᑦ ᖃᓄᐃᓕᔭᐅᓇᓂ ᑲᔪᓯᑐᐃᓐᓇᕐᐳᖅ, ᓱᒃᑲᑦᑑᓗᐊᒧᑦ ᒪᓂᖅᑲᒧᑦ ᐊᒃᑐᐃᓚᐅᕐᓯᒪᑦᓯᐊᕐᑑᔭᕋᓂ ᐃᖏᕐᕋᔪᓐᓇᓚᐅᕐᑐᖅ. 4ᑭᓇ ᑍᒤᓕᐅᓚᐅᕐᐸ, ᕾᖁᔨᓪᓗᓂ ᑭᖑᕚᕇᓂᒃ ᐱᒋᐊᕐᓂᖓᓂᑦ? ᐅᕙᖓᐅᕗᖅ, ᐊᑕᓂᖅ, ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ; ᑖᓐᓇᐅᕗᖓ. 5ᐃᒪᐅᑉ ᓯᓈᓂᒥᐅᑦ ᑕᑯᓚᐅᕐᐳᑦ ᓯᕘᕋᓕᕐᓗᑎᒡᓗ, ᓄᓇᕐᔪᐊᑉ ᑭᒡᓕᖓᓃᑦᑐᑦ ᓴᔪᓕᕐᐳᑦ; ᖃᒡᓕᒋᐊᕐᓗᑎᒡᓗ ᕾᓚᐅᕐᐳᑦ. 6ᑕᒪᕐᒥᒃ ᐃᒻᒥᖕᓄᑦ ᐃᑲᔪᕐᑎᒌᓚᐅᕐᐳᑦ, ᐃᓅᖃᑎᒥᖕᓄᓪᓗ ᐅᖃᕐᓗᑎᒃ, ‘ᓴᐱᓕᕐᑍᓕᒋᑦ!’ 7ᕿᔪᓕᕆᔨᐅᓪᓗ ᓱᖏᕐᓲᒻᒫᕚ ᒎᓗᓕᕆᔨ, ᑲᑦᔪᒡᓗᒍᓗ ᒪᓂᖅᑲᒃᓮᔨ ᓱᖏᕐᓱᐃᒋᕗᖅ ᑲᓱᐊᕐᕕᖕᒥ ᑲᓱᐊᕐᑐᒥᒃ, ᓴᕕᕋᔭᒃᓴᒥᒃ ᓂᐱᑎᕆᔪᖅ ᐅᖃᐅᑎᓪᓗᒍ, ‘ᐋᖅᑭᑦᓯᐊᕐᐳᖅ.’ ᑭᑭᐊᓄᓪᓗ ᑭᑭᐊᒃᑐᕐᐹᑦ ᐊᐅᓚᑦᔭᖁᓇᒍ. 8#ᑯᕉᓂᑲ ᐂᑉᐸᖏᑦ 20:7; ᔧᒥᓯ 2:23.ᐃᕝᕕᓪᓕ, ᐃᓴᕆᐊᓪ ᐱᔨᒋᕙᒋᑦ ᔧᑰ, ᓂᕈᐊᓚᐅᕐᐸᒋᑦ, ᐃᓚᓐᓈᒪ ᐂᑉᕋᕼᐋᒻ ᑭᖑᕚᖓ. 9ᑎᒍᓚᐅᕐᐸᒋᑦ ᓄᓇᕐᔪᐊᑉ ᐃᓱᐊᓂᑦ, ᐅᖓᓯᖕᓂᕐᐹᓂᓪᓗ ᕾᖁᓯᒪᕙᒋᑦ, ᐅᖃᐅᑎᓪᓗᑎᓪᓗ, ‘ᐱᔨᒋᕙᒋᑦ, ᓂᕈᐊᕐᓯᒪᒐᒃᑭᑦ ᖁᔭᓈᕐᓯᒪᓐᖏᓚᒋᑦ.’ 10ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ. 11ᑕᑯᒋᑦ, ᐃᓕᖕᓂᒃ ᐆᒥᓱᒃᑐᓕᒫᑦ ᑲᓐᖑᓱᒃᑎᑕᐅᔪᒫᕐᐳᑦ ᒥᑕᐅᑎᒋᔭᐅᓗᑎᒡᓗ; ᐃᓕᖕᓂᒡᓗ ᐊᑭᕋᕐᑐᕐᑐᑦ ᓱᓇᐅᔪᓐᓃᕐᓗᑎᒃ ᓄᖑᑦᓱᒫᕐᐳᑦ. 12ᐊᑭᕋᕐᑐᕐᑎᒋᕙᒃᑕᑎᑦ ᕿᓂᕈᒫᕐᐸᑎᑦ ᓇᒡᕚᕐᓇᒋᓪᓗ; ᐃᓕᑦᓯᓐᓂᒃ ᐅᓇᑕᕈᒪᔪᑦ ᓱᓇᐅᑎᑦᓱᒫᓐᖏᓚᓯ. 13ᐅᕙᖓ ᐊᑕᓂᖅ ᒎᑎᒋᒐᕕᖓ, ᑕᓕᕐᐱᒃᑯᑦ ᑕᓯᐅᕋᒃᑭᑦ; ᐅᖃᐅᑎᓪᓗᑎᓪᓗ, ‘ᑲᑉᐱᐊᓱᒃᑍᓕᒋᑦ, ᐃᑲᔪᕐᓂᐊᕋᒃᑭᑦ.’ 14ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ. 15ᑕᑯᒋᑦ, ᓂᐊᖂᔭᒃᓴᓂᒃ ᓴᓃᔧᕕᒃᑎᑐᑦ ᑍᒤᑎᓐᓂᐊᕐᐸᒋᑦ ᓄᑖᓂᒃ ᐃᐱᒃᑐᓂᒃ ᑭᒍᑎᓕᒃᑎᑐᑦ; ᖃᖅᑳᓗᖕᓂᒃ ᓴᓃᔧᔪᒫᕐᐳᓯ ᓯᖁᑦᑎᕐᓗᒋᓪᓗ, ᐱᖑᐃᓪᓗ ᓄᖑᑎᕐᓗᒋᑦ ᓴᓂᕕᓂᑐᐃᓐᓇᐅᔮᓕᕐᑎᓪᓗᒋᑦ. 16ᓴᓃᔭᕈᒫᕐᐸᓯ ᖁᒻᒧᐊᒃᑎᑐᐊᕈᑦᓯᐅᒃ ᐊᓄᕆᒧᑦ ᑎᒃᑕᐅᕙᒡᓗᑎᒃ, ᐊᖅᑯᓇᕐᒧᑦ ᐊᓄᕆᕐᔪᐊᒧᑦ ᓯᐊᒻᒪᕐᑎᑕᐅᔪᒫᕐᐳᑦ; ᐊᑕᓂᕐᒥᒡᓕ ᖁᕕᐊᓲᑎᖃᕈᒫᕐᐳᑎᑦ; ᓂᕐᑐᐃᓗᑎᓪᓗ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ. 17ᐊᒃᓱᔪᑦ ᐱᖃᖏᑦᑐᓪᓗ ᐃᒥᕈᒃᑲᓗᐊᕐᐳᑦ ᐃᒥᒃᓴᕐᑕᖃᕋᓂᓗ, ᖀᓐᓂᕐᒧᑦ ᐅᖃᖏᑦ ᓴᓗᐊᕐᐳᑦ, ᐅᕙᖓ ᐊᑕᓂᖅ ᑐᓴᕐᓂᐊᕐᐸᒃᑲ; ᐅᕙᖓ ᐃᓴᕆᐊᓕᐅᑉ ᒎᑎᖓ ᖁᔭᓈᕐᓂᐊᓐᖏᓚᒃᑲ. 18ᑰᖃᓕᕐᑎᑦᓯᔪᒫᕐᐳᖓ ᖃᖅᑲᑎᒍᑦ ᐱᕈᕐᑐᖃᖏᑦᑐᑎᒍᑦ, ᓇᕐᓮᓪᓗ ᓄᓇᐅᑉ ᐃᓗᐊᓂᑦ ᑯᕕᔪᕐᑕᖃᓕᕈᒫᕐᐳᑦ; ᓄᓇᒥ ᐃᓄᖃᖏᑦᑐᒥ ᐃᒪᕐᓱᖃᐅᓕᕐᑎᑦᓯᔪᒫᕐᐳᖓ, ᓄᓇᒥᓗ ᐸᓂᕐᑐᒥ ᐃᒥᕐᒥᒃ ᑯᕕᔪᖃᓕᕐᑎᑦᓯᓗᖓ. 19ᓄᓇᒥ ᐃᓄᖃᖏᑦᑐᒥ ᐱᕈᕐᑎᑦᓯᔪᒫᕐᐳᖓ ᓇᐹᕐᑐᑦᓯᐊᕙᖕᓂᒃ ᓰᑕᕆᓂᒃ ᐊᑬᓯᐊᓂᒡᓗ, ᒨᕐᑐᓂᒃ ᐋᓕᕝᓂᒡᓗ, ᓄᓇᒥᓗ ᓯᐅᕅᓐᓇᕐᒥ ᐱᕈᕐᑎᑦᓯᔪᒫᕐᐳᖓ ᓇᐹᕐᑐᓂᒃ ᓮᐳᕆᓯᓂᒃ ᐰᓂᓂᒡᓗ ᐸᓖᓂᓂᒡᓗ ᑲᑎᓐᖓᔪᓂᒃ. 20ᐃᓄᐃᑦ ᑕᑯᖁᓪᓗᒋᑦ ᖃᐅᔨᓗᑎᒡᓗ, ᐃᓱᒪᒃᓴᕐᓯᐅᖁᓪᓗᒋᑦ ᑐᑭᓯᖃᑎᒌᒡᓗᑎᒡᓗ, ᐊᑕᓂᐅᑉ ᑕᒪᓐᓇ ᑍᒤᑎᒻᒪᒍ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑕ ᐱᓐᖑᕐᑎᓯᒪᔭᖓ.”
ᐊᑕᓂᐅᑉ ᒎᑎᒋᔭᐅᔪᓂᒃ ᐊᑭᒪᓇᓱᖁᔨᓂᖓ
21ᐊᑕᓂᖅ ᐅᖃᕐᐳᖅ, “ᐊᑏ ᓵᓚᐅᑦᑍᓕᒪᔪᑎᑦᓯᓐᓂᒃ ᓴᖅᑭᑎᑦᓯᓚᐅᕆᑦᓯ, ᐂᕙᔭᐅᔪᓐᓇᖏᑦᑐᓂᒃ ᐅᖃᐅᓯᒃᓴᑦᓯᓐᓂᒃ ᓴᖅᑭᑎᑦᓯᓚᐅᕆᑦᓯ, ᔧᑰᑉ ᐊᖓᔪᖅᑳᕐᔪᐊᖓᑦ ᐅᖃᕐᐳᖅ. 22ᓇᒃᓴᕐᓗᒋᑦ ᕾᓕᑦ ᐅᖃᐅᑎᓗᑕᓗ ᓱᔪᖃᓛᕐᒪᖔᑦ, ᐊᑐᓚᐅᕐᑐᓂᒃ ᐅᓂᒃᑲᐅᑎᑎᒍᑦ, ᓱᓇᐅᖕᒪᖔᑕ ᐃᓱᒪᒋᓂᐊᕋᑦᑎᒍ, ᖃᓄᐃᑦᑐᕕᓂᐅᖕᒪᖔᑕ ᖃᐅᔨᓂᐊᕋᑦᑕ; ᐅᕝᕙᓗ ᓱᔪᖃᓛᕐᒪᖔ ᓇᓗᓁᕐᓯᕕᒋᓗᑕ. 23ᓯᕗᓂᑦᑎᓐᓂ ᐊᑐᓛᕐᑐᓂᒃ ᓇᓗᓁᕐᓯᕕᒋᓚᐅᕐᑎᒍᑦ, ᒎᑎᓪᓚᕆᐅᖕᒪᖔᑦᓯ ᑐᑭᓯᓂᐊᕋᑦᑕ; ᐱᐅᔪᒥᒃ ᐱᓂᐊᕐᓂᖃᕐᒪᖔᑦᓯ ᓱᒃᑯᑎᕆᔪᒥᒡᓘᓐᓃᑦ, ᑲᑉᐱᐊᓱᓕᖁᓪᓗᑕ ᓴᔪᓕᖁᓪᓗᑕᓗ. 24ᑕᑯᒋᑦ, ᓱᓇᐅᓐᖏᓚᓯ, ᐱᓇᓱᐊᕐᑕᓯᓗ ᓱᓇᒥᒃ ᓴᖅᑭᑎᑦᓯᓇᑎᒃ; ᐃᓕᑦᓯᓐᓂᒃ ᓂᕈᐊᓚᐅᕐᑐᖅ ᓇᕐᕈᓇᕐᑐᐊᓘᕗᖅ. 25ᐊᖑᒻᒥᒃ ᓂᕈᐊᓚᐅᕐᐳᖓ ᓯᕿᓂᐅᑉ ᓄᐃᕕᐊᑕ ᓇᓛᓂ ᓄᓇᖃᕐᑐᒥᒃ, ᑖᓐᓇ ᐅᓐᓄᐊᓪᓗᐊᑉ ᓇᓛᓂᑦ ᑎᑭᑦᓱᒫᕐᐳᖅ ᑖᑦᓱᒪ ᐊᑎᕋ ᓂᓪᓕᐊᕕᒋᔪᒫᕐᐹ; ᐅᓇᑕᕆᐊᕈᒫᕐᐳᕐᓗ ᐊᐅᓚᑦᓯᔨᐅᔪᓂᒃ ᑐᓪᓕᕋᕐᑐᑎᑐᑦ ᓱᓇᐅᑎᑦᓯᔪᒫᓐᖏᓚᖅ ᒪᕐᕋᕐᑎᑐᑦ, ᒪᕐᕋᓕᐅᕐᑎ ᑍᒫᒃ ᓯᖃᓪᓕᓯᕙᖕᒪᑦ ᒪᕐᕋᕐᒥᒃ ᑐᓪᓕᕋᕐᓗᒍ. 26ᑭᐊ ᓇᓗᓁᓚᐅᕐᐸᐅᒃ ᐱᒋᐊᕐᓂᖓᓂᑦ? ᑕᒪᑐᒥᖓ ᖃᐅᔨᖁᓪᓗᑕ, ᐊᑐᓚᐅᕐᑎᓐᓇᒍ ᐅᖃᕈᓐᓇᖁᓪᓗᑕ, ‘ᐅᓇ ᓱᓕᔪᖅ.’ ᐃᓛᒃ, ᐱᑕᖃᓐᖏᓚᖅ ᓇᓗᓁᕐᓯᔪᓐᓇᕐᑐᒥᒃ, ᑐᓴᕐᑎᑦᓯᔪᖃᕈᓐᓇᓐᖏᓚᕐᓘᓐᓃᑦ, ᐅᖃᐅᓯᕐᑎᑦ ᑐᓴᕐᑕᐅᖏᒻᒪᑕ. 27ᓯᕗᓪᓕᕐᐹᒥᒃ ᓮᐅᓂ ᐅᖃᐅᑎᓚᐅᕐᐸᕋ, ‘ᑕᑯᒋᑦ ᕾᓕᕐᐳᑦ!’ ᔨᕉᓴᓕᒻᓗ ᑐᓴᕈᒥᓇᕐᑐᓂᒃ ᐅᖃᕆᐊᕐᑐᕐᑐᓂᒃ ᑐᓂᓯᕕᒋᓪᓗᒍ. 28ᕿᓂᓕᕋᒪᓕ ᐅᖃᕆᐊᕐᑐᕐᑐᒃᓴᒥᑦ ᐱᑕᖃᓚᐅᓐᖏᓚᖅ, ᐃᑲᔪᕐᑐᒃᓴᖃᓚᐅᓐᖏᓚᕐᓘᓐᓃᑦ, ᐊᐱᕆᒐᓗᐊᕋᒪ ᑭᐅᔪᒃᓴᕐᑕᖃᓐᖏᓚᖅ. 29ᑕᑯᒋᑦ ᑕᒪᕐᒥᒃ ᓱᓕᓐᖏᓚᑦ; ᐱᓇᓱᐊᕐᑕᖏᓪᓗ ᓱᓇᐅᓇᑎᒃ, ᒎᑎᓐᖑᐊᖏᑦ ᓴᓇᓯᒪᔪᑦ ᐊᓄᕆᑐᐃᓐᓇᐅᕗᑦ ᓱᓇᑕᖃᖏᑦᑐᑦ.”
Currently Selected:
ᐂᓮᐊᓯᐅᑉ ᐊᒡᓚᖏᑦ 41: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
