Popular Bible Verses from ᐂᓮᐊᓯᐅᑉ ᐊᒡᓚᖏᑦ 41

Share

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐅᕙᖓ ᐊᑕᓂᖅ ᒎᑎᒋᒐᕕᖓ, ᑕᓕᕐᐱᒃᑯᑦ ᑕᓯᐅᕋᒃᑭᑦ; ᐅᖃᐅᑎᓪᓗᑎᓪᓗ, ‘ᑲᑉᐱᐊᓱᒃᑍᓕᒋᑦ, ᐃᑲᔪᕐᓂᐊᕋᒃᑭᑦ.’

ᑕᑯᒋᑦ, ᐃᓕᖕᓂᒃ ᐆᒥᓱᒃᑐᓕᒫᑦ ᑲᓐᖑᓱᒃᑎᑕᐅᔪᒫᕐᐳᑦ ᒥᑕᐅᑎᒋᔭᐅᓗᑎᒡᓗ; ᐃᓕᖕᓂᒡᓗ ᐊᑭᕋᕐᑐᕐᑐᑦ ᓱᓇᐅᔪᓐᓃᕐᓗᑎᒃ ᓄᖑᑦᓱᒫᕐᐳᑦ.

ᑎᒍᓚᐅᕐᐸᒋᑦ ᓄᓇᕐᔪᐊᑉ ᐃᓱᐊᓂᑦ, ᐅᖓᓯᖕᓂᕐᐹᓂᓪᓗ ᕾᖁᓯᒪᕙᒋᑦ, ᐅᖃᐅᑎᓪᓗᑎᓪᓗ, ‘ᐱᔨᒋᕙᒋᑦ, ᓂᕈᐊᕐᓯᒪᒐᒃᑭᑦ ᖁᔭᓈᕐᓯᒪᓐᖏᓚᒋᑦ.’

ᐊᑭᕋᕐᑐᕐᑎᒋᕙᒃᑕᑎᑦ ᕿᓂᕈᒫᕐᐸᑎᑦ ᓇᒡᕚᕐᓇᒋᓪᓗ; ᐃᓕᑦᓯᓐᓂᒃ ᐅᓇᑕᕈᒪᔪᑦ ᓱᓇᐅᑎᑦᓱᒫᓐᖏᓚᓯ.

ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐃᕝᕕᓪᓕ, ᐃᓴᕆᐊᓪ ᐱᔨᒋᕙᒋᑦ ᔧᑰ, ᓂᕈᐊᓚᐅᕐᐸᒋᑦ, ᐃᓚᓐᓈᒪ ᐂᑉᕋᕼᐋᒻ ᑭᖑᕚᖓ.

ᑰᖃᓕᕐᑎᑦᓯᔪᒫᕐᐳᖓ ᖃᖅᑲᑎᒍᑦ ᐱᕈᕐᑐᖃᖏᑦᑐᑎᒍᑦ, ᓇᕐᓮᓪᓗ ᓄᓇᐅᑉ ᐃᓗᐊᓂᑦ ᑯᕕᔪᕐᑕᖃᓕᕈᒫᕐᐳᑦ; ᓄᓇᒥ ᐃᓄᖃᖏᑦᑐᒥ ᐃᒪᕐᓱᖃᐅᓕᕐᑎᑦᓯᔪᒫᕐᐳᖓ, ᓄᓇᒥᓗ ᐸᓂᕐᑐᒥ ᐃᒥᕐᒥᒃ ᑯᕕᔪᖃᓕᕐᑎᑦᓯᓗᖓ.

ᐊᒃᓱᔪᑦ ᐱᖃᖏᑦᑐᓪᓗ ᐃᒥᕈᒃᑲᓗᐊᕐᐳᑦ ᐃᒥᒃᓴᕐᑕᖃᕋᓂᓗ, ᖀᓐᓂᕐᒧᑦ ᐅᖃᖏᑦ ᓴᓗᐊᕐᐳᑦ, ᐅᕙᖓ ᐊᑕᓂᖅ ᑐᓴᕐᓂᐊᕐᐸᒃᑲ; ᐅᕙᖓ ᐃᓴᕆᐊᓕᐅᑉ ᒎᑎᖓ ᖁᔭᓈᕐᓂᐊᓐᖏᓚᒃᑲ.

ᑭᓇ ᑍᒤᓕᐅᓚᐅᕐᐸ, ᕾᖁᔨᓪᓗᓂ ᑭᖑᕚᕇᓂᒃ ᐱᒋᐊᕐᓂᖓᓂᑦ? ᐅᕙᖓᐅᕗᖅ, ᐊᑕᓂᖅ, ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ; ᑖᓐᓇᐅᕗᖓ.

ᓄᓇᒥ ᐃᓄᖃᖏᑦᑐᒥ ᐱᕈᕐᑎᑦᓯᔪᒫᕐᐳᖓ ᓇᐹᕐᑐᑦᓯᐊᕙᖕᓂᒃ ᓰᑕᕆᓂᒃ ᐊᑬᓯᐊᓂᒡᓗ, ᒨᕐᑐᓂᒃ ᐋᓕᕝᓂᒡᓗ, ᓄᓇᒥᓗ ᓯᐅᕅᓐᓇᕐᒥ ᐱᕈᕐᑎᑦᓯᔪᒫᕐᐳᖓ ᓇᐹᕐᑐᓂᒃ ᓮᐳᕆᓯᓂᒃ ᐰᓂᓂᒡᓗ ᐸᓖᓂᓂᒡᓗ ᑲᑎᓐᖓᔪᓂᒃ. ᐃᓄᐃᑦ ᑕᑯᖁᓪᓗᒋᑦ ᖃᐅᔨᓗᑎᒡᓗ, ᐃᓱᒪᒃᓴᕐᓯᐅᖁᓪᓗᒋᑦ ᑐᑭᓯᖃᑎᒌᒡᓗᑎᒡᓗ, ᐊᑕᓂᐅᑉ ᑕᒪᓐᓇ ᑍᒤᑎᒻᒪᒍ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑕ ᐱᓐᖑᕐᑎᓯᒪᔭᖓ.”