ᒨᓯᓯ ᑕᓪᓕᒪᖏᑦ 30
30
ᐋᖅᑭᒋᐊᒃᑲᓐᓂᕐᑕᐅᓂᒃᓴᖅ ᓮᒻᒪᕐᑎᑕᐅᓂᒃᓴᕐᓗ
1“ᒫᓐᓇ ᐃᓱᒪᕐᓱᕐᓗᓯ ᓂᕈᐊᕐᕕᒃᓴᖃᕐᑎᑉᐸᑦᓯ ᓇᓪᓕᐊᓐᓂᑐᐃᓐᓇᖅ ᓮᒻᒪᕐᑎᑕᐅᓂᕐᒥᒃ ᓱᒋᐊᕐᑕᐅᓂᕐᒥᒡᓗ. ᑕᒪᒃᑯᐊᓕᒫᑦ ᐃᓕᑦᓯᓐᓄᑦ ᑎᑭᐅᑎᓯᒪᓕᕐᓂᖏᑕ ᑭᖑᓂᖓᒍᑦ, ᐃᓅᖃᑎᒌᒡᔪᐊᓂᓗ ᓄᓇᖃᓕᕐᑎᓪᓗᓯ ᐊᑕᓂᐅᑉ ᒎᑎᑦᓯ ᓇᒧᑐᐃᓐᓇᖅ ᓯᐊᒻᒪᕐᑎᓯᒪᖕᒪᓯ, ᐃᖅᑲᐅᒪᔪᒃᓴᐅᕗᓯ ᐱᕕᒃᓴᖃᑦᓯᐊᕐᑎᑦᓯᓚᐅᕐᓂᓐᓂᒃ ᓇᓪᓕᐊᓐᓂᑐᐃᓐᓇᖅ ᓂᕈᐊᕈᓐᓇᕐᓗᓯ. 2ᐊᑕᓂᕐᒧᓪᓗ ᒎᑎᑦᓯᓐᓄᑦ ᐅᑎᕈᑦᓯ, ᑭᖑᕚᓯ ᐃᓚᒋᓗᒋᑦ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ ᐱᖁᔭᖏᑦ ᓈᓚᒍᒪᓕᕐᓗᒋᑦ ᐅᓪᓗᒥ ᐃᓕᑦᓯᓐᓄᑦ ᑐᓂᓯᒪᔭᒃᑲ, 3ᑕᕝᕙ ᐊᑕᓂᐅᑉ ᒎᑎᑦᓯ ᓂᑲᒋᓕᕈᒫᕐᐹᓯ, ᑲᑎᕐᓱᓕᕈᒫᕐᐹᓯᓗ ᐅᑎᖁᓪᓗᓯ ᓄᓇᒋᔭᑦᓯᓐᓄᑦ ᐃᓅᖃᑎᒌᒡᔪᐊᓂᑦ ᓇᑭᑐᐃᓐᓇᖅ, ᐱᕙᓪᓕᐊᑎᓕᕐᒥᓗᓂᓯᓗ. 4ᐊᒡᓛᒃ ᓄᓇᐅᑉ ᐅᖓᓯᖕᓂᕐᐹᖓᓄᑦ ᓯᐊᒻᒪᕐᑎᑕᐅᓯᒪᒐᓗᐊᕈᑦᓯ, ᐊᑕᓂᐅᑉ ᒎᑎᑦᓯ ᑲᑎᕐᓱᕈᒫᕐᐹᓯ ᐅᑎᕐᑎᓪᓗᓯᓗ, 5ᓯᕗᓕᕕᓂᑦᓯ ᓄᓇᒋᓚᐅᕐᓯᒪᔭᖓᓄᑦ ᐅᑎᕈᓐᓇᕐᓯᖁᓪᓗᓯ ᓄᓇᑖᕆᖕᒥᓗᒍᓗ. ᑕᕝᕙ ᐱᕙᓪᓕᐊᓂᕐᓴᒻᒪᕆᐅᓕᕈᒫᕐᐳᓯ ᐃᓄᒋᐊᖕᓂᕐᓴᐅᓕᕐᓗᓯᓗ ᓯᕗᓕᕆᓚᐅᕐᑕᑦᓯᓐᓂᑦ. 6ᐊᑕᓂᐅᓪᓗ ᒎᑎᑦᓯ ᑐᓂᓯᕕᒋᔪᒫᕐᐹᓯ ᑭᖑᕚᓯᓗ ᐃᓚᒋᓗᒋᑦ ᐆᒻᒪᑎᒥᒃ ᓈᓚᒍᓐᓇᕐᑐᒥᒃ, ᑖᑦᓱᒥᖓ ᐅᖓᒻᒪᕆᓕᖁᓪᓗᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ, ᑕᒫᓂᓗ ᓄᓇᒋᔭᑦᓯᓐᓂ ᓄᓇᑖᒃᑲᓐᓂᓕᖁᓪᓗᓯ. 7ᑕᒪᒃᑯᐊᓕ ᓱᒋᐊᕐᑕᐅᓂᓕᒫᑦ ᐊᑭᕋᑦᓯᓐᓄᑦ ᓴᖑᑎᖔᕋᔭᕐᐰᑦ, ᐃᓕᑦᓯᓐᓂᒃ ᐆᒥᓱᒃᑐᓄᑦ ᐊᑭᕋᕐᑐᕐᑐᓄᓪᓗ, 8ᑕᕝᕙ ᐊᑕᓂᐅᑉ ᓂᐱᖓ ᓈᓚᓕᕋᔭᕆᕙᓯ, ᐱᖁᔭᓕᒫᖏᓪᓗ ᒪᓕᓕᕐᓗᒋᑦ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ. 9ᐊᑕᓂᐅᓪᓗ ᒎᑎᑦᓯ ᑕᒤᑎᒍᑦ ᐱᓇᓱᐊᕐᓂᑦᓯᒍᑦ ᐱᕙᓪᓕᐊᑎᑦᓯᐊᕐᓂᐊᕐᐹᓯ; ᕿᑐᕐᖓᑖᕈᒫᕐᐳᓯᓗ ᐅᓄᕐᑐᓂᒃ ᐆᒪᔪᖁᑎᖃᓕᕐᓗᓯᓗ ᐃᒻᒧᒃᓯᐅᒐᕐᓂᒃ ᐅᓄᕐᑐᓂᒃ, ᐱᕈᕐᓰᕕᖁᑎᓯᓗ ᓂᐊᖂᔭᒃᓴᓂᒃ ᑍᒪᓐᖓᑦ ᐱᕈᕐᕕᐅᖏᓐᓇᓕᕈᒫᕐᐳᑦ. ᖁᕕᐊᓱᑦᓯᐊᕐᓗᓂ ᐃᓕᑦᓯᓐᓂᒃ ᐱᕙᓪᓕᐊᑎᑦᓯᓕᕈᒫᕐᐳᖅ, ᑍᑦᓱᒪᓂ ᓯᕗᓕᕕᓂᓯ ᐱᕙᓪᓕᐊᓂᕆᕙᓚᐅᕐᑕᖏᑎᑐᑦ, 10ᐊᑕᓂᐅᑉ ᒎᑎᑦᓯ ᓂᐱᖓ ᓈᓚᖕᓂᐊᕈᑦᓯᐅᒃ, ᐱᖁᔭᓕᒫᖏᓪᓗ ᒪᓕᑦᓯᐊᕐᓗᒋᑦ ᐅᑯᓇᓂ ᑎᑎᕋᕐᓯᒪᔪᑦ, ᐊᑕᓂᕐᒧᓪᓗ ᒎᑎᑦᓯᓐᓄᑦ ᓵᒋᐊᕐᓂᐊᕈᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ.
11“ᐅᓪᓗᒥ ᑖᒃᑯᐊ ᐃᓕᑦᓯᓐᓄᑦ ᐱᖁᔨᑦᔪᑎᒋᔭᒃᑲ ᐊᔪᕐᓇᓗᐊᖏᒻᒪᑕ, ᐃᓕᑦᓯᓐᓄᓪᓗ ᐅᖓᓯᓗᐊᕋᑎᒃ. 12#ᕉᒪᒥᐅᓄᑦ 10:6-8.ᕿᓚᖕᒦᖏᒻᒪᑕ, ᐊᐱᕆᔭᕆᐊᖃᓐᖏᓚᓯᓘᓐᓃᑦ, ‘ᑭᓇᓕ ᕿᓚᖕᒧᑦ ᐂᓂᐊᕐᐸ, ᐅᕙᑦᑎᓐᓄᑦ ᑐᓂᓯᓂᐊᕐᒪᑦ ᑖᒃᑯᓂᖓ, ᑐᓴᕐᓂᐊᕋᑦᑎᒍ ᒪᓕᒡᓗᒋᓪᓗ?’ 13ᐃᒪᕐᕕᐅᓪᓗ ᐊᑭᐊᓃᖏᓐᓂᕗᑦ, ᐊᐱᕆᔭᕆᐊᖃᓐᖏᓚᓯᓘᓐᓃᑦ, ‘ᑭᓇᓕ ᐃᒪᕐᕕᐅᑉ ᐊᑭᐊᓄᑦ ᐃᑳᕈᓐᓇᕐᐹ ᐅᕙᑦᑎᓐᓄᐊᕈᑦᔨᖁᓪᓗᒍ, ᑐᓴᕐᓂᐊᕋᑦᑎᒍ ᒪᓕᒡᓗᒋᓪᓗ?’ 14ᐅᖃᐅᓯᕐᓕ ᐃᓕᑦᓯᓐᓄᑦ ᖃᓂᑉᐳᖅ, ᖃᓂᑦᓯᓐᓃᑉᐳᖅ ᐆᒻᒪᑎᑦᓯᓐᓃᑦᓱᓂᓗ, ᒪᓕᒍᓐᓇᑦᓯᐊᕐᐸᓯ.
15“ᐅᓪᓗᒥ ᒪᓂᑦᔨᕗᖓ ᐃᓕᑦᓯᓐᓄᑦ ᐃᓅᓯᕐᒥᒃ ᐱᐅᔪᒥᒃ, ᑐᖁᒥᒡᓗ ᐱᐅᖏᑦᑐᒥᒃ. 16ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᓈᓚᖕᓂᐊᕈᑦᓯᒋᒃ, ᑖᒃᑯᐊ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ, ᐊᑕᓂᕐᒥᒃ ᒎᑎᑦᓯᓐᓂᒃ ᐅᖓᒋᔭᖃᕐᓂᐊᕈᑦᓯ, ᐃᓅᓗᓯᓗ, ᐃᓅᓯᐅᖁᔭᖓᓂ, ᐱᖁᔭᖏᓪᓗ ᒪᓕᒐᒃᓴᐅᖁᔭᖏᓪᓗ ᒪᓕᒡᓗᒋᑦ, ᑕᕝᕙ ᐃᓅᓂᐊᕐᐳᓯ ᐅᓄᕐᓯᕙᓪᓕᐊᓗᓯ, ᐊᑕᓂᐅᓪᓗ ᒎᑎᑦᓯ ᓮᒻᒪᕐᑎᑦᓱᒫᕐᐹᓯ ᓄᓇᒥ ᓄᓇᑖᕆᓂᐊᓕᕐᑕᑦᓯᓐᓂ. 17ᐆᒻᒪᑎᑦᓯᒍᓪᓕ ᒪᓕᒍᒪᓂᐊᖏᒃᑯᑦᓯ, ᓈᓚᒍᒪᖏᓪᓗᓯᓗ, ᒎᑎᒋᔭᐅᔪᓄᓪᓗ ᓴᖑᑎᑕᐅᓗᓯ ᑖᒃᑯᓄᖓ ᑐᒃᓯᐊᖃᑦᑕᓕᕈᑦᓯ, 18ᓇᓗᓁᕐᓯᕕᒋᕙᑦᓯ ᑕᕝᕙ ᐅᓪᓗᒥ, ᓄᖑᑎᑕᐅᔪᒫᕐᐳᓯ; ᐊᑯᓂᐅᖏᑦᑐᖅ ᐃᓅᔪᒫᕐᐳᓯ ᓄᓇᒥ ᓄᓇᑖᕆᓂᐊᓕᕐᑕᑦᓯᓐᓂ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓄᓇᖁᑎᑖᕆᔭᕐᑐᕐᑕᑦᓯᓐᓂ. 19ᕿᓚᒃ ᓄᓇᓗ ᑕᒪᑐᒥᖓ ᓂᕈᐊᕆᔭᑦᓯᓐᓂᒃ ᖃᐅᔨᒪᖁᕚᒃᑲᒃ ᐅᓪᓗᒥ ᒪᓂᑦᔨᒐᒪ ᐃᓕᑦᓯᓐᓄᑦ ᐃᓅᓯᕐᒥᒃ ᑐᖁᒥᒡᓗ, ᓇᓪᓕᐊᓐᓂᑐᐃᓐᓇᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᓱᒋᐊᕐᓯᓂᖓᓂᒡᓗ, ᑍᒤᒻᒪᑦ ᐃᓅᓯᕐᒥᒃ ᓂᕈᐊᕆᑦᓯ, ᑭᖑᕚᒃᓴᓯᓗ ᐃᓅᖁᓪᓗᓯ. 20#ᒨᓯᓯ ᓯᕗᓪᓖᑦ 12:7; ᒨᓯᓯ ᓯᕗᓪᓖᑦ 26:3; ᒨᓯᓯ ᓯᕗᓪᓖᑦ 28:13.ᐊᑕᓂᖅ ᒎᑏᑦ ᐅᖓᒋᔭᒃᓴᕆᕙᑦ, ᓂᐱᖓᓗ ᓈᓚᒡᓗᒍ ᓱᖁᓯᔪᐃᑦᑑᕕᒋᓗᒍᓗ, ᑕᕝᕙ ᑭᖑᕚᓕᒫᓯᓗ ᐃᓅᔪᒫᕐᐳᓯ ᓄᓇᒥ ᐊᖏᕈᑎᒋᓯᒪᔭᖓᓂ ᑐᓂᓂᐊᕐᓂᕋᕐᓗᓂᐅᒃ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ.”
Currently Selected:
ᒨᓯᓯ ᑕᓪᓕᒪᖏᑦ 30: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
