Popular Bible Verses from ᒨᓯᓯ ᑕᓪᓕᒪᖏᑦ 30

Share

ᕿᓚᒃ ᓄᓇᓗ ᑕᒪᑐᒥᖓ ᓂᕈᐊᕆᔭᑦᓯᓐᓂᒃ ᖃᐅᔨᒪᖁᕚᒃᑲᒃ ᐅᓪᓗᒥ ᒪᓂᑦᔨᒐᒪ ᐃᓕᑦᓯᓐᓄᑦ ᐃᓅᓯᕐᒥᒃ ᑐᖁᒥᒡᓗ, ᓇᓪᓕᐊᓐᓂᑐᐃᓐᓇᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᓱᒋᐊᕐᓯᓂᖓᓂᒡᓗ, ᑍᒤᒻᒪᑦ ᐃᓅᓯᕐᒥᒃ ᓂᕈᐊᕆᑦᓯ, ᑭᖑᕚᒃᓴᓯᓗ ᐃᓅᖁᓪᓗᓯ. ᐊᑕᓂᖅ ᒎᑏᑦ ᐅᖓᒋᔭᒃᓴᕆᕙᑦ, ᓂᐱᖓᓗ ᓈᓚᒡᓗᒍ ᓱᖁᓯᔪᐃᑦᑑᕕᒋᓗᒍᓗ, ᑕᕝᕙ ᑭᖑᕚᓕᒫᓯᓗ ᐃᓅᔪᒫᕐᐳᓯ ᓄᓇᒥ ᐊᖏᕈᑎᒋᓯᒪᔭᖓᓂ ᑐᓂᓂᐊᕐᓂᕋᕐᓗᓂᐅᒃ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ.”

ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᓈᓚᖕᓂᐊᕈᑦᓯᒋᒃ, ᑖᒃᑯᐊ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ, ᐊᑕᓂᕐᒥᒃ ᒎᑎᑦᓯᓐᓂᒃ ᐅᖓᒋᔭᖃᕐᓂᐊᕈᑦᓯ, ᐃᓅᓗᓯᓗ, ᐃᓅᓯᐅᖁᔭᖓᓂ, ᐱᖁᔭᖏᓪᓗ ᒪᓕᒐᒃᓴᐅᖁᔭᖏᓪᓗ ᒪᓕᒡᓗᒋᑦ, ᑕᕝᕙ ᐃᓅᓂᐊᕐᐳᓯ ᐅᓄᕐᓯᕙᓪᓕᐊᓗᓯ, ᐊᑕᓂᐅᓪᓗ ᒎᑎᑦᓯ ᓮᒻᒪᕐᑎᑦᓱᒫᕐᐹᓯ ᓄᓇᒥ ᓄᓇᑖᕆᓂᐊᓕᕐᑕᑦᓯᓐᓂ.

“ᐅᓪᓗᒥ ᒪᓂᑦᔨᕗᖓ ᐃᓕᑦᓯᓐᓄᑦ ᐃᓅᓯᕐᒥᒃ ᐱᐅᔪᒥᒃ, ᑐᖁᒥᒡᓗ ᐱᐅᖏᑦᑐᒥᒃ.

ᐅᖃᐅᓯᕐᓕ ᐃᓕᑦᓯᓐᓄᑦ ᖃᓂᑉᐳᖅ, ᖃᓂᑦᓯᓐᓃᑉᐳᖅ ᐆᒻᒪᑎᑦᓯᓐᓃᑦᓱᓂᓗ, ᒪᓕᒍᓐᓇᑦᓯᐊᕐᐸᓯ.

ᐊᑕᓂᐅᓪᓗ ᒎᑎᑦᓯ ᑐᓂᓯᕕᒋᔪᒫᕐᐹᓯ ᑭᖑᕚᓯᓗ ᐃᓚᒋᓗᒋᑦ ᐆᒻᒪᑎᒥᒃ ᓈᓚᒍᓐᓇᕐᑐᒥᒃ, ᑖᑦᓱᒥᖓ ᐅᖓᒻᒪᕆᓕᖁᓪᓗᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ, ᑕᒫᓂᓗ ᓄᓇᒋᔭᑦᓯᓐᓂ ᓄᓇᑖᒃᑲᓐᓂᓕᖁᓪᓗᓯ.

ᐊᑕᓂᐅᓪᓗ ᒎᑎᑦᓯ ᑕᒤᑎᒍᑦ ᐱᓇᓱᐊᕐᓂᑦᓯᒍᑦ ᐱᕙᓪᓕᐊᑎᑦᓯᐊᕐᓂᐊᕐᐹᓯ; ᕿᑐᕐᖓᑖᕈᒫᕐᐳᓯᓗ ᐅᓄᕐᑐᓂᒃ ᐆᒪᔪᖁᑎᖃᓕᕐᓗᓯᓗ ᐃᒻᒧᒃᓯᐅᒐᕐᓂᒃ ᐅᓄᕐᑐᓂᒃ, ᐱᕈᕐᓰᕕᖁᑎᓯᓗ ᓂᐊᖂᔭᒃᓴᓂᒃ ᑍᒪᓐᖓᑦ ᐱᕈᕐᕕᐅᖏᓐᓇᓕᕈᒫᕐᐳᑦ. ᖁᕕᐊᓱᑦᓯᐊᕐᓗᓂ ᐃᓕᑦᓯᓐᓂᒃ ᐱᕙᓪᓕᐊᑎᑦᓯᓕᕈᒫᕐᐳᖅ, ᑍᑦᓱᒪᓂ ᓯᕗᓕᕕᓂᓯ ᐱᕙᓪᓕᐊᓂᕆᕙᓚᐅᕐᑕᖏᑎᑐᑦ

ᐆᒻᒪᑎᑦᓯᒍᓪᓕ ᒪᓕᒍᒪᓂᐊᖏᒃᑯᑦᓯ, ᓈᓚᒍᒪᖏᓪᓗᓯᓗ, ᒎᑎᒋᔭᐅᔪᓄᓪᓗ ᓴᖑᑎᑕᐅᓗᓯ ᑖᒃᑯᓄᖓ ᑐᒃᓯᐊᖃᑦᑕᓕᕈᑦᓯ, ᓇᓗᓁᕐᓯᕕᒋᕙᑦᓯ ᑕᕝᕙ ᐅᓪᓗᒥ, ᓄᖑᑎᑕᐅᔪᒫᕐᐳᓯ; ᐊᑯᓂᐅᖏᑦᑐᖅ ᐃᓅᔪᒫᕐᐳᓯ ᓄᓇᒥ ᓄᓇᑖᕆᓂᐊᓕᕐᑕᑦᓯᓐᓂ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓄᓇᖁᑎᑖᕆᔭᕐᑐᕐᑕᑦᓯᓐᓂ.

“ᐅᓪᓗᒥ ᑖᒃᑯᐊ ᐃᓕᑦᓯᓐᓄᑦ ᐱᖁᔨᑦᔪᑎᒋᔭᒃᑲ ᐊᔪᕐᓇᓗᐊᖏᒻᒪᑕ, ᐃᓕᑦᓯᓐᓄᓪᓗ ᐅᖓᓯᓗᐊᕋᑎᒃ.

ᕿᓚᖕᒦᖏᒻᒪᑕ, ᐊᐱᕆᔭᕆᐊᖃᓐᖏᓚᓯᓘᓐᓃᑦ, ‘ᑭᓇᓕ ᕿᓚᖕᒧᑦ ᐂᓂᐊᕐᐸ, ᐅᕙᑦᑎᓐᓄᑦ ᑐᓂᓯᓂᐊᕐᒪᑦ ᑖᒃᑯᓂᖓ, ᑐᓴᕐᓂᐊᕋᑦᑎᒍ ᒪᓕᒡᓗᒋᓪᓗ?’

ᐃᒪᕐᕕᐅᓪᓗ ᐊᑭᐊᓃᖏᓐᓂᕗᑦ, ᐊᐱᕆᔭᕆᐊᖃᓐᖏᓚᓯᓘᓐᓃᑦ, ‘ᑭᓇᓕ ᐃᒪᕐᕕᐅᑉ ᐊᑭᐊᓄᑦ ᐃᑳᕈᓐᓇᕐᐹ ᐅᕙᑦᑎᓐᓄᐊᕈᑦᔨᖁᓪᓗᒍ, ᑐᓴᕐᓂᐊᕋᑦᑎᒍ ᒪᓕᒡᓗᒋᓪᓗ?’