Yosua 10
10
1 #
Yos 6:21; 8:22; 9:15. Kosodi kanen kepupu Adoni-sedek ekabaka loka Yerusalem ebe erum Yosua Ai, ebe da amudia eut ŋes; kwape eswamakinitor Yeriko ka ekabakake, abu kiswamak kwaŋin Ai ka ekabakake; ebe da apotu lueboiete koGibeon kopueoto ka Isirael, ejaas da mamakee; 2#Any 15:14-16; Ikis 11:25; 28:10; Sab 48:4-6; Awa 1:26,27; Bur 10:27,31; Apu 6:15-17. Apotu kokuriakata noi, naarai kerai Gibeon ere loapol, kwape ediopet koreria luajaas ikabakan, ido naarai apol adepar Ai, ituŋake da kere araas lukirigin. 3#Age 23:2; Mar 13:22. Kanuka nun kijuka Adoni-sedek ekabaka loka Yerusalem, mama ejai Kokam ekabaka loka Keburon, ka Piram ekabaka loka Yaramut, ka Yapia ekabaka loka Lakis, ka Debir ekabaka loka Egilon, kobala ebe, 4#Yos 9:15. “Kopotu neaiai, kenarakis, kadanyata Gibeon: naarai apueoto ka Yosua ka idwe luka Isirael.” 5#Yos 9:2. Kanuka nun kotukokinos ikabakan ikany luka Imorain, ekabaka loka Yerusalem, ka ekabaka loka Keburon, ka ekabaka loka Yaramut, ka ekabaka loka Lakis, ka eka baka loka Egilon, koloto kesi ka aioresiokec kere, kidukuroto asurokin Gibeon, kitijioto ŋes.
6 #
Yos 5:10. Kijukakis ituŋa luka Gibeon Yosua koidukurun Giligal, ebe, “Sirikijalakin akonikan ainyein ikonikejaanakinak; kiwonyuni mamakosi, kitajar sio, kinarak da; naarai atukonokinos ikabakan kere luka Imorain luibojete kakwap nakiukon aitiii sio.” 7#Yos 8:1. Konyou Yosua koGiligal, ŋes ka iketuŋa lukaiiok, ka ituŋa kere lukirigin luetitin, 8#Ikis 7:24; 11:25; Yos 11:6; 23:9; Tub 4:14; Yos 1:5. Kotema EJAKAIT Yosua atiar, “Sirikikurianar kes: naarai ejaik kes akanikon; mam ediotuŋanan kakesi kibwoikini jo.” 9Kitiut kesi edolokini kes Yosua; naarai alosi anyoun koGiligal akuare kiya. 10#Tub 4:15; 1 Sam 7:10; Sab 18:14; Isa 28:21; 2 Siit 14:12; Yos 16:3,5; 15:35. Kisiara EJAKAIT kes kakonyen nuka Isirael, kodany kes kaario naepol koGibeon, korukio kes korot loedokarere Betkoron, kodany kes kiton Aseka, kiton Makeda da. 11#Sab 18:13,14; 77:17; Isa 28:2; 30:30; Apu 16:21. Kosodi kanen ckerete kesi kakonyen nuka Isirael iiesaros kesi koBet-koron, kitetep EJAKAIT amor nuepolok nuapote kokuiu mamakee kiton Aseka, kotwakata; epu luaari akak adepar kwi luaarete idwe luka Isirael kekilen,
12 #
Ikis 4:19; 17:3; Sab 19:4; Isa 28:21; 38:8; Kbk 3:11; Tub 12:12. Kosodi Yosua atemar EJAKAIT kapaaran naejaikinia EJAKAIT ŋes Imorain kakonyen nuka idwe luka Isirael; kotema kakonyen nuka Isirael atiar,
“Akoloŋ, kobwou ijo koGibeon;
Ijo da, Elap, kaditot naka Aiyalon.”
13 #
2 Sam 1:18. Kobwou akoloŋ, kosalak elap,
Aitodol naenyania ateker kama ejaas lukasurupokee.
Mere iwadikatai nin oitabo loka Yasar? Kosalak akoloŋ kidin akuj, komam iwonyari alomar bala apaaran kere, 14#Isa 38:8; Any 14:14; Ikis 1:30; 3:22; 20:4; 33:26-29; Yos 23:3,10; Tub 1:19,22; 2 Siit 20:29; Nek 4:20; Sab 33:8-20; Isa 31:4; 42:13; Sek 14:3. Ido amamei apaaran naaputos kaŋin apeŋo karaida ameun kaŋin, naapupunio EJAKAIT eporoto loka etuŋanan: naarai EJAKAIT ajiikinit Isirael.
15Kobono Yosua, ka Isirael kere kaŋes, Giligal oidukurun.
16Kokerata ikabakan nul ikany, konopata kotoma abua koMakeda. 17Kolimokinai Yosua ebe, “Adumun ikabakan lukany, enopito kabua koMakeda.” 18Kotema Yosua atiar, “Kikokorikisi amor nuepolok aituk naka abua, kibwaikis ituŋa aidar kes: 19Konye yes sirikipaikis; kodapata lukasurupokus, kodanyata lukee lukokau; sirikicamakis kes alomar oreriakee: naarai eiaiki EJAKAIT Ekusideke kes akanikus.” 20Kosodi kanen, kedau Yosua ka idwe luka Isirael aiar kes kaiar naepol, aitodol neamudiarere, nealomariata da luedeuna kakesi oreria luabwaitai, 21#Any 11:7; Isa 54:17. Kobonosi ituŋa kere Makeda oidukurun neajai Yosua kainapakina: mam idio yenabu kipen akenaiep amoromoroo idwe luka Isirael.
22Kosodi Yosua atemar ebe, “Kopukosi aituk naka abua, kitolomut ikabakan nul ikany koyaut mama ajai.” 23Kiswamata kesi kwaŋin, kitolomut ikabakan nul ikany kabua mama ejai ŋesi, ekabaka loka Yerusalem, ka ekabaka loka Keburon, ka ekabaka loka Yaramut, ka ekabaka loka Lakis, ka ekabaka loka Egilon. 24#Ikis 33:29; Sab 2:8-12; 91:13; Isa 26:5,6; Mal 4:3; Apu 2:26,27. Kosodi kanen, kitolomut kesi ikabakan nul neajai Yosua, konyarau Yosua ituŋa kere luka Isirael, kotema ijaka luka ituŋa lukajiok lualosito kaŋes atiar, “Kikunyutu, kidokokis akusikeje omurisina luka ikabakan kalu.” Kikunyut, kidokokis akeeekeje omurisinakec. 25#Ikis 31:6,8; Yos 1:9; 1 Sam 17:37; Sab 63:9; 2 Kor 1:10; 2 Tim 4:17; Ikis 3:21; 7:19. Kotema Yosua kes atiar, “Sirikikuriakata, karaida aiyaloŋoŋ; kicata, kotitinioros: naarai iswamakini EJAKAIT kwaŋin lukasurupokus kere Iuitijiete yesi,” 26#Mar 25:14; Yos 8:29; 2 Sam 21:6,9; Est 2:23; 7:9,10; Sab 149:7,9. Akaulo kanun kodany Yosua kes, koara kes, komiedanak kes okito ikany: kiiekos kokito kiton eboŋ. 27#Ikis 21:23; Yos 8:29. Kosodi kanen, kapak naalomaria akoloŋ kicorak Yosua, konedununai kes kokito, kocakanakinai abua naanopitotor, kibwaikinai amor nuepolok aituk naka abua, kiton lolo.
28 #
Yos 6:21. Kirum Yosua Makeda kapaaran kaŋin, kodany lukore kanol ka ekabakakec kakwanis naka ekileŋ; komudia kes eut ka ituŋa kere luajaas toma, komam ideuni idio da: kiswamak ekabaka loka Makeda kwape eswamakinia ekabaka loka Yeriko,
29 #
Yos 15:42; 21:13; 2 Ika 8:22; 19:8. Konyou Yosua koMakeda, ka Isirael kere nepepe kaŋes, kitor Libuna, kitiji lukoLibuna: 30Kiiaik EJAKAIT kes da, ka ekabakakee akan naka Isirael; kodany kes kakwanis naka ekileŋ, ka ituŋa kere Iuajaas toma; komam ideuni idio da kotomaken, kiswamak ekabakake kwape eswamakinia ekabaka loka Yeriko,
31 #
2 Ika 14:19; Mik 1:13. Konyou Yosua koLibuna, ka Isirael kere nepepe kaŋes, kitor Lakis, kidukur asurokin kes, kitiji: 32Kijaik EJAKAIT Lakis akan naka Isirael, kirum ŋes apaaran nakiareit, kodany kes kakwanis naka ekileŋ, ka ituŋa kere luajaas tomake, kwape ajaatar kere nueswamakinit Libuna.
33 #
Yos 16:3,10; Tub 1:29; 1 Ika 9:16,17; 1 Siit 20:4. Kobu Koram ekabaka loka Geser aiŋarakin Lakis; kodany Yosua ŋes ka iketuŋa, aitodol neamamuunor yenedeikina ŋes.
34Konyou Yosua koLakis, ka Isirael kere nepepe kaŋes, kitor Egilon; kidukuroto asurokin kes, kitijioto kes; 35Kirumata ere kapaaran kaŋin, kodanyata kes kakwanis naka ekileŋ, komudia cut kapaaran kaŋin ituŋa kere luajaas toma, kwape ajaatar kere nueswamakinit Lakis.
36 #
Mar 13:22; Yos 14:13; 15:13; Tub 1:10; 2 Sam 5:1,4. Konyou Yosua koEgilon, ka Isirael kere nepepe kaŋes, kitor Keburon, kitijioto kes: 37Kirumata ere, kodanyata kes kakwanis naka ekileŋ, ka: ekabakakee, ka ireriakee kere, ka ituŋa kere luajaas toma; komam ideuni idio, kwape ajaatar kere nueswamakinit Egilon; konye abu komudia eut ere, ka ituŋa kere luajaas toma.
38 #
Yos 15:15; 21:15; Tub 1:11,15. Koboŋo Yosua, ka Isirael kere nepepe kaŋes Debir; kitiji kes: 39Kirum ere ka ekabakake, ka ireriake kere; kodanyata kes kakwanis naka ekileŋ, komudiasi eut ituŋa kere luajaas toma; komam ideuni idio da: kwape eswamakinia Keburon, abu kiswamak kwaŋin Debir, ka ekabakake; kwape eswamakinia Libuna ka ekabakake.
40 #
Yos 15:21-63; 19:1-8; Any 23:31-33; 34:12; Ikis 7:2; 20:16,17. Kwaŋin kodany Yosua luka akwap kere, luka akwap nakiukon, ka Eŋalakimak, ka apuutona, ka neijululue, ka ikabakanakec kere; komam ideuni idio da: konye komudia cut kere lueyenas, kwape ecorakinitor EJAKAIT, Edeke loka Isirael. 41#Mar 13:17,26; 32:8; Age 10:19; Ikis 2:23; Tub 16:1; Amo 1:6; Sep 2:4; Sek 9:5; Asw 8:26; Yos 11:16. Kodany Yosua kes anyoun koKades-barunea kiton Gasa, ka akwap kere naka Gosen, kiton Gibeon. 42#Sab 44:2; 80:8; Isa 43:4. Kimoria Yosua airum ikabakan nul kere ka akeeekwap, naarai ajiikinit EJAKAIT, Edeke loka Isirael, Isirael. 43Koboŋ Yosua, ka Isirael kere nepepe kaŋes, oidukurun Giligal.
Currently Selected:
Yosua 10: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
