Yosua 11

1 # Tub 4:2; Sab 2:1,2; 83:1-18; Yos 10:3; 19:15. Kosodi kanen, kepupu Yabin ekabaka loka Kasor nun, kijukak Yobab ekabaka loka Madon, ka ekabaka loka Simuron, ka ekabaka loka Akisap, 2#Mar 34:11; Yos 17:11; Tub 1:27; 1 Ika 4:11. Ka ikabakan luajaas ari naka agolitomei, akwap nakiukon, ka Araba ari naka eŋalakimak naka Kinerot, ka apuutona, ka amukuran nuka Dor kari nakoto, 3#Tub 3:3; Yos 13:11; Age 31:49; Tub 20:1; 21:5,8; 1 Sam 10:17; 1 Ika 15:22. Mama ejai Ekanaanit loejai ari nakokide ka nakoto, ka Emorait, ka Ekitit, ka Eperisit, ka Eyebusit kakwap nakiukon, ka Ekibit kwap ka Kerumon kakwap naka Misipa. 4#Age 22:17; 32:12; Tub 7:12; 1 Sam 13:5. Kolomasi kesi ka ajoresiokee kere nepepe kakes, ituŋa luipu, aipuesukee kwape kasine naejai ariri naka aŋolol, koiaas kibalasin ka agalin nuipu noi. 5Kiriamunos ikabakan nul kere; kopotu kidukuroto nepepe ariri naka akipi nuka Merom, aitiji Isirael.

6Kotema EJAKAIT Yosua atiar, “Sirikikurianar kes: naarai moi kosawa kala eiaikini kes aario kakonyen nuka Isirael: itanwali ibalasinikee, iewei agalinikec.” 7Kitiut kesi ebuni Yosua ka ituŋa kere lukaiiok nepepe kaŋes, asurokin kes kariri naka akipi nuka Merom, kitiji Isirael kes. 8Kijaik EJAKAIT kes akan naka Isirael, kodanyata kes, kodapata kes kiton Sidon lokapolon, kiton Miserepot-maim, kiton aditot naka Misipe kari nakokide; kodanyata kes, aitodol neamamuunor idio da yenedeikinitai kes. 9Kiswamak Yosua kes kwape kieorakinia EJAKAIT ŋes: abu kitanwal ibalasinikec, kiewe da agalinikec,

10Kobono Yosua kapak kaŋin, kirum Kasor, koar ekabakake kekileŋ: naarai Kasor lem apolokinit ajakanuto nun kere. 11Kodanyata ituŋa kere luajaas toma kakwanis naka ekileŋ, komudiasi kes cut: amamei yeneyena yenedeunitai: kiewe Kasor kakim. 12#Mar 33:52; Ikis 7:2; 20:16,17. Abu Yosua kirum ireria kere luka ikabakan kanul, ka ikabakanakec kere, kodany kes kakwanis naka ekileŋ, komudia kes cut; kwape ecorakinitor Musa ekeiaanakinan loka EJAKAIT. 13Konye ireria luadukokinitai otutiokec, mam Isirael abu kicwe edio kakesi, dimarai Kasor bon; ŋes abu Yosua kicwe. 14Apotu idwe luka lsirael koyanaasi lunatuna koreria kanul, ka ibaren; konye apotu kesi koarata ninituŋanan kakwanis naka ekileŋ, aitodol neamudiariata kes, komam ideunete yeneyena kere. 15#Any 34:11; Ikis 7:2; Yos 1:7. Kwape ecorakinitor EJAKAIT Musa ekeiaanakinanike, abu Musa da kicorak Yosua kwaŋin: kiswama Yosua kwaŋin; mam abu kinyek adiokirot kakiro kere nueeorakinit EJAKAIT Musa.

16 # Yos 12:8; 10:41. Kirum do Yosua akwap nin kere, akwap nakiukon, ka Eŋalakimak kere, ka akwap kere naka Gosen, ka apuutona, ka Araba, ka akwap nakiukon naka Isirael, ka apuutona nuka akwap kaŋin; 17#Yos 12:7; Ikis 7:24. Ageun komoru Kalak, loedolit Seir, kiton Baal-gad kaditot naka Lebanon kwap kemoru Kerumon: koyana ikabakanakec kere, kodany kes eut. 18Kodau Yosua apak naepol itijiei ikabakan nul kere. 19#Yos 9:3,7. Amamei ere loabu kitutuk nukainapakin kidwe luka Isirael, dimarai Ikibin luibojete koGibeon: koyanaasi kere kojie. 20#Ikis 7:16; Any 4:21; Ikis 2:30; Tub 14:4; 1 Sam 2:25; 1 Ika 12:15; 22:20-23; Rom 9:18; Yak 1:13-17; Ikis 20:16. Naarai etogogoŋit EJAKAIT ikecetauon, aitiii Isirael, tetere emudiari kes cut, kinyeis adumun asianut, konye tetere emudiari kes, kwape ecorakinitor EJAKAIT Musa.

21 # Mar 13:22; Ikis 1:28; 2:21; Yos 15:13,14; Tub 1:10; Yer 3:23. Kobu Yosua kapak kaŋin, komudia Anakim kakwap nakiukon, koKeburon, koDebir, koAnab, kakwap kere nakiukon naka Yuda, kakwap kere da nakiukon naka Isirael; abu Yosua komudia kes eut ka ireriakec, 22#1 Sam 17:4; Yos 15:46. Amamei edio luka Anakim loedeunitai kakwap naka idwe luka Isirael; konye edeuna ice koGasa, koGat da ka Asudod. 23#Mar 34:2; 26:53; Yos 14:15; 21:44; 23:1. Kwaŋin kirum Yosua akwap kere, kwape ajaatar kere nuabu EJAKAIT kolimok Musa; abu Yosua koinak Isirael akwap araun airumet kwape atiakanakinitere kes katekerinikec, Kiyenu akwap ejie.

Currently Selected:

Yosua 11: AOV1961

Highlight

Copy

Compare