Yosua 9

1 # Mar 34:6; Age 15:18,21; Any 3:17; 23:23; Ikis 7:1. Kosodi kanen kepuput ikabakan kere luajaas okekwa loka Yorodan, akwap naka iukon, akwap naka apuutona, ka ariri kere naka aŋolol nakapolon kinaren naka Lebanon, Ekitit, ka Emorait, ka Ekanaanit, ka Eperisit, ka Ekibit, ka Eyebusit; 2#1 Siit 20:1; Sab 2:1,2; 83:3,5; Awa 11:21; Isa 8:9-12; Yok 3:9-12; Asw 4:26-28. Kotukonokinos aitiii Yosua ka Isirael ketau ediopet.

3 # Yos 10:2; 2 Sam 21:1,2; Yos 6:27. Konye kepuputu lueboienenete koGibeon nuabu Yosua kiswamak Yeriko ka Ai, 4#Yob 32:19; Mat 9:17; Luk 5:37,38. Kiswamata kesi da kapirianut, koloto kijoseikis bala araas ikiyakia, koyaŋaasi ipukoi lumoion kasigirianakee, ka imukulen luka ebino, lumoion ka lueeilieila luedonyodonyo; 5Ka amuk numoion nuepedepedo kakejekee, konapitos inapen lumojon; inyamat kere da luajaatar aokito kirourounito. 6#Yos 5:10. Koloto neajai Yosua Giligal oidukurun, kotemasi ŋes ka ituŋa luka Isirael atiar, “Kiponi isio kakwap naelwana: asa kitutukoto do yesi kasio.” 7#Any 23:32; 34:12; Ikis 7:2; Yos 11:19; Tub 2:2. Kotemasi ituŋa luka Isirael Ikibin atiar, “Musiki eapie bukus kasio; kikwaikini isio ai kitutuki kayes?” 8#Ikis 20:11; 2 Ika 10:5. Kotemasi Yosua atiar, “Kirai isio ikonikejaanakinak.” Kotema Yosua kes atiar, “Lukanai yesi? Ido lali bo kiponiata?” 9#Ikis 20:15; Any 15:14; Yos 2:10. Kotemasi ŋes atiar, “Apote ikonikejaanakinak kakwap naelwana noi kanuka ekiror loka EJAKAIT Ekonideke: naarai kipupu eemutuke, kanun kere nuabu ŋesi kiswama koMisiri, 10#Mar 21:21-35. Kere da nuabu ŋesi kiswamak ikabakan iarei luka Imorain, luajaas okekwa loka Yorodan, Sikon ekabaka loka Kesibon, ka Og ekabaka loka Basan loajai Asitarot. 11Apotu imakiokosi kere ka luibojete kere kakwapukosi kotemasi sio atiar,, Koyaŋaasi inyamat luka erot, koloto airiamun kakes, kolimokis kes ebe, “Kirai isio ikonikejaanakinak: asa kitutukoto kasio.’ ” 12Kiyanauni isio inyamatakosi lu komwaka kotogoikosi kapaaran nakilomunia aponare mamakus; konye kwana, koany, aokoto, erourooto da: 13Ka imukulen lu luka ebino luapotu kelelebata, etetiak; ido koany, eeilieila: amoionata ikosinapen lu ka akosimuk kanuka alosit naelwana noi.” 14#Mar 27:21; Tub 1:1; 1 Sam 22:10; 23:10,11; 30:8; 2 Sam 2:1; 5:19; Isa 30:1,2. Kijaut ituŋa inyamatakec, komam initunito akirot kama ejai EJAKAIT, 15#2 Sam 21:2. Kisumun Yosua kes ainapakin, kitutuk kakes, aitaiar kes: kiyapoikis ikapolok luka ekodet kes.

16Kosodi kanen ketuboros apaarasia auni kedaut kesi aitutuk kakes, apotu kesi kopuput ebe eraas nul iidunyetakee, ebe da eapie bukee kakes. 17#Yos 18:25; Esr 2:25. Kolototo idwe luka Isirael, kodoloto oreriakee apaaran nakiwuniet. Ireriakec kes lu, Gibeon, ka Cepira, ka Beerot, ka Kiriat-yearim, 18#Sab 15:4. Mam apotu idwe luka Isirael kodanyata kes, naarai apotu ikapolok luka ekodet kiyapoikis kes kolimito EJAKAIT, Edeke loka Isirael. Kirurumak ekodet kere ikapolok. 19Konye kotemasi ikapolok kere ekodet kere ebe, “Kipou keyapoikis kes kalimito EJAKAIT, Edeke loka Isirael: kanuka ŋun mam kipedori atiror kes. 20#2 Sam 21:1; Esk 17:13-18; Sek 5:3,4; Mal 3:5. Kiswamakini kes nu, ketajarata kes; kinyek anyunyura abunokin oni, kanuka aiyaposit nakipou keyapoikis kes.” 21#Ikis 29:11. Kotemasi ikapolok kes atiar, “Ketaiarata kes:” kwaŋin koraunos ikebetak akito ka ikeritok akipi nuka ekodet kere; kwape alimokinitotor ikapolok kes.

22Konyarau Yosua kes kotema kes atiar, “Kanukinyo kimodiata sio ebe, ‘Kilwaka noi kamakus;’ kwabo kiapiete kasio? 23#Age 9:25. Aso kanuka nin kikeni yes, mam iswakete araun ibulesin, ikebetak akito ka ikeritok akipi nuka etogo loka Ekadeke.” 24#Any 23:32; Mar 33:51-56; Ikis 7:1,2; 20:15-17; Any 15:14. Kobonokis Yosua ebe, “Naarai aponi kolimokinai eut ikonikejaanakinak kwape ecorakinitor EJAKAIT Ekonideke ekekejaanakinan Musa ainakin yes akwap kere, ka amudiar kere luibojete kakwap kakonyenekus; kanuka nun kipou kakuriakata noi kanuka aijarakosi kanukus, ŋes kiswamaa akirot nin. 25#Age 16:6. Aso koany, kijaa akanikon: kiswamakinai sio nuitojokit ijo nuedolit jo aiswamakin sio.” 26Kiswamak ŋesi kes kwaŋin, kolaku kes kakan naka idwe luka Isirael, mam apotu koara kes. 27#Ikis 12:5; 1 Ika 8:29; 9:7; 2 Siit 7:12,20; Sab 78:68. Kitarau Yosua kes kapaaran kaŋin ikebetak akito ka ikeritok akipi nuka ekodet, ka nuka etem loka EJAKAIT, kiton lolo, kaibois naeseuni ŋesi.

Currently Selected:

Yosua 9: AOV1961

Highlight

Copy

Compare