Popular Bible Verses from Yosua 10

Share

Kobwou akoloŋ, kosalak elap, Aitodol naenyania ateker kama ejaas lukasurupokee. Mere iwadikatai nin oitabo loka Yasar? Kosalak akoloŋ kidin akuj, komam iwonyari alomar bala apaaran kere

Kosodi Yosua atemar EJAKAIT kapaaran naejaikinia EJAKAIT ŋes Imorain kakonyen nuka idwe luka Isirael; kotema kakonyen nuka Isirael atiar, “Akoloŋ, kobwou ijo koGibeon; Ijo da, Elap, kaditot naka Aiyalon.”

Ido amamei apaaran naaputos kaŋin apeŋo karaida ameun kaŋin, naapupunio EJAKAIT eporoto loka etuŋanan: naarai EJAKAIT ajiikinit Isirael.

Kotema EJAKAIT Yosua atiar, “Sirikikurianar kes: naarai ejaik kes akanikon; mam ediotuŋanan kakesi kibwoikini jo.”

Kotema Yosua kes atiar, “Sirikikuriakata, karaida aiyaloŋoŋ; kicata, kotitinioros: naarai iswamakini EJAKAIT kwaŋin lukasurupokus kere Iuitijiete yesi,”