ဖံးလံးပံၤ 2
2
ခရၱာ်အတဲၤဆးလၤအန့ၤကၱာ် အတဲၤဓဳၤတဲၤမူၤ
1သံတဲၤအီၣ်သမိ ဒဳခရၱာ်အပူၤ မၱာ်တဲၤဒဳ အအံာ်သံတဲၤခဳးတဲၤအါ, ကၱာ်စတဲၤဘဲာ်လီၢ်မဲၤ မီၤထာ်က့ၤသံလီၤ. သံမဲၤသီၣ်သံန့ၤကၱာ်ကဘၱာ် စဲာ်အသး, ကၱာ်သံအီၣ်အံာ်တဲၤသးခီၣ်ဝဲၤ, တဲၤ သးအီၣ်မဲၤဇဳၤပၠၤတပွဲၤကၱာ်တပွဲၤလီၤ. 2ဒဳတဲၤ နဳၤအခဳးအစဲ, ယသကါထာ်သံစာ်ဘိထဲၢ် သံကမဲၤသးကနၢ်အံာ်သ့ပွ့ၤသၱးလၱပီၢ်ယဲၤ ဒဳသံတဲၤ ကမဳၤကမၢ်ယၢ်သိးသိး, တဲၤဘဲာ်လီၢ်ယၢ်သိး သိး, အီၣ်ကၱာ်တဲၤသးတမဲလီၤကၱာ် တဲၤပဲၢ်လၤ သးတမဳၤလီၤနဳၤ. 3ဒဳသံတဲၤသးအဲးနံၤ သံနံၤခံ တဲၤတမဳၤမဳၤမၱာ် ဝၱၤ, တဲၤပဲၢ်ဓဳၤအန့ၤအနံၤခံမၱာ် ဝၱၤ, မဲၤပီၢ်မဲးတမံ မဲး, မၱာ်ဆးလၤပီၢ်သံန့ၤတပွဲၤ ကၱာ်တပွဲၤအလဲၢ်, ကၱာ်အီၣ်အံာ်ပီၢ်တဲၤကမဳၤ ကမၢ်ထဲၢ်ပၠၤအလဝ့ၤ တစီာ်မၱာ်ပၠၤအအဲးဒဳၣ်လံ သံ နဳၤ. 4သံတပွဲၤကၱာ်တပွဲၤ စာ်ပီၢ်တဲၤပၠၤနံၤ ခံ, စာ်ပီၢ်မဲးထ့သံနၤခံလီၤမဲး. 5သံတဲၤပဲၢ်သဳးပဲၢ်သးကမၱာ်ဘဲာ်အစာ်ဘိ အအီၣ်ယ့ၣ်ရှူးခရၱာ် အီၣ်တမဳၤနဳၤ.
6စအီၣ်အံာ် ကဘၱာ်စဲာ်အဟိအယီၤ အသဲာ်ယိ,
နီၣ်သီနှီနူၤ, စတကမဳၤဒဳအကဖၱးဆိးဖၱးမှးတဲၤအီၣ်ယၢ်သိး ကၱာ်ကဘၱာ်စဲာ်နီး.
7မၱမၱာ်တခီ, ဒဳစတဲၤသးဆိးဒဲစအဲ အပူၤ,
စဝှ့ဖျီးမံကဲ စတဲၤလဳစါစဲး,
ကၱာ်ဖၱးထာ်ကဲၤဇိၤပွဲၤအဟိအယီၤလီၤ.
စကဲာ်ထာ်ကဲၤပၠၤတပွဲၤ
ကၱာ်စဒဲလၱၢ်ထာ်ကဲၤစန့ၤ အစာ်ဘိ ပၠၤ အခီနဳၤ.
8စဆးလၤစန့ၤ ကၱာ်လိၤကိာ် တဲၤဆီးခ့န့း အကျဲးထိဓဳၤဒဳ တဲၤသံ,
စတဲၤသံမၱာ်ကဲၤဒဳ သဳာ်ပျီၤထူၣ်စူညါအလီၤ.
9ဒဳတဲၤနဳၤအခဳးအစဲ, ကဘၱာ်စဲာ် ပဲၢ်ထာ်ထိစဲာ်ဒဳတဲၤလ့ၤအထာ်ယၱၤကဓူၤ,
ကၱာ်အံာ်ကဲၤစဲာ် မံၤတမဲ ထဲၢ်အဓဳၤဒဳၣ်လံမံၤအလဝ့ၤလဳစါစဲးနဳၤ.
10စာ်ဘိထဲၢ်ဒဳတဲၤပဲၢ်တီၤပဲၢ်သ့း ယ့ၣ်ရှူးအမံၤအပူၤနဳၤ,
ကယါမၱာ် ပၠၤအအီၣ်ဒဳမီၢ်ခဳး, ဒဳလၢ်ခဳး
ကၱာ်လၢ်ခဳးလဲၢ်တစီာ်ကချၱးလၤအခၣ်ခီး,
11ကၱာ်ပၠၤလဳစါစဲး ကဒီဆးကီ ယ့ၣ်ရှူးခရၱာ်မၱာ်ဘၱာ်စဲာ်,
ဒဳဝၤပာ်ကဘၱာ်စဲာ်အတီၤအသ့းအပူၤနဳၤ.
လှၱပီၢ်အစာ်ဘိလၢ်ခဳးအတဲၤလှၱ
12ဒဳတဲၤနဳၤအခဳးအစဲ, အဳအသီၣ်တစီာ်, ဘ့ယအီၣ်ကိာ်ဝ့ၤသံကါအခဲ သံဆီးခ့န့းယလ့ၢ် အခီနဳၤ, ခဳနူၤယဳၤဘ့ယအီၣ်ယၱၤကၱာ်သံအခဲနဳၤ, အယွံၢ်အမဳၤဒဳၣ်ချဳမၱာ်သံကဆီးခ့န့းဝ့ၤယလ့ၢ် လီၤ. ဝူၤသဲတဲၤပၤ မဲၤပီၢ်တဲၤဒဳတဲၤရှံးဆါ သးပဳၤ ကၱာ်တဲၤကနၢ်တဇၱၤအပူၤ ဒဳတဲၤမဲၤပ့ထာ် ဇီၤထာ် သံတဲၤယဳၤ က့ၤစာ်က့ၤအနံၤခံနဳၤ. 13မၤနဲၢ်, ကဘၱာ်စဲာ် မဲၤတဲၤဒဳ သံပူၤအသဲာ်ယိ စာ် ဘိ သံကသးအဲးဆီးခ့န့း မဲၤ ကိာ်ပီၢ်ကဘၱာ်စဲာ် အတဲၤဆးရှံအံာ်အနံၤခံနဳၤ.
14ဘ့သံဖၱးတဲၤမဲၤတဲၤတမဳၤလဲၢ်လဲၢ်နဳၤ, ကၠၱၢ်မိၤဆိအၱးကၱာ်ကအဳကယၢ်ပီၢ်မဲး. 15အနဳၤ တပျာ်, သံကကဲာ်ထာ် ပၠၤထဲၢ် အတဲၤကမဲာ် တအီၣ်နီးကၱာ်စါထံအစာ်ဘိကဘၱာ်စဲာ်အဖဳးထဲၢ် အပ့ထာ်ဇီၤထာ်တစီာ်, ထဲၢ်အအီၣ်သမိဒဳ ပၠၤအတတၱၢ်တမှးနီး, ကၱာ်အပ့ထာ်ဇီၤထာ်ကၱာ်တဲၤခီၣ် ဝဲၤခီၣ်ခးအလၢ်ခဳးပူၤနဳၤ. သံဘဲာ်အံာ်ထာ်တဲၤ လှၱဒဳစဲာ်တစီာ်အကျဲအစာ်ဘိဆဲၣ်တစီာ်လှၱထာ်နံၤ မီၢ်ခဳးအခီ, 16ဘ့သံဒီဆးစဲာ်တစီာ်တဲၤသမိ အဝၱၤအကဲနဳၤ. သံကမဲၤကနဳၤကဒီၣ်ဓဳၤဒဳၣ်, ဘ့ ခရၱာ်အမူၤနံၤနဳၤ ယကအီၣ်ကၱာ်တဲၤအဝၱၤအကဲ ဒဳတဲၤပဲၢ်ထာ်ယၱၤအံာ်ယန့ၤသံခဳးသံစဲ, မၱာ်သံမဲၤ တဲၤတစီာ်နဳၤကဒဲလၱၢ်စဲာ် ဒဳယတဲၤဝူၤသဲတဲၤပၤ ကၱာ်ယတဲၤမဲၤတစီာ်တကဲာ်ထာ်တပွဲး တဲၤအနှးနှါ နီးနဳၤ.
17ဘဲာ်တဘဲာ်နီး ယသးသမိအသွံၣ် ကလှီးလၤဘဲာ် အစာ်ဘိတဲၤလှူၣ်ထာ်အံာ် ဒဳသံတဲၤ ဘူၣ်တဲၤနဲၢ်ဒဲသံအဲ အတဲၤလှူၣ်ထာ် ဒဳကဘၱာ်စဲာ် အီၣ်နဳၤ. တဲၤကမဲၤအန့ၤကနဳၤဒဳၣ်, ယသးကနၢ် အံာ်ကၱာ် ယကပ့ၤလၤတပွဲးယတဲၤသးကနၢ်အံာ် အယဳၤပျဳာ်ပျဳာ်ကၱာ်သံကိအပွဲၤနဳၤ. 18စာ်ဘိကနဳၤ အခီ, သံမၱာ်မၱာ်သံမီၤသးကနၢ်အံာ်ကၱာ်ပ့ၤလၤ နံၤပီၢ်ယဲၤယဲၤ.
စီၤတံၤမသ့းကၱာ် စီၤအ့းပၤဖရီးဒံတူး
19အကဘဲာ်မၤကဘၱာ်စဲာ်အသးဒဳၣ်, ယမူၤလဲၢ်ဒဳ ယကသဲလ့ၤစီၤတံၤမသ့းသံအီၣ် ဒဳအပျါ, စာ်ဘိထဲၢ် ယကသၱာ်ဟဲဘဲာ် သံဝၱၤသံကဲအမီၤဒဳၣ်, အကမဲၤဆိးထာ်ပီၢ်ယသးအနံၤခံနဳၤ. 20စဲာ်မၱာ်ပၠၤထ့တပွဲၤထဲၢ်အတဲၤကမဳၤကမၢ် ယၢ်သိး ယဲၤကၱာ်အမဲၤအံာ်သ့ပွ့ၤသံနဳၤ. 21ပၠၤကိအပွဲၤ နဳၤမၱာ်ထ့အမဲၤတဲၤအန့ၤဘၱစဲာ်အနံၤခံ လီၤ. အတမဲၤယ့ၣ်ရှူးခရၱာ်အနံၤခံနီး. 22ကၱာ် သံန့ၤဘၱစဲာ် သဲန့ၤသၱာ်ဟဲတပွဲးစဲာ်မၱာ်ပၠၤအလၱၢ် ဓဳၤပွၱၤသဲ တပွဲၤ, ကၱာ်စဲာ်ကၱာ်ယဲၤမၱာ်အစာ်ဘိ သဲဖဳးပာ်အခီနဳၤ, ဝၤမဲၤ ယံၢ်ပျဳာ်လၢ်ဝၤတဲၤဒဳ တဲၤသးလဳၢ်သးလၤ အံာ်အဝၱၤအကဲ အတဲၤဓဳၤ ထာ်ထိထာ်အနံၤခံစာ်တဲၢ်နဳၤ. 23ဒဳတဲၤနဳၤ အခဳးအစဲ ယမူၤလဲၢ်ဒဳ ယကသဲလ့ၤစဲာ်ဒဳသံအီၣ် တပျာ်ခါ ဘ့ယသၱာ်ဟဲ တဲၤကမဲၤအန့ၤကၱာ်ယဲၤ စာ်တဲၢ်နဳၤ. 24ကၱာ် ယဘူၣ် ဒဳကဘၱာ်စဲာ်အပူၤ နဳၤ, တအီၣ်ယၱၢ်နီး ယန့ၤဘၱစဲာ်သဲန့ၤ ယကလ့ၤ ထၱး ဇၤတပွဲးသံဒဳအပျါနဳၤ.
25ယကမဳၤမၱာ်ယကသဲလ့ၤ စီၤအ့းပၤဖရီး ဒံတူးထဲၢ်အမဲၤယံၢ်ပျဳာ်ယဲၤတဲၤ, ဒဳးပျဳာ်ကဲၤယဲၤ ကၱာ်အမၱာ်ကဲၤသံပျိၤအမဲၤဇဳၤယဲၤတပွဲၤဒဳသံအီၣ်နဳၤ. 26စသးအဲးစာ်ထၱးသံကိအပွဲၤ, ကၱာ်စသးတမီၤနီးဒဳ သံသၱာ်ဟဲကဲၤစတအီၣ်မိၢ်အီၣ်မှးနီးအစဲ နဳၤ. 27စတမှးနီးသ့ပွ့ၤသၱးလၱဒဳး, ထိကၱာ်စသး မီသံကဲၤနဳၤ. ပရၤဆါဒဳၣ်ကဘၱာ်စဲာ်သးခီၣ်ဝဲၤဝ့ၤ စဲာ်, ကၱာ်တဘဲာ်ထ့စဲာ်လီၤနီး, စသးခီၣ်ဝဲၤဝ့ၤ တပွဲးယဲၤယဲၤ, ကၱာ်ဘးလှိထာ်ယဲၤဒဳတဲၤသး တမီၤ နီးအဇၱၢ်ဒဳၣ်လံကၱာ်အနဳၤ. 28ဒဳတဲၤနဳၤအခဳး အစဲ, ယသးဆိးဒဳၣ်ချဳ အကသဲလ့ၤစဲာ်ဒဳသံအီၣ်, စာ်ဘိထဲၢ် သံမၱာ်စာ်ထၱးဘဲာ်စဲာ်နဳၤ သံကသး ကနၢ်အံာ်ပီၢ်, ကၱာ်ယဲၤသဲန့ၤအတဲၤသးအဳးကလှဲ မဲၢ်ကဲပီၢ်အနံၤခံ နဳၤ. 29မဲၤကနဳၤဒဳၣ်, လဲၤခး ပီၢ်စဲာ်ဒဳတဲၤသးလဳၢ်သးလၤအပူၤ, အစာ်ဘိသဲပူၤ ဝ့ၤဒဳကဘၱာ်စဲာ်အပူၤနဳၤ. ဒဲလၱၢ်ထာ်ပီၢ် သံတဲၤဒဳ တဲၤယးဒဳပၠၤကိအပွဲၤအစာ်ဘိစဲာ်တစီာ်နဳၤ. 30မၤနဲၢ်ကဒီၣ်ဓဳၤဒဳၣ်, ဒဳခရၱာ်အတဲၤဖၱးတဲၤမဲၤအပူၤ နဳၤ, စမဲၤဇဳၤယဲၤထိ ကၱာ်စကသံအနံၤခံဘဲာ်ဝ့ၤတကၱာ်ပ့ၤလီၤ, ကၱာ်စမဲၤကဲၤတဲၤထဲၢ်သံတမဲၤနံၤဇၤ ယဲၤနီးတစီာ်နဳၤလီၤ.
Currently Selected:
ဖံးလံးပံၤ 2: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
