Popular Bible Verses from ဖံးလံးပံၤ 2

Share

ဒဳ​သံ​တဲၤ​သး​အဲး​နံၤ သံ​နံၤ​ခံ တဲၤ​တ​မဳၤ​မဳၤ​မၱာ် ဝၱၤ, တဲၤ​ပဲၢ်​ဓဳၤ​အ​န့ၤ​အ​နံၤ​ခံ​မၱာ် ဝၱၤ, မဲၤ​ပီၢ်​မဲး​တ​မံ မဲး, မၱာ်​ဆး​လၤ​ပီၢ်​သံ​န့ၤ​တ​ပွဲၤ ကၱာ်​တ​ပွဲၤ​အ​လဲၢ်, ကၱာ်​အီၣ်​အံာ်​ပီၢ်​တဲၤ​က​မဳၤ က​မၢ်​ထဲၢ်​ပၠၤ​အ​လ​ဝ့ၤ တ​စီာ်​မၱာ်​ပၠၤ​အ​အဲး​ဒဳၣ်​လံ သံ နဳၤ. သံ​တ​ပွဲၤ​ကၱာ်​တ​ပွဲၤ စာ်​ပီၢ်​တဲၤ​ပၠၤ​နံၤ ခံ, စာ်​ပီၢ်​မဲး​ထ့​သံ​နၤ​ခံ​လီၤ​မဲး.

သံ​တဲၤ​ပဲၢ်​သဳး​ပဲၢ်​သး​က​မၱာ်​ဘဲာ်​အ​စာ်​ဘိ အ​အီၣ်​ယ့ၣ်​ရှူး​ခ​ရၱာ် အီၣ်​တ​မဳၤ​နဳၤ.

စ​အီၣ်​အံာ် က​ဘၱာ်​စဲာ်​အ​ဟိ​အ​ယီၤ အ​သဲာ်​ယိ, နီၣ်​သီ​နှီ​နူၤ, စ​တ​က​မဳၤ​ဒဳ​အ​က​ဖၱး​ဆိး​ဖၱး​မှး​တဲၤ​အီၣ်​ယၢ်​သိး ကၱာ်​က​ဘၱာ်​စဲာ်​နီး. မၱ​မၱာ်​တ​ခီ, ဒဳ​စ​တဲၤ​သး​ဆိး​ဒဲ​စ​အဲ အ​ပူၤ, စ​ဝှ့​ဖျီး​မံ​ကဲ စ​တဲၤ​လဳ​စါ​စဲး, ကၱာ်​ဖၱး​ထာ်​ကဲၤ​ဇိၤ​ပွဲၤ​အ​ဟိ​အ​ယီၤ​လီၤ. စ​ကဲာ်​ထာ်​ကဲၤ​ပၠၤ​တ​ပွဲၤ ကၱာ်​စ​ဒဲ​လၱၢ်​ထာ်​ကဲၤ​စ​န့ၤ အ​စာ်​ဘိ ပၠၤ အ​ခီ​နဳၤ. စ​ဆး​လၤ​စ​န့ၤ ကၱာ်​လိၤ​ကိာ် တဲၤ​ဆီး​ခ့​န့း အ​ကျဲး​ထိ​ဓဳၤ​ဒဳ တဲၤ​သံ, စ​တဲၤ​သံ​မၱာ်​ကဲၤ​ဒဳ သဳာ်​ပျီၤ​ထူၣ်​စူ​ညါ​အ​လီၤ.

မၤ​နဲၢ်, က​ဘၱာ်​စဲာ် မဲၤ​တဲၤ​ဒဳ သံ​ပူၤ​အ​သဲာ်​ယိ စာ် ဘိ သံ​က​သး​အဲး​ဆီး​ခ့​န့း မဲၤ ကိာ်​ပီၢ်​က​ဘၱာ်​စဲာ် အ​တဲၤ​ဆး​ရှံ​အံာ်​အ​နံၤ​ခံ​နဳၤ.

ဒဳ​တဲၤ​နဳၤ​အ​ခဳး​အ​စဲ, က​ဘၱာ်​စဲာ် ပဲၢ်​ထာ်​ထိ​စဲာ်​ဒဳ​တဲၤ​လ့ၤ​အ​ထာ်​ယၱၤ​က​ဓူၤ, ကၱာ်​အံာ်​ကဲၤ​စဲာ် မံၤ​တ​မဲ ထဲၢ်​အ​ဓဳၤ​ဒဳၣ်​လံ​မံၤ​အ​လ​ဝ့ၤ​လဳ​စါ​စဲး​နဳၤ. စာ်​ဘိ​ထဲၢ်​ဒဳ​တဲၤ​ပဲၢ်​တီၤ​ပဲၢ်​သ့း ယ့ၣ်​ရှူး​အ​မံၤ​အ​ပူၤ​နဳၤ, က​ယါ​မၱာ် ပၠၤ​အ​အီၣ်​ဒဳ​မီၢ်​ခဳး, ဒဳ​လၢ်​ခဳး ကၱာ်​လၢ်​ခဳး​လဲၢ်​တ​စီာ်​က​ချၱး​လၤ​အ​ခၣ်​ခီး, ကၱာ်​ပၠၤ​လဳ​စါ​စဲး က​ဒီ​ဆး​ကီ ယ့ၣ်​ရှူး​ခ​ရၱာ်​မၱာ်​ဘၱာ်​စဲာ်, ဒဳ​ဝၤ​ပာ်​က​ဘၱာ်​စဲာ်​အ​တီၤ​အ​သ့း​အ​ပူၤ​နဳၤ.

ဘ့​သံ​ဖၱး​တဲၤ​မဲၤ​တဲၤ​တ​မဳၤ​လဲၢ်​လဲၢ်​နဳၤ, ကၠၱၢ်​မိၤ​ဆိ​အၱး​ကၱာ်​က​အဳ​က​ယၢ်​ပီၢ်​မဲး. အ​နဳၤ တ​ပျာ်, သံ​က​ကဲာ်​ထာ် ပၠၤ​ထဲၢ် အ​တဲၤ​က​မဲာ် တ​အီၣ်​နီး​ကၱာ်​စါ​ထံ​အ​စာ်​ဘိ​က​ဘၱာ်​စဲာ်​အ​ဖဳး​ထဲၢ် အ​ပ့​ထာ်​ဇီၤ​ထာ်​တ​စီာ်, ထဲၢ်​အ​အီၣ်​သ​မိ​ဒဳ ပၠၤ​အ​တ​တၱၢ်​တ​မှး​နီး, ကၱာ်​အ​ပ့​ထာ်​ဇီၤ​ထာ်​ကၱာ်​တဲၤ​ခီၣ် ဝဲၤ​ခီၣ်​ခး​အ​လၢ်​ခဳး​ပူၤ​နဳၤ. သံ​ဘဲာ်​အံာ်​ထာ်​တဲၤ လှၱ​ဒဳ​စဲာ်​တ​စီာ်​အ​ကျဲ​အ​စာ်​ဘိ​ဆဲၣ်​တ​စီာ်​လှၱ​ထာ်​နံၤ မီၢ်​ခဳး​အ​ခီ

ဒဳ​တဲၤ​နဳၤ​အ​ခဳး​အ​စဲ, အဳ​အ​သီၣ်​တ​စီာ်, ဘ့​ယ​အီၣ်​ကိာ်​ဝ့ၤ​သံ​ကါ​အ​ခဲ သံ​ဆီး​ခ့​န့း​ယ​လ့ၢ် အ​ခီ​နဳၤ, ခဳ​နူၤ​ယဳၤ​ဘ့​ယ​အီၣ်​ယၱၤ​ကၱာ်​သံ​အ​ခဲ​နဳၤ, အ​ယွံၢ်​အ​မဳၤ​ဒဳၣ်​ချဳ​မၱာ်​သံ​က​ဆီး​ခ့​န့း​ဝ့ၤ​ယ​လ့ၢ် လီၤ. ဝူၤ​သဲ​တဲၤ​ပၤ မဲၤ​ပီၢ်​တဲၤ​ဒဳ​တဲၤ​ရှံး​ဆါ သး​ပဳၤ ကၱာ်​တဲၤ​က​နၢ်​တ​ဇၱၤ​အ​ပူၤ ဒဳ​တဲၤ​မဲၤ​ပ့​ထာ် ဇီၤ​ထာ် သံ​တဲၤ​ယဳၤ က့ၤ​စာ်​က့ၤ​အ​နံၤ​ခံ​နဳၤ.