ကလၤတံ 6
6
တဲၤခီၣ်ဝဲၤမှီးဘဲာ်ကၱာ်တဲၤထူးခဳးထူးအါ
1သဲပူၤဝ့ၤတစီာ်, ဒဳသံကျဲတပွဲၤပွဲၤကတမဲၤဘဲာ်အန့ၤနီၤဒဳၣ်, အမဲၤသဳးသးအတဲၤမဲၤတပွဲၤပွဲၤကသးအဲးမဲၤတနၢ်က့ၤစတဲၤအီၣ်ဒဳၣ်, စကမဲၤဘဲာ်ဒဳတဲၤသဳးဘၱာ်သးယူၢ်အပူၤနဳၤ. ကၱာ်စာ်အံာ် ဝဳၢ်အံာ်လၤက့ၤသံန့ၤစာ်ဘိထဲၢ်သံတဘဲာ်ပီၢ်တဲၤနှးကါနီးနဳၤ. 2သံကဘံာ်ဇဳၤဘဲာ်လၢ်ဝၤအတဲၤပၤတဲၤဆဲကၱာ်မဲၤကိာ်ပ့ထာ်ခရၱာ်အတဲၤမှဲးလၤနဳၤ. 3ပၠၤအတဝၤန့ၤပါန့ၤနီးတပွဲၤပွဲၤမၱာ်ကမဳၤလၤအန့ၤအယူၢ်အမွ့ၤဒဳၣ်စဲာ်မၱာ်ပၠၤအလှီးပျဲာ်လၤက့ၤအန့ၤလီၤ. 4သံတပွဲၤတပွဲၤလၤဓူၢ် ကမဳၤလၤက့ၤဒီဧဲၤသံတဲၤကမ့ၤအ့းလိၤ, သံကပးထၱးဘ့ာ်မ့တဲၤအမီၤပဲၢ်ထာ်ယၱၤအန့ၤဒဳၣ်, အက မၱာ်ပီၢ်သံသဲန့ၤအဲ, အတမၱာ်ပီၢ်တဲၤဒိးသီတြီၤအံာ် သံန့ၤကၱာ်သံခီတစီာ်အဲနီးနဳၤ. . 5မၤနဲၢ်, ပၠၤတပွဲၤကၱာ်တပွဲၤလၤဓူၢ်အတဲၤဘံာ်ကၱာ်အန့ၤအီၣ်တပွဲးလီၤ.
6ပၠၤတပွဲၤပွဲၤ ကနံၤဘဲာ်မၤခရၱာ်အ တဲၤသးလဳၢ်သးလၤအံာ်ဒဳပၠၤအီၣ်တပွဲၤပွဲၤဒဳၣ်, စမီၤအံာ်က့ၤစာ်က့ၤသဲာ်ယိအသိာ်အံာ်သီအံာ်တဲၤတစီာ်အစာ်ဘိတဲၤအီၣ်နံၤစဲာ်အသရ့နဳၤ.
7ကမဳၤမဲးပၠၤပျဲးလှူကဘၱာ်စဲာ်အဇၤတပွဲးနဳၤမဲး. ပၠၤဆ့းလၤထီးလၤအဓ့နဳၤစကဲာ်ဘဲာ်တပွဲး. 8စကဆဳးလၤပၢ်လၤဖ့းဟၱးအတဲၤမီၤအနံၤခံဒဳၣ်, စကကဲာ်ဘဲာ်တပွဲးတဲၤသဳတဲၤအၱာ်အဖီအသဲာ်. စကဆဳးလၤပၢ်လၤမၤဒဳသးစါထံအချီၣ်အ လဲၤအပူၤနဳၤဒဳၣ်, စကကဲာ်ဘဲာ်တပွဲးတဲၤအီၣ်အလၤထူလၤပျဳၤအဖီအသဲာ်. 9တဲၤဖၱးတဲၤမဲၤ အ ဝၱၤအဘဲာ်အနံၤခံနဳၤဝၤတမီၤဆီတဘးနီး. မၤနဲၢ်ဒဳၣ်, အခၠၱးကဘဲာ်တပျာ် ဝၤကဖၱးနံၤပိာ်နံၤက့ၤကီ ဝၤတဲၤထူးခဳထူးအါအဖီအသဲာ်အခဳးအစဲနဳၤ. 10အခၠၱးဘဲာ်ပီၤဘဲာ်အသူသရ့, ဝၤကမဲၤဘဲာ်ပၠၤကိအပွဲၤအနံၤခံတဲၤအအဲး, ဒဳၣ်ချဳဝၤသဲပူၤဝ့ၤအနံၤဘဲာ်ပျဳာ်ဝၤတဲၤဘူၣ်တစီာ်နဳၤ.
တဲၤနှူဆဲးအကူဓူၤလါ
11မှါအံာ်ပီၢ်ထဲၢ်ယဝှ့းနံၤသံစဲာ်အကူဓူၤလါတမှိကၠံၢ်မှိ ဒဳစဲာ်ဒူဖျဳးဓဳၤအပူၤနဳၤ. 12ပၠၤအနှးဆိးသံကဖၱးနံၤတဲၤဟိရကၱအဖ့းခံတစီာ်မၱာ် အကမဳၤအနံၤခံလီၤ, ကၱာ်အကလှိထာ်ဘဲာ်တဲၤလိၤမဲၤဆဲးညဲခရၱာ်အသဳာ်ပျဳၤအနံၤခံတစီာ်နဳၤ. 13ပၠၤထဲၢ် အဖ့းခံဘဲာ်ဟိရကၱတစီာ်နှီနဳၤ, တလိၤကိာ်အစာ်ဘိတဲၤမှဲးလၤအီၣ်အဓ့နီး, မၱာ်စသးအဲးနံၤသံ ကခးတဲၤဟိရကၱဒဳ စတဲၤဖၱးဓဳၤဖၱးမူၤစန့ၤအနံၤခံနဳၤ. 14မၱာ်ယဲၤနဳၤ, ယဖၱးဓဳၤဖၱးမူၤမၱာ် ဝၤဘၱာ်စဲာ်ယ့ၣ်ရှူးခရၱာ်အသဳာ်ပျီၤထဲၢ်ဒဳစသဳာ်ပျီၤအခဳးအစဲ, လၢ်ခဳးတဘဲာ် ဘဲာ်ထးလၤကျဳၤယနံၤခံကၱာ်ယဘဲာ်ထးလၤကျဳၤလၢ်ခဳးအနံၤခံနဳၤ. 15ပၠၤတပွဲၤအဖ့းခံဘဲာ်ဟိရကၱမၱာ်ဝၱၤ, အတဘဲာ်ဟိရကၱနီးမၱာ်ဝၱၤ, အတဘဲာ်ခဲးတပွဲးနီး. အယူၢ်ဓဳၤမွ့ၤဓဳၤမၱာ်စကဖၱထာ်ပွဲၤသဲတပွဲၤလီၤ. 16ပၠၤထဲၢ်အလိၤ ကိာ်မဲၤကိာ်စတဲၤမှဲးလၤအယဳၤဒဳ စတဲၤအီၣ်သမိ အပူၤတစီာ်နဳၤ, တဲၤယံၢ်တဲၤဒွါကၱာ်တဲၤခီၣ်ဝဲၤမှီးဘဲာ်ကဘဲာ်ဒီဧဲၤစဲာ်ကၱာ်ကဘၱာ်စဲာ်အပၠၤခွံဖဳး လဳစါ စဲးနဳၤ.
17ယသးအဲးဒီၣ်အလ့ၤကါကဓူမၱာ် ယတသးအဲးနံၤပ့ၤတဲၤပၤတဲၤဆဲဒဳပၠၤအီၣ်တဗွဲနီး. မၤနဲၢ်ဒဳၣ်, တဲၤပူၤလ့ၤပူၤကျ့းအအီၣ်ယန့ၤဘၱစဲာ်အလီၤတစီာ်ဒဲလၱၢ်ထာ်ဒဳယမၱာ်ယ့ၣ်ရှူးခရၱာ်အဇိၤလီၤ.
18ယသဲပူၤဝ့ၤတစီာ်, ဝၤဘၱာ်စဲာ်ယ့ၣ်ရှူးခရၱာ်အလှူၣ်အတါကအီၣ်ကိာ်ဒီဧဲၤသံကါကိအပွဲၤ, အၤမ့ၣ်.
Currently Selected:
ကလၤတံ 6: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
