အ့ဖ့းစူး တဲၤဆူကူၢ်
တဲၤဆူကူၢ်
စီၤပီလူးဝှ့းစဲာ်ပရဳဒဳ အ့ဖ့းစူးဖဳးတစီာ်အီၣ် အအူဆူးကဓူမၱာ်အဘဲာ်ကၠး “ကဘၱာ်စဲာ်အတဲၤပြးနှဲးအကထူးပျဳာ်ဝၢ်ပျဳာ်ကယါတဲၤဘီာ်ထာ် လဲၢ်လၤကိအမဳၤ, တဲၤလဳစါစဲးထဲၢ်အအီၣ်ဒဳ မီၢ်ခဳးကၱာ်လၢ်ခဳး, ကၱာ်ခရၱာ်မၱာ်ပွဲၤအခဳးနဳၤ” (၁:၁၀). အမၱာ်ကိာ်တဲၤတၤမီၤကဘၱာ်စဲာ် အပၠၤခွံဖဳးတစီာ်စာ်ဘိထဲၢ်စဲာ်တစီာ် ကအီၣ်သမိ ဒဲလၱၢ်ထာ်ပီၢ် ကဘၱာ်စဲာ်အတဲၤပြးနှဲးအဓဳၤအမူၤ ထဲၢ်ပၠၤခွံဖဳးလဳစါစဲး ကအီၣ်ပျဳာ်ပျဳာ်တဓဲလီၤ ဒဳ ယ့ၣ်ခရၱာ်အပူၤနဳၤ.
ဒဳအ့ဖ့းစူးဖဳးအစဲာ်ပရဳအအူဆူးကဓူတကျၤနဳၤ, အဝှ့းစဲာ်တပွဲၤဒီဆး တဲၤကဲာ်ထာ်တဓဲလီၤဒဳစတဲၤ ယၱၢ်ဘဲာ်တတီၤအပူၤထဲၢ်ကဘၱာ်စဲာ် ရိၤထာ်ကဲၤစပၠၤခွံဖဳး, စဘါပျဲာ်ကဲၤလၢ်ဝၤတစီာ်အတဲၤ ခီၣ်ဝဲၤခီၣ်ခး ဒဳစဖဳးယ့ၣ်ရှူးခရၱာ်အခဳးအစဲ, ကၱာ်ကဘၱာ်စဲာ်အတဲၤအၣ်မါခးအံာ်ဓဳၤအယဳၤ ဘဲာ်တဲၤမဲၤမှ့းဒဳသးစါထံနဳၤ. ကၠံၢ်ကျၤတကျၤမၱာ် တဲၤဒီဆးအဖးစဲာ်အယဳၤတစီာ်ကဒဲလၱၢ်တဲၤပျဳာ် ပျဳာ်အနှဲးတဓဲလီၤဒဳယ့ၣ်ရှူးခရၱာ်အပူၤနဳၤ.
တဲၤဒီဆးတဲၤအဒိအီၣ်အဲမဳၤဘဲာ်ဆီးသဳအံာ် ဒဳ အကဒဲလၱၢ်ထာ်တဲၤအီၣ်ပျဳာ်ပျဳာ်တဓဲလီၤဒဳယ့ၣ်ရှူး ခရၱာ်, တဲၤအီၣ်ပျဳာ်မၱာ်အစာ်ဘိတဲၤန့ၤဘၱစဲာ်, ပျဳာ် ပျဳာ်ကၱာ်ခရၱာ်အစာ်ဘိတဲၤ အကဳာ်, မၱတမၱာ်နီး အစာ်ဘိ တဲၤဘီာ်ထာ်တဒဳ, ထဲၢ်အကါဒီမၱာ်လဳၤ အကါဒီ, မၱတမၱာ်နီးအစာ်ဘိမှဲ, ထဲၢ်အဝၤမၱာ် ခရၱာ်နဳၤ. စဲာ်ပရဳတဘဲာ်ယဳၤဒဲလၱၢ်တဲၤတၱၢ်တဲၤမှး အီၣ်အဲးထာ်တရ့ၤတရ့ၤ အစာ်ဘိအဝှ့းစဲာ်တပွဲၤ အသးဘဲာ်ထဳးကျ့ၤကျၢ်အဓ့ဒဳတဲၤကမဳၤထာ်နံၤ ကဘၱာ်စဲာ်အလှူၣ်အတါဒဳယ့ၣ်ရှူးခရၱာ်အပူၤနဳၤ. တဲၤလဳစါစဲး ဘဲာ်စာ်ထၱးဒဳခရၱာ်အတဲၤဘဲာ်လီၢ် အတဲၤလှၱ, တဲၤလှူၣ်ထာ်အန့ၤဘၱစဲာ်, တဲၤခီၣ်ဝဲၤ အတဲၤဘးလှိ, အလှူၣ်အတါ, ကၱာ်အတဲၤဝၱၤတဲၤစါအပူၤနဳၤ.
တဲၤဝၱၤတဲၤကဲအကျဳၤပူၤ
တဲၤဆူကူၢ် (၁:၁-၂)
ခရၱာ်ကၱာ်တဲၤအီၣ်ပျဳာ် (၁:၃—၃:၂၁)
တဲၤသမိအသဲဒဳခရၱာ်အပူၤ (၄:၁—၆:၂၀)
တဲၤဘီဘံာ် (၄:၁—၆:၂၀)
Currently Selected:
အ့ဖ့းစူး တဲၤဆူကူၢ်: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.