Popular Bible Verses from ကလၤတံ 6

Share

တဲၤ​ဖၱး​တဲၤ​မဲၤ အ ဝၱၤ​အ​ဘဲာ်​အ​နံၤ​ခံ​နဳၤ​ဝၤ​တ​မီၤ​ဆီ​တ​ဘး​နီး. မၤ​နဲၢ်​ဒဳၣ်, အ​ခၠၱး​က​ဘဲာ်​တ​ပျာ် ဝၤ​က​ဖၱး​နံၤ​ပိာ်​နံၤ​က့ၤ​ကီ ဝၤ​တဲၤ​ထူး​ခဳ​ထူး​အါ​အ​ဖီ​အ​သဲာ်​အ​ခဳး​အ​စဲ​နဳၤ.

အ​ခၠၱး​ဘဲာ်​ပီၤ​ဘဲာ်​အ​သူ​သ​ရ့, ဝၤ​က​မဲၤ​ဘဲာ်​ပၠၤ​ကိ​အ​ပွဲၤ​အ​နံၤ​ခံ​တဲၤ​အ​အဲး, ဒဳၣ်​ချဳ​ဝၤ​သဲ​ပူၤ​ဝ့ၤ​အ​နံၤ​ဘဲာ်​ပျဳာ်​ဝၤ​တဲၤ​ဘူၣ်​တ​စီာ်​နဳၤ.

သံ​က​ဘံာ်​ဇဳၤ​ဘဲာ်​လၢ်​ဝၤ​အ​တဲၤ​ပၤ​တဲၤ​ဆဲ​ကၱာ်​မဲၤ​ကိာ်​ပ့​ထာ်​ခ​ရၱာ်​အ​တဲၤ​မှဲး​လၤ​နဳၤ.

က​မဳၤ​မဲး​ပၠၤ​ပျဲး​လှူ​က​ဘၱာ်​စဲာ်​အ​ဇၤ​တ​ပွဲး​နဳၤ​မဲး. ပၠၤ​ဆ့း​လၤ​ထီး​လၤ​အ​ဓ့​နဳၤ​စ​ကဲာ်​ဘဲာ်​တ​ပွဲး.

စ​က​ဆဳး​လၤ​ပၢ်​လၤ​ဖ့း​ဟၱး​အ​တဲၤ​မီၤ​အ​နံၤ​ခံ​ဒဳၣ်, စ​က​ကဲာ်​ဘဲာ်​တ​ပွဲး​တဲၤ​သဳ​တဲၤ​အၱာ်​အ​ဖီ​အ​သဲာ်. စ​က​ဆဳး​လၤ​ပၢ်​လၤ​မၤ​ဒဳ​သး​စါ​ထံ​အ​ချီၣ်​အ လဲၤ​အ​ပူၤ​နဳၤ​ဒဳၣ်, စ​က​ကဲာ်​ဘဲာ်​တ​ပွဲး​တဲၤ​အီၣ်​အ​လၤ​ထူ​လၤ​ပျဳၤ​အ​ဖီ​အ​သဲာ်.

သဲ​ပူၤ​ဝ့ၤ​တ​စီာ်, ဒဳ​သံ​ကျဲ​တ​ပွဲၤ​ပွဲၤ​က​တ​မဲၤ​ဘဲာ်​အ​န့ၤ​နီၤ​ဒဳၣ်, အ​မဲၤ​သဳး​သး​အ​တဲၤ​မဲၤ​တ​ပွဲၤ​ပွဲၤ​က​သး​အဲး​မဲၤ​တ​နၢ်​က့ၤ​စ​တဲၤ​အီၣ်​ဒဳၣ်, စ​က​မဲၤ​ဘဲာ်​ဒဳ​တဲၤ​သဳး​ဘၱာ်​သး​ယူၢ်​အ​ပူၤ​နဳၤ. ကၱာ်​စာ်​အံာ် ဝဳၢ်​အံာ်​လၤ​က့ၤ​သံ​န့ၤ​စာ်​ဘိ​ထဲၢ်​သံ​တ​ဘဲာ်​ပီၢ်​တဲၤ​နှး​ကါ​နီး​နဳၤ.

ပၠၤ​အ​တ​ဝၤ​န့ၤ​ပါ​န့ၤ​နီး​တ​ပွဲၤ​ပွဲၤ​မၱာ်​က​မဳၤ​လၤ​အ​န့ၤ​အ​ယူၢ်​အ​မွ့ၤ​ဒဳၣ်​စဲာ်​မၱာ်​ပၠၤ​အ​လှီး​ပျဲာ်​လၤ​က့ၤ​အ​န့ၤ​လီၤ. သံ​တ​ပွဲၤ​တ​ပွဲၤ​လၤ​ဓူၢ် က​မဳၤ​လၤ​က့ၤ​ဒီ​ဧဲၤ​သံ​တဲၤ​က​မ့ၤ​အ့း​လိၤ, သံ​က​ပး​ထၱး​ဘ့ာ်​မ့​တဲၤ​အ​မီၤ​ပဲၢ်​ထာ်​ယၱၤ​အ​န့ၤ​ဒဳၣ်, အ​က မၱာ်​ပီၢ်​သံ​သဲ​န့ၤ​အဲ, အ​တ​မၱာ်​ပီၢ်​တဲၤ​ဒိး​သီ​တြီၤ​အံာ် သံ​န့ၤ​ကၱာ်​သံ​ခီ​တ​စီာ်​အဲ​နီး​နဳၤ. . မၤ​နဲၢ်, ပၠၤ​တ​ပွဲၤ​ကၱာ်​တ​ပွဲၤ​လၤ​ဓူၢ်​အ​တဲၤ​ဘံာ်​ကၱာ်​အ​န့ၤ​အီၣ်​တ​ပွဲး​လီၤ.