အ့ဖ့းစူး 2
2
တဲၤထာ်ပဳၤက့ၤဒဳတဲၤသံ
1ကၱာ်ဒဳသံတဲၤတဆီးခ့န့းနီး ကၱာ်သံတဲၤ ခီၣ်ဝဲၤတစီာ်အခဳးအစဲ, ဒဳသးနဳၤသံမၱာ်ထဳအသံ လီၤ. 2ဘ့နဳၤအခၠၱး သံလိၤကိာ်ကဲၤလၢ်ခဳးအတဲၤကၱကဲာ်မဲၤလှီအကျဲးသအီအပူၤ, သံဆီးခ့န့း ကဲၤတဲၤရှံးတဲၤနှဲးထဲၢ်အအီၣ်မီၢ်ခဳးလဲၢ်တစီာ်အဘၱာ် စဲာ်ထဲၢ်အအူအံာ်ပၠၤအတဆီးခ့န့း ကဘၱာ်စဲာ်အလ့ၢ်နီးတစီာ်နဳၤ. 3အနှဲးနှဲးမၱာ်ဝၤကိအပွဲၤနဳၤ ဝၤမၱာ်အစာ်ဘိစဲာ်တစီာ်အခီကၱာ်ဝၤအီၣ်သမိကဲၤ ဘ့အဘဲာ်ဝၤသး, မဲၤကဲၤအစာ်ဘိဝၤနဲၤဘၱစဲာ် အတဲၤသးအဲးနံၤအီၣ် ကၱာ်ဝၤတဲၤကမဳၤကမၢ်သဲ ဝၤအဓ့နဳၤ. ဝၤမၱာ်ကဲၤအစာ်ဘိ လၢ်ခဳးဖဳးအလဝ့ၤ တစီာ်အခီ, ဘဲာ်ကၱာ်ဝၤကခးဘဲာ်ကဘၱာ်စဲာ်အတဲၤသဲးထဲးလီၤ.
4ပရၤဆါဒဳၣ်, ကဘၱာ်စဲာ်အတဲၤခီၣ်ဝဲၤမှီး ဘဲာ်အီၣ်အဲးကၱာ်စတဲၤဘဲာ်လီၢ်ဆိးကဲၤဝၤအခဳး အစဲ, 5ဘ့ဝၤမၱာ်အသံကဲၤဒဳသဳးသးအပူၤ ဒဳဝၤတဲၤခီၣ်ဝဲၤ ကၱာ်တဲၤတဆီးခ့န့းနီးအစဲ အခဲ နဳၤ, စမဲၤသမိထာ်က့ၤကဲၤဝၤပျဳာ်ပျဳာ်ကၱာ်ခရၱာ်လီၤ. သံဘဲာ်မဲၤလှိထာ်က့ၤဒဳကဘၱာ်စဲာ်အလှူၣ်အတါ အပူၤနဳၤ. 6ဝၤအီၣ်ဒဳခရၱာ်ယ့ၣ်ရှူးအပူၤနဳၤအစဲ, စဘးဝဲၢ်ထဳးသမိထာ်က့ၤဝၤ စာ်ဘိထဲၢ်ဝၤကဆး နါကၱာ်အူအံာ်ပျဳာ်ပီၢ်စဲာ်ဒဳမီၢ်ခဳးနဳၤ. 7ကဘၱာ်စဲာ် မဲၤတဲၤကယဳၤ မၱာ်စာ်ဘိထဲၢ် စကဒဲလၱၢ်ထာ်စိၤ အလ့ၤကါပၠၤလဳစါစဲးတစီာ်စလှူၣ်စတါထဲၢ်ကဒိးစာ် တလဳၢ်ဇၤနီး, စတဲၤဘဲာ်လီၢ်အဓဳၤအမူၤ ဒဳယ့ၣ်ရှူးခရၱာ်အပူၤနဳၤ. 8မၤနဲၢ်, ဘၱာ်စဲာ်အလှူၣ်အတါအစဲ, သံနံၤဘဲာ် တဲၤယဳၤက့ၤစာ်က့ၤဒဳ တဲၤဘူၣ်အပူၤ, တဘဲာ်ဒဳသံတဲၤမဲၤအစဲနီး, မၱာ် ကဘၱာ်စဲာ်အတဲၤအံာ်လၤလီၤ. 9မဲၤကနဳၤဒဳၣ်, ပၠၤအမီၤပဲၢ်ဓဳၤပဲၢ်မူၤ အန့ၤတအီၣ်တပွဲနီး. 10မၤနဲၢ်ကဒီၣ်ဓဳၤဒဳၣ်, ဝၤမၱာ်ကဘၱာ်စဲာ်အစူးခီးအတဲၤဘီာ်လၤ, စဘီာ်လၤ ကဲၤဝၤစာ်ဘိထဲၢ်ဝၤကအီၣ်ဒဳ ခရၱာ်ယ့ၣ်ရှူးအပူၤ, သမိဒဳတဲၤမဲၤအဝၱၤ အအဲး, ထဲၢ်စပြးနှဲးတီၤလီၤကဲၤဝၤနံၤခံဝၤကမဲၤဘဲာ် တစီာ်နဳၤ.
တပွဲၤစဲဒဳခရၱာ်အပူၤ
11သံထဲၢ်အမၱာ်ပၠၤအအီၣ်လၤအစာ်ဘိပွဲၤသူကူာ်ဖဳးတစီာ်, ယူဒၤဖဳးထဲၢ်အဒီၣ်လၤအန့ၤအဖ့းခံဘဲာ်ဟိရကၱ ဒဳအန့ၤဘၱစဲာ် တစီာ် ယဳၤကဲၤသံ, “အဖ့းခံတဘဲာ်ဟိရကၱနီး.” ကမဳၤထာ်နံၤပီၢ်လှ့အအူဆူး နဳၤ, သံမၱာ်ကဲၤတၤနဲၢ်နဳၤ. 12ဘ့နဳၤ အခဲ, သံမၱာ်ဝ့ၤပၠၤအတပီၤကၱာ်ခရၱာ်လီၤ. သံမၱာ်ပွဲၤနံၢ်ဒီၣ်ကၱာ်သံတဘဲာ်ကၠး ပၠၤထဲၢ်ကဘၱာ် စဲာ်ရိၤထာ်တစီာ်နီး. တဲၤမှဲးလၤထဲၢ်ကဘၱာ်စဲာ်အံာ် လၤစပၠၤခွံဖဳးအနံၤခံနဳၤ, အတဘဲာ်ကၠးသံနီး, ကၱာ် သံအီၣ်သမိလၢ်ခဳးယဳၤ ဒဳတဲၤဆးရှံမူၤလဲၢ်တအီၣ် နီးအပူၤကၱာ် ဒဳတဲၤတသၱာ်ဟဲကဘၱာ်စဲာ်နီးအပူၤ လီၤ. 13ပရၤဆါခဳနူၤယဳၤ, ဒဳခရၱာ်ယ့ၣ်ရှူးအပူၤနဳၤ, သံထဲၢ်အတပီၤကၱာ်စဲာ်တစီာ်နဳၤ အီၣ်ဘိး ထၱးထာ်က့ၤကဲၤစဲာ်ဒဳစသွံၣ်အစဲလီၤ. 14မၤနဲၢ်, ခရၱာ်သဲန့ၤလ့ၤအံာ်ကဲၤကဲာ် တဲၤယံၢ်တဲၤ ဒွါ ဒဳတဲၤမဲၤဖၱထာ်က့ၤယူဒၤဖဳးကၱာ်ပွဲၤသူကူာ်ဖဳး ထ့တမဳၤလီၤအစဲနဳၤ. စန့ၤဘၱစဲာ်သဲန့ၤမဲၤလၤတ့ၢ်ဖး ကဲၤတဲၤသဲးဒဳးဒၱာ်ဒါ, ထဲၢ်အမဲၤလၤဖးသံ ကၱာ် အမဲၤသဲဒ့ဒီၣ်ကဲၤသံတစီာ်နဳၤ. 15စလဲၢ်တၤ ကဲကဲၤယူဒၤဖဳးအတဲၤသိၣ်တဲၤသီကၱာ်အတဲၤ မှဲးလၤတစီာ်နဳၤစာ်ဘိထဲၢ် စကနှးကဲာ်ထာ်က့ၤပီၢ် ပၠၤကၠံၢ်ခွံမၱာ်တမဳၤခွံပ့ၤလီၤဒဳစပူၤ, ကၱာ်မဲၤယံၢ်မဲၤ ဒွါက့ၤပီၢ်စဲာ်တစီာ်အနံၤခံနဳၤ. 16ဒဳတဲၤခးသံအန့ၤသဳာ်ပျီၤထူၣ်စူညါလီၤအစဲ, ခရၱာ်မဲၤကူဓူၤကဲကဲၤ တဲၤတဝဲၢ်တဆဲလှဲးလၢ်ဝၤနီး, ကၱာ်သဳာ်ပျီၤထူၣ်စူညါမၱာ် စာ်ဘိထဲၢ် ပၠၤကၠံၢ်ခွံ ကကဲာ်ထာ်က့ၤပီၢ်တခွံလီၤ, ကၱာ်စဲာ် တစီာ်ကဒးဘးက့ၤပီၢ်အန့ၤဒဳကဘၱာ်စဲာ်အီၣ်နဳၤ. 17ခရၱာ်လ့ၤလၤ ဒီၣ်အူဒီဆးကဲၤတဲၤသးလဳၢ် သးလၤအံာ်အဝၱၤအကဲ အဘဲာ်ကၠးတဲၤယံၢ် တဲၤ ဒွါ, ဒဳသံပွဲၤသူကူာ်ဖဳး, ထဲၢ်အအီၣ်ယၱၤကဘၱာ်စဲာ်, ကၱာ်ယူဒၤဖဳး, ထဲၢ်အအီၣ်ဘိးထၱးကဘၱာ်စဲာ်တစီာ် လဳစါစဲးအနံၤခံနဳၤ. 18ဒဳခရၱာ်အစဲ, ယူဒၤဖဳးကၱာ် ပွဲၤနံၢ်ဒီၣ်, ဝၤလဳစါစဲးလ့ၤနံၢ်ဇၤဒဳဝၤပာ်အလှီမီၢ်, ဒဳသးစါထံတပွဲၤစဲအပူၤလီၤ.
19ကနဳၤအခဳးအစဲ, သံထဲၢ်အမၱာ်ပွဲၤနံၢ်ဒီၣ် တစီာ်နဳၤ, သံတမၱာ်ပ့ၤပၠၤခွံဖဳးအလဝ့ၤနီး, ကၱာ်သံ တမၱာ်တၱတမဲတစီာ်ပ့ၤနီး. မၱာ်သံကဲာ်ထာ်ကဲၤ ထံက့ၤဖဳးယၢ်သိးသိးကၱာ် ကဘၱာ်စဲာ်အပၠၤခွံဖဳး ကၱာ် ကဘၱာ်စဲာ်အရှံၣ်ဖဳးဖါဖဳး. 20သံမၱာ်ကဲၤ တဲၤဘီာ်ထာ်အခၣ်ထၱး, ထဲၢ်အဒီလါကဲၤဒဳသဓဳ ဖဳး ကၱာ်ဝံတစီာ်အခဳး, ကၱာ်ခရၱာ်ယ့ၣ်ရှူးသဲန့ၤမၱာ် ကဲၤရှံၣ်တဝၤနဳၤအလဳၤကါဒီနဳၤ. 21စဲာ်မၱာ် အဖီးကျဳၤယါပျဳာ်အံာ် တဲၤဘီာ်ထာ်သဒဲမဲဒဳး, ကၱာ် နှးကဲာ်ထာ်ကဲၤ ကဘၱာ်စဲာ်အတဲၤလှူၣ်ရှံၣ်စါထံ နဳၤ. 22ဒဳခရၱာ်ယ့ၣ်ရှူးအပူၤနဳၤ, သံဘဲာ်ဖဳးယါပျဳာ်ဒဳတဲၤဘီာ်ထာ်အယဳၤအပူၤ, ထဲၢ်တဲၤအလ့ၤဒဳ ကဘၱာ်စဲာ်အီၣ်အံာ် ဒဳအသးစါထံနဳၤ.
Currently Selected:
အ့ဖ့းစူး 2: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
