Popular Bible Verses from အ့ဖ့းစူး 2

Share

မၤ​နဲၢ်​က​ဒီၣ်​ဓဳၤ​ဒဳၣ်, ဝၤ​မၱာ်​က​ဘၱာ်​စဲာ်​အ​စူး​ခီး​အ​တဲၤ​ဘီာ်​လၤ, စ​ဘီာ်​လၤ ကဲၤ​ဝၤ​စာ်​ဘိ​ထဲၢ်​ဝၤ​က​အီၣ်​ဒဳ ခ​ရၱာ်​ယ့ၣ်​ရှူး​အ​ပူၤ, သ​မိ​ဒဳ​တဲၤ​မဲၤ​အ​ဝၱၤ အ​အဲး, ထဲၢ်​စ​ပြး​နှဲး​တီၤ​လီၤ​ကဲၤ​ဝၤ​နံၤ​ခံ​ဝၤ​က​မဲၤ​ဘဲာ် တ​စီာ်​နဳၤ.

မၤ​နဲၢ်, ဘၱာ်​စဲာ်​အ​လှူၣ်​အ​တါ​အ​စဲ, သံ​နံၤ​ဘဲာ် တဲၤ​ယဳၤ​က့ၤ​စာ်​က့ၤ​ဒဳ တဲၤ​ဘူၣ်​အ​ပူၤ, တ​ဘဲာ်​ဒဳ​သံ​တဲၤ​မဲၤ​အ​စဲ​နီး, မၱာ် က​ဘၱာ်​စဲာ်​အ​တဲၤ​အံာ်​လၤ​လီၤ. မဲၤ​က​နဳၤ​ဒဳၣ်, ပၠၤ​အ​မီၤ​ပဲၢ်​ဓဳၤ​ပဲၢ်​မူၤ အ​န့ၤ​တ​အီၣ်​တ​ပွဲ​နီး.

ပ​ရၤ​ဆါ​ဒဳၣ်, က​ဘၱာ်​စဲာ်​အ​တဲၤ​ခီၣ်​ဝဲၤ​မှီး ဘဲာ်​အီၣ်​အဲး​ကၱာ်​စ​တဲၤ​ဘဲာ်​လီၢ်​ဆိး​ကဲၤ​ဝၤ​အ​ခဳး အ​စဲ, ဘ့​ဝၤ​မၱာ်​အ​သံ​ကဲၤ​ဒဳ​သဳး​သး​အ​ပူၤ ဒဳ​ဝၤ​တဲၤ​ခီၣ်​ဝဲၤ ကၱာ်​တဲၤ​တ​ဆီး​ခ့​န့း​နီး​အ​စဲ အ​ခဲ နဳၤ, စ​မဲၤ​သ​မိ​ထာ်​က့ၤ​ကဲၤ​ဝၤ​ပျဳာ်​ပျဳာ်​ကၱာ်​ခ​ရၱာ်​လီၤ. သံ​ဘဲာ်​မဲၤ​လှိ​ထာ်​က့ၤ​ဒဳ​က​ဘၱာ်​စဲာ်​အ​လှူၣ်​အ​တါ အ​ပူၤ​နဳၤ.

ဝၤ​အီၣ်​ဒဳ​ခ​ရၱာ်​ယ့ၣ်​ရှူး​အ​ပူၤ​နဳၤ​အ​စဲ, စ​ဘး​ဝဲၢ်​ထဳး​သ​မိ​ထာ်​က့ၤ​ဝၤ စာ်​ဘိ​ထဲၢ်​ဝၤ​က​ဆး နါ​ကၱာ်​အူ​အံာ်​ပျဳာ်​ပီၢ်​စဲာ်​ဒဳ​မီၢ်​ခဳး​နဳၤ.

က​နဳၤ​အ​ခဳး​အ​စဲ, သံ​ထဲၢ်​အ​မၱာ်​ပွဲၤ​နံၢ်​ဒီၣ် တ​စီာ်​နဳၤ, သံ​တ​မၱာ်​ပ့ၤ​ပၠၤ​ခွံ​ဖဳး​အ​လ​ဝ့ၤ​နီး, ကၱာ်​သံ တ​မၱာ်​တၱ​တ​မဲ​တ​စီာ်​ပ့ၤ​နီး. မၱာ်​သံ​ကဲာ်​ထာ်​ကဲၤ ထံ​က့ၤ​ဖဳး​ယၢ်​သိး​သိး​ကၱာ် က​ဘၱာ်​စဲာ်​အ​ပၠၤ​ခွံ​ဖဳး ကၱာ် က​ဘၱာ်​စဲာ်​အ​ရှံၣ်​ဖဳး​ဖါ​ဖဳး. သံ​မၱာ်​ကဲၤ တဲၤ​ဘီာ်​ထာ်​အ​ခၣ်​ထၱး, ထဲၢ်​အ​ဒီ​လါ​ကဲၤ​ဒဳ​သ​ဓဳ ဖဳး ကၱာ်​ဝံ​တ​စီာ်​အ​ခဳး, ကၱာ်​ခ​ရၱာ်​ယ့ၣ်​ရှူး​သဲ​န့ၤ​မၱာ် ကဲၤ​ရှံၣ်​တ​ဝၤ​နဳၤ​အ​လဳၤ​ကါ​ဒီ​နဳၤ.