အ့ဖ့းစူး 1
1
1ယ့ၣ်ရှူးခရၱာ်အပွဲၤအပျဲၢ်အဘီၣ်စာ်ဘိကဘၱာ် စဲာ်ဘဲာ်သး, ယဲၤ, စီၤပီလူး ဝှ့းဒီဆးပၠၤစါထံအအီၣ်ဒဳ အ့ဖ့းစူးအူး, ကၱာ် ပၠၤထဲၢ်အဘူၣ်ယ့ၣ်ရှူးခရၱာ်နဳၤ, 2ဝၤပာ်ဘၱာ်စဲာ် ကၱာ်ကဘၱာ်စဲာ်ယ့ၣ်ရှူးခရၱာ် ကအံာ်လၤနံၤဒီပီၢ်ဧဲၤသံ တဲၤလှူၣ်တဲၤတါ ကၱာ် တဲၤစဳးတဲၤမီၤနဳၤ.
သးအတဲၤဟိးဝၱၤဒဳခရၱာ်အပူၤ
3ဒီၣ်လှူၣ်ဒီၣ်တါပီၢ်ကဘၱာ်စဲာ်ယွၤထဲၢ်ဝၤ ဘၱာ်စဲာ်ယ့ၣ်ရှူးခရၱာ်အပာ်နဳၤ. မၤနဲၢ်ဒဳၣ်, ဒဳဝၤတဲၤ အီၣ်ပျဳာ်ပျဳာ်ကၱာ်ခရၱာ်အပူၤနဳၤ, စဟိးဝၱၤကဲၤဝၤ ကၱာ်အံာ်လၤကဲၤဝၤကယါအဘဲာ်ကၠးသဳးကၱာ်သး အတဲၤဟိးဝၱၤလဳစါစဲး ထဲၢ်အအီၣ်ဒဳမီၢ်ခဳးနဳၤ. 4လှ့လၢ်ခဳးတချူးအီၣ် ထာ်နှၱနီးနဳၤ, ကဘၱာ်စဲာ်ရိၤ ထာ်ကဲၤဝၤစာ်ဘိထဲၢ် ဝၤကစါကထံကၱာ်ကလှိ ကလၤပီၢ်တဲၤကမဲာ်ဒဳစလှီမီၢ်နဳၤ.
5ဒဳကဘၱာ်စဲာ်အတဲၤဘဲာ်လီၢ်အစဲ, စပဲၢ် လၤကဲၤစသးဒဳယ့ၣ်ရှူးခရၱာ်အစဲနဳၤ, စကနှးဖၱ ထာ်ကဲာ်စဖဳးနဳၤ. အယဳၤမၱာ်စဒဲလၱၢ်ထာ်စတဲၤဘဲာ် သးကၱာ်စတဲၤသးအဲးနံၤလီၤ. 6ကီၢ်အံာ်ထါအံာ် ပီၢ်ကဘၱာ်စဲာ် အတီၤဓဳၤသ့းဓဳၤ အလှူၣ်အတါ, မၤနဲၢ်, စအံာ်လၤနှးနှါကဲၤကဲာ်စဖဳးထဲၢ်စဘဲာ်လီၢ် နဳၤ. 7ဒဳခရၱာ်အသွံၣ်မဲၤလှိက့ၤဝၤအခဳးအစဲ, ဝၤနံၤဘဲာ်ကဲၤတဲၤခီၣ်ဝဲၤအတဲၤဘးလှိ. ဝၤဘဲာ် မဲၤလှိထာ်က့ၤကဲၤ, ကၱာ်ဝၤတဲၤခီၣ်ဝဲၤဘဲာ်ဘါပျဲး ကဲၤ ကၱာ်အစာ်ဘိ ကဘၱာ်စဲာ်အီၣ်ကၱာ် တဲၤလှူၣ် တဲၤတါအဓဳၤအမူၤအခီ, 8စလှီးလၤပ့ထာ် လၤပျၱၤလၤပျိၤကဲၤဝၤနံၤခံ.
9ဒဳစတဲၤသၱာ်ဟဲကၱာ်စတဲၤစာ်ထၱးလဳစါစဲး အပူၤ, ကဘၱာ်စဲာ်မဲၤကဲၤအစာ်ဘိစတဲၤပြးနှဲးအီၣ် အဓ့နဳၤ, ကၱာ်ဘဲာ်ဒဲလၱၢ်ပ့ထာ် ဇီၤထာ်နံၤကဲာ်ဒဳ ခရၱာ်နဳၤ. 10ကဘၱာ်စဲာ်ကမဲၤပ့ထာ်ဇီၤထာ်က့ၤ အတဲၤပြးလၤနှဲး, ဘ့အဆဳအခဲဘဲာ်နဳၤ, ကၱာ်စကထူးပျဳာ်ဝၢ်ပျဳာ်က့ၤ ကယါတဲၤဘီာ်ထာ်လဲၢ်လၤကိ အမဳၤ, တဲၤလဳစါစဲးထဲၢ်အအီၣ်ဒဳမီၢ်ခဳးကၱာ်လၢ်ခဳး, ကၱာ်ခရၱာ်မၱာ်အခဳးနဳၤ.
11တဲၤလဳစါစဲး မဲၤကဲၤအစာ်ဘိကဘၱာ်စဲာ် အတဲၤကျ့ၤလၤပြးလၤနှဲးကၱာ်အတဲၤပဲၢ်လၤသးအီၣ် အဓ့နဳၤ. ကဘၱာ်စဲာ်ရိၤထာ်ကဲၤဝၤအစာ်ဘိဝၤကကဲာ်ထာ်စပၠၤဒဳခရၱာ်အပူၤ, လှ့အခၣ်ထၱးပ့ၤပ့ၤ လီၤ. 12ကနဳၤအခဳးအစဲ, ဝၤအမၱာ်ပၠၤအအူဆူး ကဓူ ထဲၢ်အဆးရှံအံာ်ခရၱာ်တစီာ်, ကီၢ်အံာ်ထါ အံာ်ပီၢ်ကဘၱာ်စဲာ်အတီၤအသ့း.
13သံထဲၢ်အသၱာ်ဟဲဘဲာ်ကဲၤတဲၤတၱၢ်တဲၤမှးအလ့ၢ်အဝှဲး, တဲၤသးလဳၢ်သးလၤအံာ်အဝၱၤအကဲ ထဲၢ်အလ့ၤအံာ်သံတဲၤလှိထာ်က့ၤတစီာ်နဳၤမၱာ်ကဲၤ ကဘၱာ်စဲာ်အပၠၤ. သံအဘူၣ်ကဲၤခရၱာ်တစီာ်, သံ ဘဲာ်တီၤလၤနှဲအံာ်ကၱာ်သးစါထံထဲၢ်စအဳလါဖျး လၤနှဲးထဳနဳၤ. 14သးစါထံမၱာ်တဲၤအၣ်မါခးအံာ်အဘဲာ်ကၠးကဘၱာ်စဲာ်အတဲၤအဳလါဖျး လၤနှဲးစပၠၤတစီာ်လီၤ. ဝၤထဲၢ်အမၱာ်စအဲတစီာ်နဳၤ စကအံာ်ဝၤတဲၤလှိထာ်က့ၤပ့ထာ်ဇီၤထာ်လဳကျံးကျံး နဳၤ. မဲၤကနဳၤဒဳၣ်, ထါထာ်အံာ်ပီၢ်ကဘၱာ်စဲာ် အတီၤအသ့း.
စီၤပီလူးအတဲၤတၤသဘဲ
15ဒဳတဲၤယဳၤအခဳးအစဲ, စးထာ်ဘ့ယသၱာ် ဟဲဘဲာ် သံဘူၣ်ဘၱာ်စဲာ်ယ့ၣ်ရှူး, ကၱာ်သံဘဲာ်လီၢ် ကဲၤ ကဘၱာ်စဲာ်အပၠၤလဳစါစဲးတစီာ်နဳၤပ့ၤပ့ၤ, 16ယတဆီတဘးကီၢ်အံာ်ထါအံာ်ကဘၱာ်စဲာ်ဒဳသံခဳး သံစဲနီး. ယကမဳၤထာ်နံၤသံဒဳယတဲၤတၤသဘဲ အပူၤ, 17ယတၤတဲၤသံနံၤခံ ဒဳဘၱာ်စဲာ်ယ့ၣ်ရှူး ခရၱာ်အပာ်, ကဘၱာ်စဲာ်အတီၤဓဳၤသ့းဓဳၤတပွဲၤ အီၣ်, စာ်ဘိထဲၢ်စကအံာ်လၤနံၤပီၢ်သံသးစါထံ, ထဲၢ် အကမဲၤထၱနံၤကိၢ်နံၤသံ ကၱာ်ဒဲလၱၢ်သံ ကဘၱာ်စဲာ်, စာ်ဘိထဲၢ်သံကသၱာ်ဟဲပီၢ်စဲာ်အနံၤ ခံနဳၤ. 18ယတၤတဲၤစာ်ဘိထဲၢ်သံသးအတဲၤ စာ်ထၱး ကလှၱထာ် ကၱာ်စာ်ထၱးပီၢ်စတဲၤလှၱ, သံကသၱာ်ဟဲပီၢ် စတဲၤ ယဳၤသံမၱာ်တဲၤဆးၡံအံာ် တၤအနံၤခံနဲၢ် ကၱာ်တဲၤ ဟိးဝၱၤစအဳလါကဲၤ စကအံာ်စပၠၤတစီာ် နဳၤအလံၢ်ဓဳၤပွၱၤသဲကဲၤပွ့း တဲၢ်, 19ကၱာ်စစိသလဲမဲၤတဲၤဒဳဝၤအဘူၣ်စဲာ် တစီာ်အပူၤမၱာ်အခဳးဘါအါဓဳၤကဲၤပွ့းတဲၢ်နဳၤ. တဲၤအစိသလဲအမဲၤတဲၤဝၤပူၤယဳၤ အတဲၤခဳး တဲၤအါ, 20ထဲၢ်အယၢ်သိးကၱာ်စတဲၤစိတဲၤ သလဲထဲၢ်အဘးဝဲၢ်ထဳးက့ၤခရၱာ် ဒဳတဲၤသံကၱာ် စအံာ်လၢ်ဝၤဆးနါအီၣ်ဒဳစစူးတထွဲး ဒဳမီၢ်ခဳး အထံအက့ၤအပူၤနဳၤ. 21ဘ့နဳၤခရၱာ်အူအံာ် တဲၤဒဳအအူအံာ်မီၢ်ခဳး တစီာ်, ပွဲၤဓဳၤတစီာ်, တဲၤစိ တဲၤသလဲတစီာ် ကၱာ်ဘၱာ်စဲာ်လဳစါစဲးတစီာ် အခဳး လီၤ. စမံၤမၱာ်အဓဳၤအမူၤကၱာ်အထာ်ယၱၤ ဒဳၣ်လံမံၤထဲၢ်အဘဲာ် ပၤ ထာ်လဳစါစဲး, ဘ့ခဳနဳၤယဳၤ, ထိဓဳၤဒဳအလ့ၤကါနဳၤ. 22ကဘၱာ်စဲာ် ဘဲလါတဲၤလဳစါစဲးဒဳခရၱာ်အခၣ်ယၢ်လၤအလဲၢ် အစာ်ဘိဘၱာ်စဲာ် အဓဳၤ ကဓူၤ, ကၱာ်အံာ်လၤကဲၤစဲာ်ဒဳတဲၤအီၣ်ပျဳာ်အနံၤခံ အကအူအံာ်တဲၤလဳစါ စဲးနဳၤ. 23တဲၤအီၣ်ပျဳာ်မၱာ်ခရၱာ်အန့ၤဘၱစဲာ်, ထဲၢ်အမဲၤပ့ထာ် ဇီၤထာ်ခရၱာ်ကၱာ်စဲာ်သဲန့ၤမၱာ်အမဲၤပ့ထာ် ဇီၤထာ်တဲၤလဳစါစဲး ဒဳတဲၤလ့ၤကိ အလၢ်နဳၤ.
Currently Selected:
အ့ဖ့းစူး 1: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
