၂ ကရံၣ်သူး 5
5
1မၤနဲၢ်ဝၤသၱာ်ဟဲဒဳရှံၣ်ဖဳးထဲၢ်ဝၤအီၣ်အံာ်ဒဳလၢ်ခဳးတဝၤ ဘဲာ်ဖြး ကဲဝှါနဳၤ, ကဘၱာ်စဲာ်ပြးတီၤ လီၤဝၤနံၤခံရှံၣ်အအီၣ်လၤထူ လၤပျဳၤထဲၢ်ပၠၤတပြးအံာ်အစူးခီးနီးတဝၤနဳၤဒဳမီၢ်ခဳးနဳၤ. 2ခဳနူၤယဳၤ ဒဳကအဳကယၢ်အပူၤ, ဝၤဆီးမီတိၤအံာ်တပွဲးဝၤကဘဲာ်ကိထာ်သီးထာ် နံၤဝၤဒဳမီၢ်ခဳးအရှံၣ်နဳၤ, 3ဝၤဆးၡံအံာ်ဝၤကတအီၣ်လှိးသိဘဲာ် နီးနဳၤ. 4ဘ့ဝၤအီၣ်ဝ့ၤဒဳလၢ်ခဳးရှံၣ်ဖဳးအပူၤယဳၤ, ဝၤတဲၤဘံာ်ထဳး, ဝၤကအဳကယၢ်, နီၣ်သီတဘဲာ်ဝၤသးအဲးပၢ်ဖျီးမံလၢ်ခဳးအန့ၤဘၱစဲာ်နီး, မၱာ်ဝၤသးအဲးကိ ထာ်သီးထာ်အဘဲာ်ကၠးမီၢ်ခဳး, စာ်ဘိထဲၢ်တဲၤအသံ ဇၤ ကဒီချဲးက့ၤပီၢ်တဲၤအီၣ်လၤထူလၤပျဳၤနဳၤ. 5ကဘၱာ်စဲာ်အတဲၤသး အဲးနံၤဝၤနံၤခံမၱာ်အယဳၤကၱာ် စကအံာ်လၤကဲၤဝၤစသးစါထံအတဲၤအၣ်မါ ခးအံာ်.
6ကနဳၤအခဳးအစဲဝၤအီၣ်အံာ်သဲာ်ယိကဲၤ တဲၤသဳးဆိးသးဆိး. ဝၤသၱာ်ဟဲဘဲာ်ထဲၢ်ဘ့ဝၤအီၣ် အံာ်ဝၤနဲၤဘၱစဲာ်တကျိအရှံၣ်ပူၤနဳၤ, ဝၤအီၣ်ပၢ်ကဲၤကဘၱာ်စဲာ်အရှံၣ်လီၤ. 7မၤနဲၢ်ဒဳၣ်ဝၤအီၣ် သမိအံာ်တဲၤဘူၣ်လီၤ, တဘဲာ်ဒဳကၢ်ဓူအတဲၤကဲာ် ထၱးနီး. 8ဝၤသဳးဆိးသးဆိးကၱာ်ဝၤတဲၤသးအဲး နံၤဒဳၣ်ချဳမၱာ် ဝၤကဟဲးပၢ်ကဲဝၤနဲၤဘၱစဲာ်အရှံၣ် ကၱာ်အီၣ်ယံၢ်ပျဳာ်ကဘၱာ်စဲာ်ဒဳစရှံၣ်အပူၤလီၤ. 9ပရၤဆါဒဳၣ်, ဒဳၣ်လံကၱာ်အနဳၤလဳစါစဲးမၱာ်, ဝၤသး အဲးမဲၤဘဲာ်သးစဲာ်, ဘ့ဝၤအီၣ်ရှံၣ်အယဳၤအပူၤမၱာ် ဝၱၤ, ဒဳအနဳၤအပူၤမၱာ်ဝၱၤလီၤ. 10မၤနဲၢ်, ဝၤကိ အပွဲၤအဝၱၤ အကဲအသ့ပွ့ၤလဳစါစဲးနဳၤကလှၱထာ် ဖျီထာ်ကီခရၱာ်အလှီမီၢ်, ဘ့စတဲၤစံးရးအလ့ၤနဳၤ, ကၱာ်ဝၤတပွဲၤတပွဲၤလၤဓူၢ် ကမၱာ်ဘဲာ်ကီအစာ်ဘိ စတးနံၤအဓ့ ဒဳစတဲၤဖၱးတဲၤမဲၤအဝၱၤကၱာ်အတဝၱၤ နီးအခဳးအစဲနဳၤ.
တဲၤမဲၤသီၣ်ကဘၱာ်စဲာ်ဒဳခရၱာ်အပူၤ
11တဲၤၡံးဆါနံၤဘံာ်စဲာ်မၱာ်တၤနဲၢ်နဳၤဝၤသၱာ်ဟဲ, မဲၤကနဳၤ ဝၤစွံးနံၤပၠၤတစီာ်ဒဳကဘၱာ်စဲာ်အီၣ်နဳၤ. ကဘၱာ်စဲာ်သၱာ်ဟဲလဳကျံးကျံး တပွဲၤဝၤမၱာ်ပၠၤတၤနဲၢ်နဳၤ ကၱာ်ဒဳသံအဳးလၢ်သးပူၤနဳၤ သံသၱာ်ဟဲတပွဲးဝၤဝၤ လီၤ. 12အယဳၤမၱာ်တဘဲာ်ဝၤတဲၤသးအဲးနံၤ အလဝ့ၤတမဳၤအကဒဲလၱၢ်ထာ်အန့ၤသံလှီမီၢ်နဳၤနီး. မၱာ်ဝၤသးအဲးနံၤသံကသးကနၢ်အံာ်ကိာ်ဝၤကါ, ကၱာ်စာ်ဘိထဲၢ်သံကဒီၣ်က့ၤကဲာ်ထာ်ပီၢ်ပၠၤအပဲၢ် ထာ်ထိနှးနှါအန့ၤပၠၤအလှီမီၢ်တစီာ်အလံၢ်နဳၤ. 13ဘ့ာ်မ့အကလၤကၱာ်မၤဝၤပျူၤနဳၤမၱာ်, ဝၤပျူၤဒဳ ကဘၱာ်စဲာ်အနံၤခံလီၤ. အကမၱာ်မၤဝၤမၱာ်ပၠၤအဝၱၤဒဳၣ်, အနဳၤမၱာ်သံနံၤခံလီၤ. 14အယဳၤမၱာ်ဒဳခရၱာ် အတဲၤဘဲာ်လီၢ်ဓဳၤပျၱၤဘးကဲၤဝၤခဳးအခဳး အစဲ ထဲၢ်ဘ့ဝၤကမဳၤပၠၤတပွဲၤသံဘဲာ်ပၠၤအလဝ့ၤ လဳစါစဲးအနံၤခံ, မၱာ်ပၠၤလဳစါစဲးမီၤသံဘဲာ်နဳၤ. 15ကၱာ်ဒီ စသံနံၤ ခံပၠၤလဳစါစဲး မၱာ်စာ်ဘိထဲၢ်ပၠၤအသးအီၣ်သမိတစီာ်ကတအီၣ်ပီၢ်စဲာ်တပွဲၤတပွဲၤလၤဓူၢ်အနံၤခံ လီၤ နီး, မၱာ်ဒဳ စတဲၤသံအစဲ စဘးဝဲၢ်ထဳးက့ၤပၠၤလဳစါ စဲးတပွဲၤအနံၤခံလီၤနဳၤ.
16ကနဳၤအခဳးအစဲ, ခဳတနံၤဖျီအလှီမီၢ်, ဝၤ တစံးရးဖးမ့ပ့ၤပၠၤတပွဲၤပွဲၤဒဳပၠၤအနှဲးဒါနီး. တပျာ်နဳၤဝၤစံးရးကဲၤခရၱာ် အစာ်ဘိပၠၤအနှဲးဒါ နီၣ်သီနှီနူၤ, ခဳနဳယဳၤ ဝၤတမဲၤ ပ့ၤကနဳၤနီး. 17ကၱာ်ကယါပၠၤအအီၣ်ခရၱာ်အပူၤ တပွဲၤပွဲၤနဳၤ, စနံၤခံမၱာ်တဲၤဘီာ်လၤအသဲ, တဲၤဘီာ် လၤအလံၤလၤမၱာ်အဖျီးတလိးထဳ, မၱာ်တဲၤဘီာ်လၤ အသဲမၱာ်အအီၣ်ဘ့ယဳၤ. 18တဲၤလဳစါစဲးမၱာ် ကဘၱာ်စဲာ်အတဲၤမဲၤလီၤ. ဝၤမၱာ်အသဲဒ့ဒီၣ်နီၣ်သီနှီနူၤ, ဒဳခရၱာ်အခဳးအစဲကဘၱာ်စဲာ်မဲၤသီၣ်က့ၤကဲၤဝၤ, ကၱာ် စာ်ဘိကနဳၤအခီ, စအံာ်လၤကဲၤဝၤတဲၤမဲၤထဲၢ် အကမဲၤသီၣ်က့ၤပၠၤအလဝ့ၤတစီာ်ကၱာ်စဲာ်စဲာ်. 19ဝၤတဲၤဒီထိးလၤမၱာ် ခရၱာ်အစဲ ကဘၱာ်စဲာ်မဲၤသီၣ်က့ၤကဲၤပၠၤလဳစါစဲးအဝၱၤအကဲနဳၤ. ကဘၱာ်စဲာ်တမဲၤမှါအံာ်တပွဲးပၠၤအတဲၤခီၣ်ဝဲၤခီၣ်ခးနီး, ကၱာ်စအံာ်သၱဟဲကဲၤဝၤထဲၢ် စမဲၤဖၱထာ်ကဲၤစသီၣ်အဝၱၤအကဲနဳၤ.
20ဝၤတၤမီၤသံဒဳခရၱာ်အပျိၤ, အံာ်ပီၢ်ကဘၱာ်စဲာ် ဘါချဲးက့ၤ သံစာ်ဘိထဲၢ်သံတဘဲာ်ပ့ၤစဒ့ဒီၣ်နီး, မၱာ်ပီၢ်စသီၣ်စခီ. 21ခရၱာ်နဳၤ စအီၣ်လှိ အီၣ်လၤကၱာ်တဲၤခီၣ်ဝဲၤလီၤ. ပရၤဆါဒဳၣ် ဒဳဝၤတဲၤခီၣ်ဝဲၤ အစဲ ကဘၱာ်စဲာ်အံာ်ခးနံၤခံကဲၤစဲာ်, စာ်ဘိထဲၢ်ဝၤကလဲၢ်ပျဳာ်ဝၤနဲၤကၱာ်စဲာ်, ကၱာ်နံၤဘဲာ်ကဘၱာ်စဲာ်အတဲၤတၱၢ်တဲၤမှးနဳၤ.
Currently Selected:
၂ ကရံၣ်သူး 5: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
