၂ ကရံၣ်သူး 4
4
သးအတဲၤလံၢ်ဓဳၤပွၱၤသဲဒဳကပဳၤလဳၤဟးတစီာ်အပူၤ
1ဒဳကဘၱာ်စဲာ်အတဲၤခီၣ်ဝဲၤမှီးဘဲာ်အပူၤ ဝၤ ဘဲာ်အံာ်လၤ နံၤကဲၤတဲၤအူအံာ်စာ်အံာ်အယဳၤနဳၤဒဳၣ်, ဒဳဝၤတခီဘဲာ်နဳၤတဲၤခဳးတဲၤအါ ယီၤလၤတအီၣ်တပွဲးနီး. 2ဝၤတမၱာ်တပွဲးအစာ်ဘိ အဘဲာ်သါဝၢ်, အပျဲး အလှူတဲၤ, မၱတမၱာ်နီးအရှူနံၢ်သကျိကဘၱာ်စဲာ် အလ့ၢ်အဝှဲး တစီာ်နူၤနီး, မၱာ်ဝၤမဲၤအံာ်ပၠၤကိအပွဲၤဒဳ တဲၤသဳးတနၢ်သးတနၢ်ကၱာ် တဲၤတၱၢ်တဲၤမှးအပူၤ ဒဳဘၱာ်စဲာ်အမူၢ်ကါပူၤနဳၤ. 3ဝၤတဲၤသဳးလဳၢ် သးလၤအံာ်အဝၱၤအကဲအတဲၤသိၣ်တဲၤသီနဳၤ အကအီၣ်ဟူၣ်အီၣ်ဘံာ်ဝ့ၤမၤဒဳၣ်, အကအီၣ်ဟူၣ် အီၣ်ဘံာ်တပွဲးဒဳပၠၤအဟဲးကဲလှဲမဲၢ်တစီာ်အမူၢ် ကါလီၤ. 4စဲာ်မၱာ်အတဘူၣ်တဲၤနီး ဒဳလၢ်ခဳးအဘၱာ်စဲာ်မဲၤခံးကဲၤအမူၢ်ကါ, အမဲၤဒၱာ်ဒါစဲာ်အကစာ် ထၱးတဲၤသးလဳၢ်သးလၤအံာ်အတဲၤလှၱ, အလှၱလါ အံာ်ခရၱာ်အတီၤအသ့း, ထဲၢ်အမၱာ်ကဘၱာ်စဲာ်အဟိ အကလဲၤတပွဲၤနဳၤ. 5မၤနဲၢ်ဒဳၣ်, အတမၱာ်ဝၤ အသိၣ်အံာ်သီအံာ်တဲၤတစီာ်နီး, မၱာ်ယ့ၣ်ရှူးခရၱာ် အစာ်ဘိဘၱာ်စဲာ်, ကၱာ်ဝၤဒဳယ့ၣ်ရှူးအနံၤခံမၱာ်အစာ် ဘိသံဇိၤသံပွဲၤတစီာ်အခီဖးနဳၤလီၤ. 6စမၱာ်ကဘၱာ်စဲာ် သဲန့ၤထဲၢ်အဒီၣ်, “ဒဳတဲၤခံးတဲၤနဲၤအကျဲနဳၤ, တဲၤလှၱအီၣ်ထာ်ဒီဧဲၤ” အနဳၤမၱာ်ဘၱာ်စဲာ်တပွဲၤစဲ ထဲၢ်အလှၱလါဘဲာ်ထဳဝၤသးပူၤ, အကဒဲလၱၢ်ဝၤကဘၱာ်စဲာ်အတီၤအသ့း ထဲၢ်အအီၣ်ဒဳခရၱာ်အမူၢ်ကါ အလီၤတဓဲနဳၤ.
7နီၣ်သီနှီနူၤ, ဝၤမၱာ်အအီၣ်အံာ်သးအတဲၤ လံၢ်ဓဳၤပွၱၤသဲအယဳၤစာ်ဘိကပဳၤလဳၤဟးတစီာ်ထဲၢ် အအီၣ်အံာ်တဲၤလံၢ်ဓဳၤပွၱၤသဲစာ်ဘိထဲၢ်ဝၤကဒဲ လၱၢ်တဲၤစိသလဲမၱာ်အဘဲာ်ကၠးဘၱာ်စဲာ်, တဘဲာ်ဝၤ နီးနဳၤ. 8ဝၤစာ်ထၱးတဲၤပၤအီၣ်ခွဲဘးဝၤ, မၱာ်ဝၤတအီၣ်ထံအီၣ်တၤနီး. ဝၤစာ်ထၱးတဲၤလှိထာ်ဖျီထာ်အကျဲးအသအီ, ပရၤဆါဝၤတသးပျဲၢ်နီး. 9ဝၤဘဲာ်တဲၤလိၤမဲၤဆဲးညဲ, ပရၤဆါဝၤတဘဲာ်ပၢ်ဖျီးမံ နီး, ဝၤဘဲာ်ထၱးလၤဓ့ၢ်, မၱာ်ဝၤတသံနီး. 10ကိအဆဳအခဲနဳၤ, ဝၤဟဲးအံာ်သဲာ်ယိ ခရၱာ်အတဲၤသံဝၤလီၤ, စာ်ဘိထဲၢ်ပၠၤကစာ်ထၱးပီၢ် ခရၱာ်အတဲၤအီၣ်သမိဒဳဝၤလီၤနဳၤ. 11မှးဟဳ, ဘ့ဝၤအီၣ်ဝ့ၤပၠၤအဆဳအခဲနဳၤ, ဝၤခးဘဲာ်တဲၤသံ ခရၱာ်အနံၤခံ, စာ်ဘိထဲၢ်ခရၱာ်အတဲၤအီၣ်သမိ အအီၣ်ဒဳဝၤဖ့းဝၤဟၱးအသံဇၤအအီၣ်ယဳၤကဘဲာ် ဒဲလၱၢ်ထာ်ပီၢ်နဳၤ. 12မဲၤကနဳၤတဲၤသံမဲၤတဲၤ ဒဳ ဝၤပူၤ, မၱာ်တဲၤအီၣ်မဲၤတဲၤဒဳသံပူၤနဳၤတခီ.
13ပရၤဆါဝၤတဲၤဘူၣ်မၱာ်အအီၣ်တမဳၤလီၤ အစာ်ဘိအအီၣ်ဝှ့းလၤဒဳ စဲာ်စါထံအပူၤနဳၤ, “ယဘူၣ်အခဳးအစဲ, ယယၱၢ်ဘဲာ်ထာ်ကီ.” ဝၤမၱာ်မၱာ် ဝၤဘူၣ်အခဳးအစဲ, ဝၤယၱၢ်ဘဲာ်ထာ်ကီ. 14ဝၤသၱာ်ဟဲထဲၢ် အဘးဝဲၢ်ထဳးဘၱာ်စဲာ် ယ့ၣ်ရှူး တပွဲၤနဳၤကဘးဝဲၢ်ထဳးဝၤပျဳာ်ပျဳာ်ကၱာ်ယ့ၣ်ရှူး, ကၱာ် စကဘဲလါသီကြီၤသံကၱာ်ဝၤဒဳဝၤကျဲနဳၤ. 15စာ် ပီၢ်, တဲၤအယဳၤမၱာ်လဳသံနံၤခံလီၤ, ဘ့ကဘၱာ်စဲာ် အလှူၣ်အတါလ့ၤပူးလၤဆီထာ်ဓဳၤထၱးပၠၤအီၣ်အဲး ထာ်အီၣ်အဲးထာ်နဳၤ, တဲၤသၱာ်ဟဲထာ်က့ၤစလှူၣ် စတါကအီၣ်အဲးထာ်အီၣ်အဲးထာ်ဒဳကဘၱာ်စဲာ်အတီၤ အသ့းအပူၤနဳၤ.
အီၣ်သမိအံာ်တဲၤဘူၣ်
16မဲၤကနဳၤဒဳဝၤအီၣ်တခီဘဲာ် တဲၤသဳးၡံး လၤသးဇ့ၤလၤတအီၣ်တမံနီး, မၱာ်ဝၤနဲၤဘၱစဲာ်တကျိယဳၤ ကသဳကအၱာ်နီၣ်သီနှီနူၤ, ဝၤအဳးလၤသး ပူၤမၱာ်အဘဲာ်မဲၤသဲထာ်က့ၤတနံၤဝှါတနံၤလီၤ. 17မှးဟဳ, တဲၤပၤကဖျီးတလိးတပွဲး, ကၱာ်စမၱာ်အဖံ သယါလီၤ, အသဲာ်အံာ်ဟူဝၤအကဘံာ်ကဇၢ်ထာ် ကျဳၤအံာ် တဲၤဓီၤတဲၤသ့းအလၤထူလၤပျဳၤ, အလံၢ်ဓဳၤပွၱၤသဲဒဳၣ်လံကၱာ်တဲၤကိမံၤထံတၤနဳၤ. 18မဲၤကနဳၤဝၤတစာ်ကဲၤ တဲၤကစာ်ထၱးဇၤနဳၤ တမံနီး, မၱာ်တဲၤဒဳကတစာ်ထၱးဇၤနီးတစီာ်လီၤ. မၤနဲၢ်ဒဳၣ်, တဲၤကစာ်ထၱးတစီာ်မၱာ်တဲၤတဒဳးတဆးလီၤ, ကၱာ်ကတစာ်ထၱးဇၤနီၤတစီာ်မၱာ် အလၤ ထူလၤ ပျဳၤအခဳးအစဲလီၤ.
Currently Selected:
၂ ကရံၣ်သူး 4: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
