Popular Bible Verses from ၂ ကရံၣ်သူး 5

Share

ကၱာ်​က​ယါ​ပၠၤ​အ​အီၣ်​ခ​ရၱာ်​အ​ပူၤ တ​ပွဲၤ​ပွဲၤ​နဳၤ, စ​နံၤ​ခံ​မၱာ်​တဲၤ​ဘီာ်​လၤ​အ​သဲ, တဲၤ​ဘီာ် လၤ​အ​လံၤ​လၤ​မၱာ်​အ​ဖျီး​တ​လိး​ထဳ, မၱာ်​တဲၤ​ဘီာ်​လၤ အ​သဲ​မၱာ်​အ​အီၣ်​ဘ့​ယဳၤ.

ခ​ရၱာ်​နဳၤ စ​အီၣ်​လှိ အီၣ်​လၤ​ကၱာ်​တဲၤ​ခီၣ်​ဝဲၤ​လီၤ. ပ​ရၤ​ဆါ​ဒဳၣ် ဒဳ​ဝၤ​တဲၤ​ခီၣ်​ဝဲၤ အ​စဲ က​ဘၱာ်​စဲာ်​အံာ်​ခး​နံၤ​ခံ​ကဲၤ​စဲာ်, စာ်​ဘိ​ထဲၢ်​ဝၤ​က​လဲၢ်​ပျဳာ်​ဝၤ​နဲၤ​ကၱာ်​စဲာ်, ကၱာ်​နံၤ​ဘဲာ်​က​ဘၱာ်​စဲာ်​အ​တဲၤ​တၱၢ်​တဲၤ​မှး​နဳၤ.

မၤ​နဲၢ်​ဒဳၣ်​ဝၤ​အီၣ် သ​မိ​အံာ်​တဲၤ​ဘူၣ်​လီၤ, တ​ဘဲာ်​ဒဳ​ကၢ်​ဓူ​အ​တဲၤ​ကဲာ် ထၱး​နီး.

တဲၤ​လဳ​စါ​စဲး​မၱာ် က​ဘၱာ်​စဲာ်​အ​တဲၤ​မဲၤ​လီၤ. ဝၤ​မၱာ်​အ​သဲ​ဒ့​ဒီၣ်​နီၣ်​သီ​နှီ​နူၤ, ဒဳ​ခ​ရၱာ်​အ​ခဳး​အ​စဲ​က​ဘၱာ်​စဲာ်​မဲၤ​သီၣ်​က့ၤ​ကဲၤ​ဝၤ, ကၱာ် စာ်​ဘိ​က​နဳၤ​အ​ခီ, စ​အံာ်​လၤ​ကဲၤ​ဝၤ​တဲၤ​မဲၤ​ထဲၢ် အ​က​မဲၤ​သီၣ်​က့ၤ​ပၠၤ​အ​လ​ဝ့ၤ​တ​စီာ်​ကၱာ်​စဲာ်​စဲာ်. ဝၤ​တဲၤ​ဒီ​ထိး​လၤ​မၱာ် ခ​ရၱာ်​အ​စဲ က​ဘၱာ်​စဲာ်​မဲၤ​သီၣ်​က့ၤ​ကဲၤ​ပၠၤ​လဳ​စါ​စဲး​အ​ဝၱၤ​အ​ကဲ​နဳၤ. က​ဘၱာ်​စဲာ်​တ​မဲၤ​မှါ​အံာ်​တ​ပွဲး​ပၠၤ​အ​တဲၤ​ခီၣ်​ဝဲၤ​ခီၣ်​ခး​နီး, ကၱာ်​စ​အံာ်​သၱ​ဟဲ​ကဲၤ​ဝၤ​ထဲၢ် စ​မဲၤ​ဖၱ​ထာ်​ကဲၤ​စ​သီၣ်​အ​ဝၱၤ​အ​ကဲ​နဳၤ.

ဝၤ​တၤ​မီၤ​သံ​ဒဳ​ခ​ရၱာ်​အ​ပျိၤ, အံာ်​ပီၢ်​က​ဘၱာ်​စဲာ် ဘါ​ချဲး​က့ၤ သံ​စာ်​ဘိ​ထဲၢ်​သံ​တ​ဘဲာ်​ပ့ၤ​စ​ဒ့​ဒီၣ်​နီး, မၱာ်​ပီၢ်​စ​သီၣ်​စ​ခီ.

ကၱာ်​ဒီ စ​သံ​နံၤ ခံ​ပၠၤ​လဳ​စါ​စဲး မၱာ်​စာ်​ဘိ​ထဲၢ်​ပၠၤ​အ​သး​အီၣ်​သ​မိ​တ​စီာ်​က​တ​အီၣ်​ပီၢ်​စဲာ်​တ​ပွဲၤ​တ​ပွဲၤ​လၤ​ဓူၢ်​အ​နံၤ​ခံ လီၤ နီး, မၱာ်​ဒဳ စ​တဲၤ​သံ​အ​စဲ စ​ဘး​ဝဲၢ်​ထဳး​က့ၤ​ပၠၤ​လဳ​စါ စဲး​တ​ပွဲၤ​အ​နံၤ​ခံ​လီၤ​နဳၤ. က​နဳၤ​အ​ခဳး​အ​စဲ, ခဳ​တ​နံၤ​ဖျီ​အ​လှီ​မီၢ်, ဝၤ တ​စံး​ရး​ဖး​မ့​ပ့ၤ​ပၠၤ​တ​ပွဲၤ​ပွဲၤ​ဒဳ​ပၠၤ​အ​နှဲး​ဒါ​နီး. တ​ပျာ်​နဳၤ​ဝၤ​စံး​ရး​ကဲၤ​ခ​ရၱာ် အ​စာ်​ဘိ​ပၠၤ​အ​နှဲး​ဒါ နီၣ်​သီ​နှီ​နူၤ, ခဳ​နဳ​ယဳၤ ဝၤ​တ​မဲၤ ပ့ၤ​က​နဳၤ​နီး.

အ​ယဳၤ​မၱာ်​ဒဳ​ခ​ရၱာ် အ​တဲၤ​ဘဲာ်​လီၢ်​ဓဳၤ​ပျၱၤ​ဘး​ကဲၤ​ဝၤ​ခဳး​အ​ခဳး အ​စဲ ထဲၢ်​ဘ့​ဝၤ​က​မဳၤ​ပၠၤ​တ​ပွဲၤ​သံ​ဘဲာ်​ပၠၤ​အ​လ​ဝ့ၤ လဳ​စါ​စဲး​အ​နံၤ​ခံ, မၱာ်​ပၠၤ​လဳ​စါ​စဲး​မီၤ​သံ​ဘဲာ်​နဳၤ.