၂ ကရံၣ်သူး 6
6
1အစာ်ဘိစတဲၤမဲၤဖဳးတစီာ်အခီ, ဝၤတၤ မီၤသံအကတစာ်တလိးပီၢ်ကဘၱာ်စဲာ်အလှူၣ်အတါသံနံၤဘဲာ်တစီာ်နီးနဳၤ. 2မၤနဲၢ်ကဘၱာ်စဲာ်ဒီၣ်ကဲၤ,
“ဘ့တဲၤဇွၱၢ်တဲၤအဲးအခၠၱးနဳၤ,
ယဆီးခ့န့းထဳသံ.
ဒဳတဲၤလှိထာ်က့ၤအမူၤနံၤနဳၤ,
ယလ့ၤမဲၤဇဳၤကဲၤသံ.” စဒီၣ်ဓဳၤ.
မှးဟဳ, ခဳနူၤယဳၤမၱာ်တဲၤဇွၱၢ်တဲၤအဲးအခၠၱး, ခိတနံၤမၱာ်တဲၤလှိထာ်က့ၤအမူၤနံၤ.
3စာ်ဘိထဲၢ်ပၠၤတစီာ်ကတကဲာ်ထၱးပီၢ်ဝၤတဲၤမဲၤအကမူၤ ကမဲာ်နီး နဳၤ, တဲၤအမဲၤသကါပၠၤ ကျဲးနဳၤဝၤတမဲၤကဲၤတမံနီး. 4တခီဘဲာ်မၱာ်ဘ့ဝၤကဲာ်ထၱး တဲၤဆဲးညဲပီၤတီၤ, တဲၤကၱတၱၢ်အၱအိး, တဲၤပၤတၤဆဲအခၠၱးနဳၤ, ဝၤဒဲလၱၢ်ထာ်ကဲၤဝၤမၱာ်ကဘၱာ်စဲာ်အဇိၤအပွဲၤဒဳ တဲၤခီၣ်သးဒီဝၱၢ်သးဇိၤအပူၤနဳၤ. 5ဝၤဘဲာ်တ့ၤ ဘဲာ်ပဳၤ, ဝၤခးဘဲာ်တဲၤဒဳးဝဲၢ်ကျဳၤ, ဝၤဘဲာ်ထာ်ဓဳၤ ထာ်ရၤ, ဝၤမဲၤဆီးဝဲဘဲသး, ဝၤဆီတမံဆီတဟး ကၱာ်ဆီတအၣ်ပၤတအီလီၤ. 6ဝၤဒဲလၱၢ်ထာ်ထဲၢ် ဝၤမၱာ် ကဘၱာ်စဲာ်အဇိၤအပွဲၤဒဳဝၤတဲၤ အီၣ်ဝၱၤအီၣ် စါ, ဝၤတဲၤသၱာ်ဟဲ, ဝၤတဲၤခီးသးဒီ, ဒဳသဳးသးအစါထံ ကၱာ်တဲၤဘဲာ်လီၢ်အပျၱအစါအပူၤ, 7တဲၤယၱၢ်ဘဲာ်အတၱၢ်အမှးကၱာ် ကဘၱာ်စဲာ်အတဲၤစိ တဲၤသလဲအပူၤနဳၤ, ဝၤအီၣ်အံာ်တဲၤတၱၢ်တဲၤမှး အတဲၤရၱၢ်တဲၤစူဒဳဝၤစူးတထွဲး ကၱာ်ဝၤစူးတစၱးအပူၤ နဳၤ, ဝၤအီၣ်အပြးတီၤလီၤဒဳတဲၤသါဝၢ်အခၠၱးနၣ်ရၱၣ် အပူၤနဳၤ. 8ဝၤခး ဘဲာ်တဲၤပဲၢ်ထာ်ယၱၤကၱာ်တဲၤဒီၣ်ကဲဒီၣ်အိး, တဲၤတီၤပယံၢ်လၤကၱာ် တဲၤထါအံာ်ကီာ်အံာ်လီၤ. ဝၤဒီၣ်တဲၤတၱၢ်တဲၤမှး, နီၣ်သီပၠၤယဳၤဝ့ၤဝၤ အလှီးပျဲးတဲၤ, 9ပၠၤတသၱာ်နီၣ်သီဝၤနီးနှီနူၤ, ဝၤမံၤဟဳထာ်သဲာ် လၤ, ပၠၤလဲၢ်ဝၤအသံ, ပရၤဆါဝၤအီၣ်သမိဝ့ၤတပွဲး. ဝၤဘဲာ်တဲၤစံးရး, နီၣ်သီနှီနူၤဝၤတဘဲာ်မဲၤသံနီး. 10တဲၤမဲၤအဳး သဳးအဳးသးဝၤ, နီၣ်သီနှီနူၤ, ဝၤအီၣ်အံာ် တဲၤသးလဳၢ်သးလၤသဲာ်ယိလီၤ. ပၠၤကမဳၤဝၤမၱာ်အမီၤခီၣ်ဝဲၤဇၱၢ်, မၱာ်ဝၤသဳးလဳၢ်သးလၤသဲာ်ယိ. ပၠၤကမဳၤ မၱာ်ဝၤဆဲးညဲပီၤတီၤ, မၱာ်ဝၤမဲၤယဲၤဓၢ်ပၠၤအလဝ့ၤ တခီ. မၤနဲၢ်ဒဳၣ်, ပၠၤအတဲၤတအီၣ်တမံနီး, မၱာ်ဝၤတဲၤအီၣ်ကိမံၤထံတၤလီၤအခဳးအစဲနဳၤ.
11အဳကရံၣ်သူးအူးဖဳးတစီာ်, ဝၤယၱၢ်ဘဲာ် ထၱးတနၢ်ပံးထဳသံ, ဝၤတဲၤကမဳၤလှၱထာ်ဖျီထာ်ထဳ သံလှီမီၢ်, 12တဲၤအဒၱာ်ဒါကးကျဲး မၱာ်တဘဲာ်အအီၣ်ဝၤအီၣ်တခီဘဲာ်နီး, မၱာ်ဒဳသံတခီဘဲာ်လီၢ်တခီ. 13ယယၱၢ်ဘဲာ်ထၱးသံအစာ်ဘိယဖဳးယလံၤတစီာ် နဳၤလီၤ. သံတခီဘဲာ်မၱာ်မၱာ် ဘါထာ်ခီပီၢ်သံသးတကၱာ်.
တဲၤအံာ်သဓံအဘဲာ်ကၠးပွဲၤသူကူာ်ဖဳး
14စဳကျဳၤကၠၱၢ်ကျဳၤမဲးသံန့ၤကၱာ်အတဲၤဘူၣ် တအီၣ်နီးတစီာ်နဳၤမဲး. တဲၤဇွၱၢ်တဲၤအဲးတဘဲာ်တဲၤ ကၱကဲာ်မဲၤလှီအခီအခဲးနီး. တဲၤလှၱကၱာ်တဲၤခံးတဘဲာ်ကၠးလှဲးလၢ်ဝၤနီး. 15ခရၱာ်တဘဲာ်မဳၤဒဲးလၱးအသီၣ်နီး. အတဲၤဘူၣ်အီၣ်နီးတပွဲၤနဳၤ တမဲၤပျဳာ်အၣ်ပျဳာ်ဇၤအတဲၤဘူၣ်တအီၣ်နီးတပွဲၤနီး. 16ကဘၱာ်စဲာ် အရှံၣ်တအီၣ်ဆီထဳးကိာ်ဇၤပွဲၤယီၤပွဲၤယၤ တစီာ်နဳၤနီး, ကၱာ်ဝၤမၱာ် ကဘၱာ်စဲာ်အရှံၣ်အဖါနဳၤ, ကဘၱာ်စဲာ်ထဲၢ်အအီၣ်သမိတပွဲၤနဳၤ. ဝၤအီၣ်အံာ်ကဘၱာ်စဲာ်အတဲၤယၱၢ်ဘဲာ်ထဲၢ်အဒီၣ်,
“ယကပြးထာ်ကီယရှံၣ်ယဖါစခဳးစကျဲ,
ကၱာ်ယကအီၣ်ကိာ်ကီစဲာ်တစီာ်အကါ,
ယကမၱာ်ကီစဘၱာ်စဲာ်,
ကၱာ်စကမၱာ်ကီယပၠၤ.”
17“ဟဲးတပီၤစဲာ်တစီာ်,
ကၱာ်အီၣ်ဒီဧဲၤသံလဳၢ်သံလါ,
ပဳၢ်ဝဲၢ်ပၢ်ဝဲၢ်မဲးတဲၤအတရူနီးတစီာ်တမံမဲး.
ယကၡံအံာ်ကီသံကျဲး”
ကဘၱာ်စဲာ်ဒီၣ်ဓဳၤ.
18“ကၱာ်ယကမၱာ်ကီသံပာ်,
ကၱာ်သံကမၱာ်ကီယဖဳးယလံၤတစီာ်နဳၤ,
ဘၱာ်စဲာ်အမဲၤဇၤတဲၤလဳစါစဲးဒီၣ်ကဲၤဓဳၤ.”
Currently Selected:
၂ ကရံၣ်သူး 6: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
