Popular Bible Verses from ၂ ကရံၣ်သူး 4

Share

မဲၤ​က​နဳၤ​ဝၤ​တ​စာ်​ကဲၤ တဲၤ​က​စာ်​ထၱး​ဇၤ​နဳၤ တ​မံ​နီး, မၱာ်​တဲၤ​ဒဳ​က​တ​စာ်​ထၱး​ဇၤ​နီး​တ​စီာ်​လီၤ. မၤ​နဲၢ်​ဒဳၣ်, တဲၤ​က​စာ်​ထၱး​တ​စီာ်​မၱာ်​တဲၤ​တ​ဒဳး​တ​ဆး​လီၤ, ကၱာ်​က​တ​စာ်​ထၱး​ဇၤ​နီၤ​တ​စီာ်​မၱာ် အ​လၤ ထူ​လၤ ပျဳၤ​အ​ခဳး​အ​စဲ​လီၤ.

မဲၤ​က​နဳၤ​ဒဳ​ဝၤ​အီၣ်​တ​ခီ​ဘဲာ် တဲၤ​သဳး​ၡံး လၤ​သး​ဇ့ၤ​လၤ​တ​အီၣ်​တ​မံ​နီး, မၱာ်​ဝၤ​နဲၤ​ဘၱ​စဲာ်​တ​ကျိ​ယဳၤ က​သဳ​က​အၱာ်​နီၣ်​သီ​နှီ​နူၤ, ဝၤ​အဳး​လၤ​သး ပူၤ​မၱာ်​အ​ဘဲာ်​မဲၤ​သဲ​ထာ်​က့ၤ​တ​နံၤ​ဝှါ​တ​နံၤ​လီၤ. မှး​ဟဳ, တဲၤ​ပၤ​က​ဖျီး​တ​လိး​တ​ပွဲး, ကၱာ်​စ​မၱာ်​အ​ဖံ သ​ယါ​လီၤ, အ​သဲာ်​အံာ်​ဟူ​ဝၤ​အ​က​ဘံာ်​က​ဇၢ်​ထာ် ကျဳၤ​အံာ် တဲၤ​ဓီၤ​တဲၤ​သ့း​အ​လၤ​ထူ​လၤ​ပျဳၤ, အ​လံၢ်​ဓဳၤ​ပွၱၤ​သဲ​ဒဳၣ်​လံ​ကၱာ်​တဲၤ​ကိ​မံၤ​ထံ​တၤ​နဳၤ.

ဝၤ​စာ်​ထၱး​တဲၤ​ပၤ​အီၣ်​ခွဲ​ဘး​ဝၤ, မၱာ်​ဝၤ​တ​အီၣ်​ထံ​အီၣ်​တၤ​နီး. ဝၤ​စာ်​ထၱး​တဲၤ​လှိ​ထာ်​ဖျီ​ထာ်​အ​ကျဲး​အ​သ​အီ, ပ​ရၤ​ဆါ​ဝၤ​တ​သး​ပျဲၢ်​နီး. ဝၤ​ဘဲာ်​တဲၤ​လိၤ​မဲၤ​ဆဲး​ညဲ, ပ​ရၤ​ဆါ​ဝၤ​တ​ဘဲာ်​ပၢ်​ဖျီး​မံ နီး, ဝၤ​ဘဲာ်​ထၱး​လၤ​ဓ့ၢ်, မၱာ်​ဝၤ​တ​သံ​နီး.

နီၣ်​သီ​နှီ​နူၤ, ဝၤ​မၱာ်​အ​အီၣ်​အံာ်​သး​အ​တဲၤ လံၢ်​ဓဳၤ​ပွၱၤ​သဲ​အ​ယဳၤ​စာ်​ဘိ​က​ပဳၤ​လဳၤ​ဟး​တ​စီာ်​ထဲၢ် အ​အီၣ်​အံာ်​တဲၤ​လံၢ်​ဓဳၤ​ပွၱၤ​သဲ​စာ်​ဘိ​ထဲၢ်​ဝၤ​က​ဒဲ လၱၢ်​တဲၤ​စိ​သ​လဲ​မၱာ်​အ​ဘဲာ်​ကၠး​ဘၱာ်​စဲာ်, တ​ဘဲာ်​ဝၤ နီး​နဳၤ.

စဲာ်​မၱာ်​အ​တ​ဘူၣ်​တဲၤ​နီး ဒဳ​လၢ်​ခဳး​အ​ဘၱာ်​စဲာ်​မဲၤ​ခံး​ကဲၤ​အ​မူၢ်​ကါ, အ​မဲၤ​ဒၱာ်​ဒါ​စဲာ်​အ​က​စာ် ထၱး​တဲၤ​သး​လဳၢ်​သး​လၤ​အံာ်​အ​တဲၤ​လှၱ, အ​လှၱ​လါ အံာ်​ခ​ရၱာ်​အ​တီၤ​အ​သ့း, ထဲၢ်​အ​မၱာ်​က​ဘၱာ်​စဲာ်​အ​ဟိ အ​က​လဲၤ​တ​ပွဲၤ​နဳၤ.

စ​မၱာ်​က​ဘၱာ်​စဲာ် သဲ​န့ၤ​ထဲၢ်​အ​ဒီၣ်, “​ဒဳ​တဲၤ​ခံး​တဲၤ​နဲၤ​အ​ကျဲ​နဳၤ, တဲၤ​လှၱ​အီၣ်​ထာ်​ဒီ​ဧဲၤ” အ​နဳၤ​မၱာ်​ဘၱာ်​စဲာ်​တ​ပွဲၤ​စဲ ထဲၢ်​အ​လှၱ​လါ​ဘဲာ်​ထဳ​ဝၤ​သး​ပူၤ, အ​က​ဒဲ​လၱၢ်​ဝၤ​က​ဘၱာ်​စဲာ်​အ​တီၤ​အ​သ့း ထဲၢ်​အ​အီၣ်​ဒဳ​ခ​ရၱာ်​အ​မူၢ်​ကါ အ​လီၤ​တ​ဓဲ​နဳၤ.