بیرینجی نامه، قُرِنتلیلَره 13
13
مُحبّت یولو
1اگر من آداملار و فرشتهلَر دیللَرینه دانیشام، آما مُحبّت یوخوم اولا، بیر سَسی اوجا سنج یا دا بیر ایچی خالی طَبلم. 2اگر نَبوّت ائدمَک قُدرتلَرینی واریم اولا و واری سِرّلَری و واری مَعرفتی آنگلایام و اگر ایمانی تمام و کمال واریم اولا ائله کی داغلاری ترپدَم آما مُحبّت یوخوم اولا، هئچَم. 3اگر هَر نهیی کی واریم وئرَم و اگر اؤز بدنیمی تسلیم ائدَم تا اوتدا یانا، آما مُحبّت یوخوم اولا، منیم ایچی هئچ فایده یوخو.
4مُحبّت، صَبر واری و مهربان دیر؛ مُحبّت، حَسودلیگ یا دا غَرّهلیگ ائدمئیر و تَکبّرلی دهییل. 5مُحبّت، تربیتسیز دهییل و خودخواه دهییل؛ مُحبّت، تئز خشم ائدمئیر یا دا کینه ائدمئیر. 6مُحبّت، پیسلیگدَن خوشحال اولمئیر، بلکی حَقیقت اینن شادلیگ ائدیر. 7مُحبّت، واری زاد اینان مُدارا ائدیر، واری زادی اینانیر، واری زاددا امید واری و واری زاددا استقامت ائدیر.
8مُحبّت، هئچ وَخت تؤکنمئیر. نَبوّتلَر، آرادان گئدهرلَر؛ آیری دیللَره دانیشماک تؤکنَر و مَعرفت دا آرادان گئدهر. 9چونکی بیلدیگیمیز جزئی دیر و نَبوّت ائدیگیمیز ده جزئی دیر؛ 10آما اوندا کی کامللیگ گله، جزئیلیگ آرادان گئدهر. 11اوندا کی اوشاق ائدیم، بیر اوشاق لهیین دانیشدیم، بیر اوشاق لهیین آنگلادیم و بیر اوشاق لهیین ده فکر ائدیم. اوندا کی کیشی اولدوم، اوشاق لهیین رووآل ائدمَکی ویل ائدیم. 12چونکی بو ایندی گؤردوگوموز بیر مَحو عکس لهیین دیر کی آینه دا گؤرورَک، آما اوندا قَرشی به قَرشی گؤرَرَک. ایندی من جزئی بیلیرَم، آما اوندا کامل بیلَرَم، ائله اولهیین کی اؤزوم دا کامل بیلینمیشَم.
13پس ایندی بو اؤچ زاد قالیر: ایمان، امید و مُحبّت. آما بوللارینگ ائنگ بویوکو، مُحبّت دیر.
Currently Selected:
بیرینجی نامه، قُرِنتلیلَره 13: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
